(Carta de San Pablo a los Efesios) 1:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nunak niina Uchijí aneetaijiya nuna amasua dui Apajuí wait anenkagtamuji dekas imana dui, emematjitnume tusa dutikauwai.

(Carta de San Pablo a los Efesios) 1:6 Iomraidhean Croise

(Salmos) 22:20

Puyajai ijutiag mantuawainum minash agkanmitkajuata. Yawajai betek aina nunú maatnume tusamek idaitusaipa.

(Isaías) 42:1

“Jujuwai mina inakeg, Wi niinak achiakjai, wi niinak etegkauwaitjai, niini shiig aneajai, niyai mina Wakanjun apusajai; Nii aents ashí nugkanmaya aidaun pujut pegkejan susatnai.

(Isaías) 43:21

Nunú aents aidaunak wi najankauwaitjai, mina emematjitnume tusan.

(Isaías) 61:11

Nuadui jigkai ajaamu tsapaama numamtuk, tuja ajak ayaunmaya tikich ajak tsapaama numamtuk, tsanumtsuk shiig takatan shiig aneasa pujutjai ashí aents aidaunum waji ajakaitkuish, Tuke Pujuu tsapapitnai. Nuadui shiig aneenak kantamiagtinai.”

(Isaías) 61:3

Israel aents aidau dita shiwaaji depeteam buutu batsata nuna shiig aneastinme, tuja yukuun ukatmama batsata nuna dakunkut anentain susati tusa awetine. Tuja wi agkanmitkamu asag, numi roble Apajuí ajakbau pejkejush amain aina iman asagmatai, tikich aidau chichajuinak: ‘Roble katsujam tegamainchau’ tiagtinai.

(Jeremías) 23:6

Nii inamjatna dui, mina aentsug Judá wegantu aidauk ayamjumaktinai, tuja Israel aents aidaushkam agkan shiig batsamsagtinai. Nunidau asag, Apajuí daajinak: ‘Tuke Pujuuwai iina depetmitkagbauk’ tuu adaikagtinai.

(Evangelio según San Mateo) 17:5

Nuna aatus Pedro chichai, yujagkim winchamtin ashí ditajai ijumag ijikui; nuniai yujagminmaya chichaak: “Juuwai mina uchig anetaijuk, wi etegkamu. Nigki antugkatajum”, tiuwai.

(Evangelio según San Mateo) 20:9

Timatai a las cinco jegattak wegai wayau aidau kaunawag, makichik tsawantai takasbaunum akikmataiya dutiksag makí makichik aidau makichik denario jukiaju.

(Evangelio según San Mateo) 3:17

Nuniaig nayaimpinmaya chicham antuekau: “Juuwai dekas mina Uchig anetaijuk, niiní shiig aneamu ajutui”, tabau.

(Evangelio según San Lucas) 2:14

“Nayaimpinmash Apajuiya duke emematiagmi, nugkanmash shiig agkan pujamu atatui Apajuí wait anenjamu aina duka”, wajaidau.

(Evangelio según San Juan) 10:17

“Nuadui Apajuk anentui, wagki mina uwigjun ayamjakun mantamnan ataktú nantaktin asamtai.

(Evangelio según San Juan) 3:35

Apajiya nu Uchijin aneau asa, ashí wají aidaunak niina uwejin idaitusui.

(Carta de San Pablo a los Romanos) 8:1

Tujash yamaik Cristo Jesusai ijutkau pujuina duka suwimak jumainuk shiig atsujuinawai.

(Segunda carta de San Pablo a los Corintios) 4:15

Ju ashí waitiamu ajutjama duka atum aneamunum imanika waituinaji, kuashat aents aidau Apajuí anentag wait anenjamu asag, aan kuashat aents Apajuinash see tuwinak niina imanjiya nunash dekatnume tabaunum.

(Segunda carta de San Pablo a los Corintios) 5:21

Cristuk makichkish tudau aina nunak takaschauwai, nunikunak Apajuí jutii tudaujin niinak aents tudaujai betekak emauwai. Ni nunikbaujin iishkam uwemja niijai ijunjau asajin, yamaikish tudau ainajinig, pegkejan takauwa iman diigmaji.

(Carta de San Pablo a los Efesios) 1:12

Nigka wakekauwai dekatkauk jutii aidauti Cristun dakastinme nuninak mina imanjua nuna emematjitnume tusa.

(Carta de San Pablo a los Efesios) 1:14

Nunú Wakania nuuwai, Apajuí sujabau jukiagtin asajin emtika amasmauwa duka, jutiin ashí agkanmitkagma niina aentsji etamkatna dui, dutijamamtai ashí jutiik Apajuí senchigtin imana nu ememattinaitji.

(Carta de San Pablo a los Efesios) 1:18

Nuigtushkam segajai atumi anentaiminish tsaapmitkagmatnume, dutijamamtai niina aentsji wajasjum nayaimpinum atumdau atin dakainajum dushakam shiig dekamnujum tusan, nuigtú Jesusa nemajin pegkejam aidau wajiin shiig kuashat dekas shiig pegkeg jukitin ajuina dushakam,

(Carta de San Pablo a los Efesios) 2:7

Juna jutikauwa nunak atak tsawan atina dui ashí aents aidaun iwaintuktatus dutikauwai, niina shiig kuashat wait anenkagtutaiji niina pegkegjiya nujai jutiinu atinun Cristo Jesusai dutikauwa nuna.

(Carta de San Pablo a los Filipenses) 1:11

Jesucristo yaimpasagmatai kuashat pegkeg takaagmin tikich aidaush Apajuin eme anentus ememattinme tusan.

(Carta de San Pablo a los Filipenses) 3:9

nuigtush niijai ijutkau atag tabaunum, chicham umiktina nu umiamuchui, Cristo dekaskeapi tabauwai, Apajuí pegkejan takauwa iman diigma dui.

(Carta de San Pablo a los Filipenses) 4:19

Nuadui mina Apajuijua nu, ashí atumin atsugtamjum nunak, niina wiyakchaji dekas imana nuna imatiksag Cristo Jesusai amaamu jukitnaitjume.

(Carta de San Pablo a los Colosenses) 1:13

Apajuí agkanmitkagmauwai wakan senchigtin suwenum inamaina nuiyan, dutijama niina Uchijí anetaijiya nuna inamtaijin jujamkiajui,

(Primera carta de San Pedro) 2:5

Atumshakam nunisjumek kaya numamtin iwaku ainagme, nunin asagmin wakannumag Apajuí ememattai jega jegamkamu pegkegma iman etamjume, Jesucristo jutiiní mantamna iina tudauji utsanjamkau asamtai Apajuí shiig awagma dutiksaik iina wakaní susata tabaunum.

(Primera carta de San Pedro) 2:9

Tujash atumek Apajuí niina aentsji atinun etegkauwa nu weantu ainagme, sacerdote rey takajin, Apajuí aentsji pegkejam, Apajuí sumaka jukimu. Jutiinak pegkegchau takainaku suwenum batsatjin tsaaptin dekas imana nuna amasui, Apajuí takasbauji shiig pegkeja nuna etsegkatnume tujamu asa.

(Primera carta de San Pedro) 4:11

Makichik aentskesh chichaakug Apajuí chichame tawa dutiksag chichaktí, makichik aentskesh takaakug Apajuí senchí suwa nujai takastí, dutikamunum Apajuiya nu eme anentam atí; nuniakjum Jesucristo yaimpasmatai ememattajum, Apajuí senchigtin ajumaish tuke atina nu. Aatus atí.