(Eclesiastés) 11:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Aminu ajutjama duka anetu pujutsuk ajamasta, wagki amek dekatsme waji utugchatak juju nugka juwish nagkaemakti duka.

(Eclesiastés) 11:2 Iomraidhean Croise

(Nehemías) 8:10

Tuja nuigtu Esdras ditan chichajak: “¡Jemin wejum yujumak shiig yuwajum, umutai vino yumimitu uwagtajum, nuniakjum juju tsawanta duka Apajuí emematku ijuntai asamtai, yumain umikbau atsujaidaujai ajamdaisatajum! ¡Wainka wake besemag anentaimigpajum, Tuke Pujuu dakunkutan ama nunú iinak ichichtamu asamtai, shiig aneasjum jiistamatajum!” tiuwai.

(Job) 5:19

Ame ishamainnum pujutaish, nigka kuashta aminak agkanmitkagmattawai. Tuja pegkegchauwa nunú waitkasti tusag idaitamsashtatui.

(Proverbios) 6:16

Awai seisa imajin, tuja nuigtu makichik, nujai ijumjamak sieteya imani Tuke Pujuu shiig dakita nunú:

(Eclesiastés) 11:3

Yujagkim bukusea weakug yumi yutak nuniawai. Numi katugak nujinum, tuja nuniachkush tsumunmagkesh iyakug tuwi iyaje, nuwig tepestinai.

(Eclesiastés) 12:1

Eke múuntuch wetsuk yamai datsauchitam duik Apajuí amina najapauwa nunú aneaku ata. Tuja tsawan waitiamu jegamtai, ame chichaakum: “Kuashat tsawan waitu pujutak shiig awajtatsui”, titinaitme.

(Daniel) 4:27

Nuadui wi yamai titatjam nunú antukta: Pegkegchau takatak idaisata, nunikam shiig takakum ujudauch aidau yaigta. Nunú dutikakum shiig aneasam agkan pujakum shiig atsumkas pujuschainpash”, tiuwai.

(Miqueas) 5:5

Nuniak nii agkan pujutan amastinai. Tuja asirianmaya aidau iina nugken utsanawag jega múun aidaun atanjamjatag tuinakuig, siete apu aidau ocho suntaja apuji aidaujai ditan jetektinme tusa ishiaktatji.

(Evangelio según San Mateo) 18:22

Tama Jesús ayaak: —Sieteya duke tsagkujata tatsujame, tuke tsagkugsamké ata tajai, tiuwai.

(Evangelio según San Mateo) 5:42

Makichik aentskesh segapakuig susata, tuja amina wajiigmin tsagkatjukta tusa segapakuish, sujitkaipa.

(Evangelio según San Lucas) 17:4

Nuigtú makichik tsawantinig sieteya imagnia tudaun takagtamas, sieteya imania tajutjama: Atak awagkinuk ankashtatjai takuig, tsagkujata”, tiuwai.

(Carta de San Pablo a los Gálatas) 6:1

Yatsug aidauh, atum ainajum anuiya tudau takau wainkugmek, atum Wakaní Pegkeji takamtikbautijum yaigtajum esemamati. Nuniakjumesh senchi kuitamamkatajum, atumesh dita pegkegchaun takaina nu takasaijum.

(Carta de San Pablo a los Efesios) 5:16

Tsawan wainka megkayigpa, wagki yamai tsawan batsatag juik, pegkegchau takaamu ayau asamtai.

(Carta a los Hebreos) 13:3

Aents achikam egketaidaush, atumin achigmakagmatai egkeemainaitam nu anentaimsam yaigtajum. Aents waitkam batsataidaushkam, atumshakam dutiksaik waitkam amainaitjum nu anentaimsajum yaigtajum.