(Daniel) 9:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nuna ausan, yujumka ijagmaan jáanch pegkegchaun nugkujan, yukunum antumka pujusan mina pataag aidaun pachisan Apajuín aujiajai.

(Daniel) 9:3 Iomraidhean Croise

(2 Samuel) 12:16

Nunitai David uchi jakai tusa Apajuín segaak, yujumkan yutsuk ijagma pegakjin kanutan dakitak, nugka tepes kanau.

(Nehemías) 9:1

Nantu sieteya nunú takau ai, tsawan veinticuatrotin Israel aents aidau yujumka yutsuk batsamas Apajuín ausagtatus ijunjajui. Nuninak jáanch pegkegchaun nugkujag, buuken nugka yukukuntun yukumajag,

(Job) 42:6

Nuadui wi chichakbaujun anentaimsan datsaajan, awake anentaimjai. Nuniakun pegkegchaunap tija tusa anentaimkun yukunum pujajai”, tiuwai Job.

(Ezequiel) 36:37

“Tuja nuigtush Israel aents aidauk shiig kuashat yujakag uwigjai betek agtinai, wagki nunak dita aatus mina segatiaje. Nunak dekas dutikattajai. Yamaik dita yaaktaji tsaikbau aina nunak ataktu yaaktamkag, nuwi aents aidauk pimasua weaku atatui. Jiista jegamtai, Apajuín emematuinak uwijan shiig kuashat Jerusalén yajumin aina nujai betek atatui. Imanitai nuna wainainak, dekas Tuke Pujuuwap aikawa tiagtinai”, tiuwai.

(Daniel) 6:10

Dutika apu papii umike tabaun Daniel dekaa ukuak Apajuín ausatatus niina jeen weuwai. Nunik waya nunú jeganum Jerusalégnumanini niimtai ujaimu epenim aun ujai, nuwi tikishmag pujus maki makichik tsawantai kampatuma Apajuín augtaijinak dutiksag Apajuín aujak pujau.

(Daniel) 9:2

Nunú apu makichik mijan inamai, nunú mijantin wi Daniel, Apajuí profeta Jeremíasan ujaak, Jerusalégnak tsaikagtinai, dutikam setenta mijan asatnai tiuwa nunú agagbaun augkun pujuyajai.

(Daniel) 9:20

Tuja nuigtushkam, mina pegkegchaujun pachisan, Israel aents aidau pegkegchaujin, tuja Jerusalégkan pachisnushkam Tuke Pujuu mina Apajuíjun augkun pujuyajai.

(Daniel) 9:4

Wi Tuke Pujuun mina Apajuíjun segaaknuk aatsan segayajai: “Apajuíjuh, ametme múun ashí senchigtinum. Ame dutikatjai tibauk betek uminaitme, tuja amina anempainak chichamjumin umigtamin aina nunú amina anenkem iwaintinaitme. Nuadui anentaimsan

(Joel) 1:13

Vino, trigo, cebada aina duka atsau asamtai, aents aidauk Apajuínak anentag ejetuinatsui. Nuadui Apajuí emematku ijuntainmak makichkish atsawai. Nunú diisjum atum sacerdote Apajuí altarjin takau aidautigmek wake besemag pujaku nugkutai jáanch nugkugjum kashi buu buutkawajum tsawaitajum.

(Joel) 2:12

Tujash Tuke Pujuu yamai juna aatus tawai: “Atum pegkegchau takajum duka idaisajum atumi anentaimijai umigtuktajum, nuniakjum ijagma pujusjum buutkujum Apajuí ausatajum.

(Jonás) 3:5

Tusa etsegtai, ashí aents Nínivenmaya aidauk uchinum nagkamas múun aidaushkam pegkegchau takatnak idayinak, dekas Apajuí umigkagmi tuidau. Nuna tusag wake besemag dekapenak, jáanch pegkegchaun nugkukag yujumkan ijagmawag Apajuín segainak batsatu.

(Evangelio según San Mateo) 17:21

Tujash jujú wakanik ayuno takaaku, Apajuí aujku jiimainai, tiuwai.

(Evangelio según San Lucas) 2:37

nuniau wajemea ochenta y cuatro mijan wegau; nuigtush jega Apajuí ememattainum kashish tsawaishkam megkaechau, nuniau asa ayunó wajak Apajuin aujú pujú.

(Los Hechos de los Apóstoles) 10:30

Tutai Cornelio ayaak: —Cuatro tsawan weawai, ju horaya junin ai a las tres wegai mina jegajui Apajuí aujkun pujukman, makichik aents jaanch winchamtinun nugkuaju wajattaman wainkamjai;