(Daniel) 5:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Imaniak, babilonianmaya tunchi aidaun, yaya dekapau aidaujai senchi untsumak chichajak: “Anú chicham agajam awa dusha wajintuaki nuna ujatkaunak jáanch shiig pegkeg yamakaitkaun anujattajai, tuja nuigtush kuntujeanum nugkutai oro najanamun anujattajai. Niinak mina ukujui tikich jimag apu aina nuna ukujin apu atinun adaikattajai”, tau.

(Daniel) 5:7 Iomraidhean Croise

(Génesis) 41:8

Nunik nuna kajanum wainak puyatuk ane anentaimkawa tsawag kashikmas, Egipto nugkanmaya anentaimas dekamin aidaun yacha aidaujai untsuka ashí ikaunmauwai. Nunik kaunamtai faraón nii kajamjamujin ditan ashí ujakui, tujash makichkish nunú nuniktin aan kanajume tusag ujakchaju ainawai.

(Éxodo) 7:11

Nunikmatai faraógshakam tunchi aidaun untsukui. Dutikam ditashkam dita dekamujijai dutiksag iwainakajui.

(Proverbios) 1:9

Nii jintinjabauwa duka amina nugkutaijum pegkeg nugkuaju, tuja atsejutai corona atsejaku amainaitam nujai betekai.

(Daniel) 1:20

Apu nii dekatag tusa wakegamujinak ashí inias dekajakui, tuja anentaimas dekamin aidau, tunchi aidau apun ujajaku aina nuna nagkaesau ditak shiig yacha aajaku ainawai.

(Daniel) 2:2

Nuniak ujatkatnume tusa, anentaimas dekamin aidaun, tunchi aidaun, yaya dekapau aidaun aatus untsukui. Dutikam apu pujamunum jegawajui.

(Daniel) 2:27

Tusa tama Daniel ayaak: “Ame kajamjaum nunak, aents anentaimas dekamnukesh, tunchikesh, yayan dekapau aidaukesh wajukatnuk aan kajamjaume nuna ejeyig makichkish ujapamainchau ainawai.

(Daniel) 2:48

Nuna tusa, apu Nabucodonosor waji pegkeg akik aidaun anentag susauwai. Nuigtushkam babilonianmaya nugka yaig aidaun apuji gobernador adaikauwai, dutika nunú nugkanmaya aents yacha dekamin aidaun apuji awajsauwai.

(Daniel) 2:6

Untsu atum wi kajamjag nunash wagkanuk aan kanagja nunú betek ujatkagminig, kuashat waji aidaun amastatjime. Dutikakun ashí aents aidauk atumin eme anenjamtinme titatjai”, tiuwai.

(Daniel) 4:14

Nunú senchi untsumak chichaak: “ ‘ “¡Au numia duka ajaka ajuatajum! Dutikajum kanawe tsupijatajum, dukeshkam utsankatajum, neje aidaushkam akagjum utsankatajum. Tuja kuntin aidau nuna wakenti bikintunum batsata duka pisagtinme, pishak aidau kanawen pasugmaina dushakam shiyaktinme.

(Daniel) 5:11

Juwi iina nugken makichik aents yacha pujawai. Niyaig Apajuí pegkegma nuna Wakani pujawai. Amina apa Nabucodonosor ayá nunú niina shiig wainajakui, nuadui ashí aents yacha anentaimas dekamin aidaun apuji adaikauwai.

(Daniel) 5:15

Ame eke tatsminig juwiya dekas ashí aents shiig yacha anentaimas dekamin aina imanun ikaunman, juju agagbauwa dusha wajintua nunú ausa diisjum ujatkatajum ti ai diisagmae, tujash makichkish dekainatsui.

(Daniel) 5:16

Tujash wika niimpap utugchat shiig dekamainchaunash juna taku tawai tusa etsegmainaita tajame. Anú chicham agajam awa dusha wajintuaki nunú ujatkaminig, jáanch shiig pegkeg yamakaitkaun anujattagme, tuja nuigtush nugkutai oro najanamun anujattagme. Nuigtushkam mina ukujui tikich jimag apu aina nuna ukujin apu atinun adaikattajame”, tau.

(Daniel) 5:29

Tusa ujakam nuna ashí antuk nagkanmawaik, Daniel jáanch shiig pegkeg yamakaitkau anujatajum, tuja nugkutai oro najanamua dushakam anujatajum tusa inamjauwai. Nuna tusa, nugka yaijan apuji kampatuma duka Daniel atatui tusa ashí etsegkauwai.

(Números) 22:17

Wi aminak shiig kuashat akiktatjame. Tuja nuigtushkam ame segatbaunak imatiksanuk umigkatjame. Nuadui wait aneasam juju aents aina nunú pegkegchaunum yumigjata’ tujamae”, tiajui.

(Números) 22:7

Tusa akatjam moabnumia apu aidau madiágnumia aidaujai Israel aents aidau yumigkiamunum akikmaktinun kuichki jukiag shiyakajui. Nunik Balaam pujamunum jegawag Balac akatmamjamun ujakajui.

(Números) 24:11

Nuniau asam ¡dekas jemin wakitkita! Wika aminak shiig kuashat akiktagme timajai. Tujash Tuke Pujuu dakittin, amek wainka juwakume”, tiuwai.

(1 Samuel) 17:25

“¿Atumesh aents maanitan yacha jiinki dusha wainkaugmek? Au aentsuk Israel aents aidaun atsaneak tantae. Makichik aents auna depetuk maamtaig, kuashat waji akik aidaun apu susattawai. Dutikak niina nawanjijai nuweattawai. Tuja nuigtushkam niina patayi aidauk apu akitai aina nunash akikmakchagtatui”, tuidau.