(Daniel) 7:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Belsasar Babilonia apuji wajasa makichik mijan inamak pujai, Daniel kashi kajanum kajamjauwai, nunik shintaag nii kajamjamujin agajui. Tuja duka aatus tawai:

(Daniel) 7:1 Iomraidhean Croise

(Génesis) 15:1

Nunú ashí nagkaemaju ai, Apajuí Abragkan wakanmantun wajantun chichajak: “¡Abragkah, ishamjukaipa, witjai amina kuitamnunuk! Amek shiig kuashat wajigtin atatme”, tiuwai.

(Génesis) 46:2

Dutika nuwi kanittaman Apajuí kajanum wantintuk niina daajin adaitus untsukui. Tusa untsuam nii ayaak: “Juwi pujajai, Apujuh”, tiuwai.

(Job) 4:13

Aents aidau kashi kaja achiam kanuinai, wika kanumainchau dekapjamjai.

(Isaías) 30:8

Tusa inagnakmatai Apajuí Isaíasan chichajak: “Wi timag nunú yamai numi pakama najanamunum agagta, atakea duwish wi tibauwa nuna tuke adeagtin atinme”, tiuwai.

(Isaías) 8:1

Tuke Pujuu chichagtak: “Sacerdote Urías, Jeberequíasa uchiji Zacaríasjai untsukta. Dutikam dita wainbaunum makichik numi dakakbau wegkajam jukim nuwi shiig pan wainmain: ‘Maher-salal-hasbaz’ tuu agagta” tujutiabi.

(Jeremías) 23:28

Makichik profetakesh kajamkagtujag, kajanmayan tajai titi. ¡Untsu mina chichamjun antuk etsejuk, shiig betek etsegkati! Trigon dukega duka nejejaig betekchauwai.

(Jeremías) 36:32

Nuna tusa nagkanak, Jeremías tikich duwapen juki Baruc papiin agau aajakua nuna susauwai, dutikam nuna juki Jeremías tabaunak imatiksag ashí agajui. Nunak yama nagkamchaku agagbaun apu Joaquim apeauwa nuna ashí betek agajui, dutikak, nuigtushkam tikichin nunú chicham agagbaujai betekmamtinun Jeremías ekek tutai nunashkam dutiksag ashí agajui.

(Jeremías) 36:4

Tusa timatai, Neríasan uchiji Baruc aajakua nuna Jeremías untsuka itan Tuke Pujuu tibaunak imatiksag ashí ujakui. Dutikam Baruc nuna agajui.

(Ezequiel) 1:1

Witjai sacerdote Ezequiel, Buzí uchiji. Babilonianmaya aents aidau apu Joaquígkan achika juwinak tikich Israel aents aidaujai ijumag achijuk jujukiajabi. Dutijuawagmatai Babilonia nugkanum cinco mijan pujusan, mina mijanjun treinta mijan ejeyu ai, tsawan cincotin, nantu Tammuz takau ai, kajanum namak Quebar aajakua nuwi uwet eketai, nayaim ujaniabi. Nunikmatai Apajuín wainkabiajai, nunikan Tuke Pujuu senchijin dekapjabiajai, dutijua ashí iwaintugkabi tikich tsawantinish wajig nagkaemagtinush ayi nuna.

(Daniel) 1:17

Nunú ipak usumat datsauch aajaku aina nunak, ashí waji aidaun unuimagtinme tusa Apajuí yachamtikauwai. Nuigtush Danielak kajanmayanash shiig dekajakui.

(Daniel) 2:1

Nabucodonosor apu wajasa jimag mijana nuna inamak pujus, kajanum kuashat pegkegchaun kajamjauwai, nunik wagkanuk aan kajamjaja tusa senchi anentaimak kanumainchau dekapeau.

