(Daniel) 4:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ “ ‘Beltsasarah, amek juju aents yacha aidau ijuna nuna nagkaesau yachaitme. Apajuí pegkegma nuna Wakani aminí puja nunak wika dekajai, nuadui amek shiig dekamainchau aidaush ashí dekame. Nuadui wi kajamjamujun amina ujaktatjam nunú antukam wajukatnunak aan kajamjaja ujatkata’, tiabiajai.

(Daniel) 4:9 Iomraidhean Croise

(Génesis) 41:38

Nunik faraón niina inake aidaun chichajak: “¿Juju aentsun Apajuín Wakani aja imajush tikich aentsush igkumainkait?” tiuwai.

(Isaías) 33:18

Ame yaunchuk sapigmayum nunú anentaimtusa chichaakum: “Apu kuichkiji atin akikmakbau aidaun dekapainak, akikmaktajum tusa waitkagmayanum dusha ¿tuwi batsatua? ¿Tuwi batsatua ajak juukbau aidaun dekapau aajabia dusha? Iina uchiji aidaun suntagmagatnume tusa achija yajutjamianum dusha ¿tuwi batsatua?” titinaitjume.

(Isaías) 54:14

Amek shiig takauwaitam duwi senchi atatme, nuadui makichik aentskesh inapakug waitkagmaschatnai. Tuja sapigmamush atsugtamtinai, ishamain antakum sapigmam duka ataktuk sapigmakchatnaitme.

(Daniel) 1:20

Apu nii dekatag tusa wakegamujinak ashí inias dekajakui, tuja anentaimas dekamin aidau, tunchi aidau apun ujajaku aina nuna nagkaesau ditak shiig yacha aajaku ainawai.

(Daniel) 2:47

Nuna tusa Danielan chichajak: “Atumi Apajuíjiya duka wainka apajuímtai aina nuna nagkaesau múuntai. ¡Niyai apu aidaun nagkaesauwa duka! Niig ashí yachai, nuadui nii ujapakmatai kajanmaya kakajus dekamainchaush ujatkaume”, tiuwai.

(Daniel) 2:48

Nuna tusa, apu Nabucodonosor waji pegkeg akik aidaun anentag susauwai. Nuigtushkam babilonianmaya nugka yaig aidaun apuji gobernador adaikauwai, dutika nunú nugkanmaya aents yacha dekamin aidaun apuji awajsauwai.

(Daniel) 4:18

“Juna wi amina ujajam nuna kajamjamjai. Nunikan yacha aidaun ujatkatajum tijai, tujash ujatkachaje. Tujash wika amina Beltsasara niimpap ujatkattawa tajai, wagki aminig Apajuí pegkegma nuna Wakani pujawai, tibaijai.

(Daniel) 4:5

Imanisan pujukman, kashi kajanum ishamainun kajamjabiajai. Nuna anentaimtusan senchi ishabiajai.

(Daniel) 4:8

Nunik ujatkachagmatai pujai Daniel taawabi. Wi niina daajinak yapagtuan mina apajuíjun eme anentsan Beltsasar adaikamiajai. Wika Danielnak Apajuí pegkegma nuna Wakani jintintui tajai. Niina wi kajamjamujun ujaakun:

(Daniel) 5:11

Juwi iina nugken makichik aents yacha pujawai. Niyaig Apajuí pegkegma nuna Wakani pujawai. Amina apa Nabucodonosor ayá nunú niina shiig wainajakui, nuadui ashí aents yacha anentaimas dekamin aidaun apuji adaikauwai.

(1 Samuel) 4:8

“¡Apajuí ashí senchigtina nunú iina suwimka amataish, yaki iinash ayamjutpakti! ¡Niyai egiptunmaya aidaun jata ishamain aidauwai suwimkan susa ijinauwa duka!