(Daniel) 6:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Nuna tikich apu aidau dekawag, wajinmak dewakat, tuja nuniachkush wajinak shiig umikchat nuniakuig apu ujatkami tusag egatuidau. Dutikainakush Danielak shiig takau asamtai, makichkish pegkegchaunak waitkachajui.

(Daniel) 6:4 Iomraidhean Croise

(Génesis) 41:38

Nunik faraón niina inake aidaun chichajak: “¿Juju aentsun Apajuín Wakani aja imajush tikich aentsush igkumainkait?” tiuwai.

(Génesis) 43:18

Tuja yajuaka José jeen emam senchi ishamkajui nunik diták pempeentunikiag chichainak: “¡Junak anagtamak aikagmawai! Ii kuichik akikmakbaun awagtugmakbau egketu wainkabiag nuadui jutijamji, niina inake etami, ashí iina tagkuji aidaujai waitkagmastatus”, tuidau.

(Jeremías) 18:18

Aents aidau chichainak: “Sacerdote aidau, aents yacha aidau, profeta aidau Apajuí chichamen iina jintinjamainuk tuke aitnai. Nuadui nii tawa duka makichkish antugkachmi, dutikaku Jeremíasak chicham umigka tsanumjuja maa ajapami”, tuidau.

(Jeremías) 18:23

Tujash Tuke Pujuuwah, mina mantuawagtatus chichaman umigtuina duka amek shiig dekame. ¡Dita pegkegchauji aina duka tsagkujaipa! ¡Tuja kajimatkimesh idaisaipa! ¡Ame kajekbaugmin suwimak susata, shiwag aidau depetuk ijinatnume tusam idaisata!

(Jeremías) 20:10

“Aents aidau tuke aneas dushiktus chichainak: ‘¡Ashí yantamnum sapigmainaji!’ tuinawai. Tikichnashkam chichainak: ‘¡Kaunatajum tsanumjuja utugchat apujtusmi!’ tuidaunash antajai. Mina shiig kumpauchig aidaush itusag pegkegchaun takasa tusa utugchatan egatjuinawai. Nuninak: ‘Tsanusa dekapsami, dutikkama ajuaik depetka emegkaktatji’, tujutuinawai.

(Daniel) 3:8

Tuja ujumak Israel aents aidau nuwi batsatuk emematchajui, nuniagtai babilonianmaya aents aidau, apu ujakmi tusag shiyakajui.

(Daniel) 5:12

Nunú aents yacha duka kajanmayanash, tuja utugchat shiig dekamainchaunash shiig etsegmainai. Niina daajig Daniel aig apu Nabucodonosor yapagtua Beltsasar adaikauwai. Nunú untsukta, dutikawamin nii taa juju agagbauwa jusha wajintuk agagbauwaita nuna ujapakti”, tiuwai.

(Daniel) 6:22

Wi pegkegchau takamsachbaun Apajuí dekau asa, tuja aminakesh tsanuchuitjam nunashkam dekau asa, león yuwawai tusa, wi Apajuín nemajag nunú niina aentsji ángelan akupkame, dutikamu taa nii leónka weninak epetjame”, tau.

(Evangelio según San Mateo) 26:4

Nunikag chichaman umikajui, Jesús tsanumjuja achiká maami tusag.

(Evangelio según San Mateo) 27:18

Nunak kajejuidau asag sujukaja nuna dekau asa tiuwai.

(Evangelio según San Lucas) 20:20

Nuninak aents aidaun, iish pegkeja nu dekatasa wakegainaji tusajum dekajuatajum tusag awemajui, dutika Jesús wajintig timatai achiká gobernador inama nui sujukmi tusag.

(Evangelio según San Lucas) 20:26

Nuna ashí aents antuinamunum timatai, tsanumjumainchau dekapjaju. Nunikag nu tu aikam anentai jegagchag, itatjaju.

(Evangelio según San Lucas) 22:2

sacerdote apuji aidau, maestro chicham umiktinun jintinkagtin aidaujai, aentsun ishamaidau asag, Jesús wajuk maawajik tusag chichaidau.

(Evangelio según San Juan) 19:4

Tiagtai Pilato ataktú jiinki chichaak: —Diistajum jui agaa itanjai, ni bakumamainjig makichkish atsuja nuna dekatnume tusan, tau.

(Segunda carta de San Pablo a los Corintios) 11:12

Tujash wi takaag junak, jutiksanuk emattajai, tikich aents aidau Apajuí awemamu ainaji tusag eme anenmamainak jutiiya imanuk anenmamaina nu imijkata tabaunum.

(Carta de San Pablo a los Filipenses) 2:15

makichkish nuninai tama amainchau, bakumamainjish atsugbau, Apajuí uchijí asajum pegkegchaush atsugbau, aents pegkegchau besekú aina nuig, atum agkajunum yaya aidau etsantak nugkan tsaaptin emama numamtin atajum.

(Primera carta de San Pablo a Timoteo) 5:14

Nuadui wakegajai, nuwa tsakat wajemeau aidaunak, nemaktinme nunikag uchijinawag jeenian uyumaktinme, nunidau asag shiwaja nu kakajus pegkegchaunum chichajam amainchau atinme tusan.

(Carta de San Pablo a Tito) 2:8

chicham dekaskea nu, dakitmainchau; aaja nuniamin shiwagshakam datsaagti, nuninak jutiinash makichkish pegkegchau tujamainchau atinme.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Primera carta de San Pedro) 3:16

tujash pegkeg anentaiyai nuigtú eme anentsajum dutikatajum, atum Cristo nemaju asajum shiig pujajum nuna pegkegchau chichagtamainak wainak tsanumjutpaina nu datsagtinme.

(Jueces) 14:4

Tuja Tuke Pujuu yaunchuk emtika nuniktin ati tusa tibaunak niina apajig dukujijaig dekajakchau ainawai. Tuja nunú tsawantin Israel aents aidaun filisteo aidau waitkaidau asamtai, wajuk waintuanuk filisteo aents aidaun ijinkun Israel aents aidaun agkanmitkawag tau asa tiuwai.

(1 Samuel) 12:4

Tusa tutai dita aimainak: “Amek makichkish kasagkagtukchauwaitme, nuigtush tsanujatjachuitme, nuigtush chichama iwagtugtagme tusamkesh makichkish kuichkik segajatchauwaitme”, tiajui.

(1 Samuel) 18:14

Tuja Tuke Pujuu yayamu asa nii takamujia duka ashí pegkeg aajakui.