(Daniel) 2:26

Tusa timatai Danielan dita Beltsasar adaikau aina nuna apu chichajak: “Ameka wi kajamjag nunú ejeyim, nunash wajukatnunak aan kanagja nunú ¿tujutmainaitam?” tiuwai.

(Daniel) 4:13

“ ‘Nuna dii wajakman pachiachbau makichik ángel kuitamkagtin nayaimpinmaya akagun wainkamjai.

(Daniel) 4:5

Imanisan pujukman, kashi kajanum ishamainun kajamjabiajai. Nuna anentaimtusan senchi ishabiajai.

(Daniel) 5:1

Apu Belsasar Babilonia nugkan apuji jiista muuntan umika, niijai takau aidau mil aents eme anentsa diitai aidaun ipauwai. Dutika ipaam kaunawag vinon shiig kuashat uwajajui.

(Daniel) 5:22

Tuja apuh, amek nuna uchiji asam shiig dekame, nuniayatkum pegkeg takatak dakitame.

(Daniel) 5:30

Nuna tusa kintamun nunú kashia duik apu Belsasar Babilonia nugkan apujin mau ainawai.

(Daniel) 7:13

“Nuna wika kajanum ashí diyakun wajabiajai. “Nuniai pachiachbau, yujagminum pachitkau makichik aentsjai betek akagun wainkabiajai. Nunik akaiki nunú múun eketbaunum jeganmayi.

(Daniel) 7:15

“Nuna imanun wainkan senchi ishamkabiajai, nunikan puyatkan jamaijai.

(Daniel) 7:7

“Untsu tikich kuntinun kajamjabiag duka yama nagkamchakun kampatum kuntinun kajamjabiag nuna nagkaesau shiig tsumain, ishamain, senchigtin, diez kachugtinayi. Iman asa naísh jiju hierro tsakaskatu etsakamu asamtai, nii wainbaunak ashí amubi, dutikak ampinunak najak tsaika ukubi.

(Joel) 2:28

Nunú uminkamtai, mina Wakanjun ashí susagtinaitjai, dutika ai nuwa aidau, aishmag aidau ashí mina pachitus etsejiagtinai. Tuja múuntuch aidaujaig kajanum chichatnaitjai, untsu datsauch aidaunak pan wantintukan augtinaitjai.

(Amós) 3:7

Tuke Pujuu niina aentsji profeta aidaun dekamtiktsukek nii wakegamu ataish, nigkik makichkish dutikatsui.

(Habacuc) 2:2

Nunikan pujai Tuke Pujuu mina aijak: “Wi amina iwaintuktatjam nunú tablanum paan shiig wainmain agagta, dutikamu asamtai, tikich aidaush yupichuch ausatnume.

(Números) 12:6

nunik jegantagmatai Tuke Pujuu ditan chichajak: “¡Antuktajum wi titatjim nunú! Atum ainajum anuiyan wi makichik profeta apusamua nujaig wika ayatak wakanmanta wajantan, tuja kajanum aajan chichajai.

(Carta de San Pablo a los Romanos) 15:4

Wagki yaunchuk Apajuí chichame agagbauwa nuwi agakbauwa duka, jutiin jintinjamatin asamtai agakbauwai. Nunú chichama nujai ichichmamku, ebetmamsa pujamunum Apajuí dakamuk ajutkagtawai.

(Segunda carta de San Pablo a los Corintios) 12:1

Dekaskenmag iik eme anenmamtak pegkegchauwai, tujash Apu Jesús mina iwaintugbaun wainkauwaitag nuna tajai.

(Apocalipsis) 1:19

Agagta wají aidau wainkaum nunú, yamai aina nu, jujú nagkaemagmatai atak atina dushakam.

(Apocalipsis) 10:4

Nunú sieteya imania ipamat wajukea imatuk chichakagmatai agagta timaijai; nuniai nayaimpinmaya chichagtak: “Sieteya imania ipamat wajukea imatuk tiaja duka idaisata, agajaipa”, tujutmayi.