(Daniel) 7:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tuja nii eketbaun emtinia jii kegau betsaka akaemayi. Nunú muunnak aents shiig kuashat emematiagmayi. Nuninai tikich aents aidau nuni kuashat makichkish dekapamainchau, jegantag ijuniagmayi. Nuninai nunú múun dita takasbaujin diijus suwimkan susatatus papii aidaun ujakmayi.

(Daniel) 7:10 Iomraidhean Croise

(1 Reyes) 22:19

Tusa tutai Micaías ataktu chichajak: “Ame tame nuniau asam, wi Tuke Pujuu tujutbaun ujaktatjam nunú shiig antukta: Tuke Pujuu niina ekemtaijin ekemsamtai, niina aentsji aidau untsujin, menajin aatus ijunun wainkamjai.

(Salmos) 103:21

¡Atum niina suntaji aidautijum nii takajin, tuja nii inapamu betek umijin aidautijum Tuke Pujuu ememattajum!

(Daniel) 7:22

Imatika pujujai nunú múun taabi, nunik Apajuí ashí senchigtinu aentsji aidaun ayamjuk agkanmitkabi. Nunak Apajuí ashí senchigtinun aentsji aidau apu wajasag inamjagtin tsawan jegau asamtai nunak dutikatnai.

(Daniel) 7:26

Tujash nunú apua duka apu chichaman inagdau aidau utugchatjin ejetim suwimkan jukitnai, nunik ajumaish apu achatnun tuke megkaekatnai.

(Evangelio según San Mateo) 25:31

“Aentsmaga akiinauwa nu tsawan wajas ashí niina angeljijai minakug, ekeemtaiji dekas imana nui ekeemsamtai,

(Deuteronomio) 33:2

juna aatus tiuwai: “Tuke Pujuu jutijai pujustatus muja Sinaínum tauwai, tuja nugka Seírnum nagkamas niina tsaaptinjig etsanjabi. Nunik etsantug yaakat Parágnum nagkamas uyuuntamsabi, tuja diez mil ángel aidaujai weak, niina uweje untsujiya duwi chicham umiktin agagbaun takakuyi.

(Carta a los Hebreos) 1:14

Wagki, ashí ángel aina duka wakan Apajuin takajin ainawai, aents uwemjatin aina nuna yaigtí tusa ishimtai ditak ainawai.

(Carta a los Hebreos) 12:22

Tujash atumek muja Sión Apajuí tuke pujuuwa nuna yaaktaji nayaimpinmaya Jerusalegka nu adijkaugme, nuig nayaimpinmaya aents aidau shiig kuashat Apajuin emematuinak ijunag ainawai,

(Carta de San Judas) 1:14

Ju aents nunikagtinun pachis Enoc tiuwai, Adagkai nagkamas akiinak weamunum siete aajakua nu: “Apu Apajuí, dekapamainchau ángel aidaujai midaun wainjai,

(Apocalipsis) 11:18

Nuniau asamin ashí nugkanmaya aidauk kajekaje, tujash ame kajeamugmik nagkamnae, nuigtú jakau aidau suwimak susattam dushakam tsawantak jegae, nuigtú amina inakem profeta aidau, aentsjum pegkejam aidau, amina umigtamin aidau, eme anenchatai, eme anentai aidau, akiktinaitam dushakam nuigtú nugkan emesena nu tsaiktinchakam jegae, wajagmayi.

(Apocalipsis) 5:11

Nuna takui diikman, kuashat ángel aidau, nuigtú iwaaku aidau; anciano aidaushkam, nuigtush dekaapatash dekapamainchau aidau ekeemtaiya nuna tenteawag pampainamun antukbaijai,