(Daniel) 2:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Tujash wi tija nunak yapajiashtatjai. Ayu kame wi kajamjag nunash wajukatnuna aannunash kajamjaja nunú yamai ujatkatajum. Nunú ujatkagmin dekas yachap ainawa titajime. Nunú betek ujatchakjumek ashí betek suwimak jukittagme”, tiuwai.

(Daniel) 2:9 Iomraidhean Croise

(1 Reyes) 22:22

Tusa iniam nunú wakan pegkegchau Tuke Pujuun ayaak: ‘Auk profeta aina nunú ashí Acabpan tsanugtinme titatjai’ timae. Tusa timatai Tuke Pujuu niina chichajak: ‘Kame tsanumain asameas tametai, weme tsanugta’, timae.

(1 Reyes) 22:6

Tusa tima Israel aents aidaun apuji Acab cuatrocientos profeta aajaku aina nuna ijumag chichajak: “¿Yaakat Ramot Galaadnum awa nunash jetemainkaitag, atsa jetemainchaukaitag?” tiuwai. Tusa tama dita ainak: “Jetekta, auk amek Tuke Pujuu yaimpasmatai depetkattame”, tiajui.

(Isaías) 41:23

Atakea duish waji nagkaemagtatua nunú tukagtitajum. Atum dekas Apajuíyaitkugmek nunú iwainaktajum. ¡Atum dutikmain pegkeg aidau, tuja pegkegchaukesh, nuniachkush ishamain iina uwaktamain aidaukesh iwainaktajum!

(Isaías) 44:25

Tuja waita etsejin aina nunú etsegbau betek uminkati tusanuk wika wakegatsjai, anentaimsa dekamji tinu aina nunak anentainchau emajai. Aents yacha aina nuna dekatjinak yapagtuan shiig wainak dekachu emajai.

(Daniel) 2:16

Dutika ujakam Daniel apun jegajua chichajak: “Apuh, wait aneasam tsawan sujusta, nunikamin ame kajamjaum dusha wajukatnuk aan kajamjaume nuna dekaan ujaktajame”, tiuwai.

(Daniel) 2:21

Tsawan yapajinak minina nunak Apajuí dutikawai, Apajuí aentsnak apu emawai, nuigtush nigki yapajinai, aents yacha shiig anentaimkau aina nunak nii dutikawai. Tuja wamak unuibau aina nunashkam nigki dutikawai.

(Daniel) 2:8

Tusa tiagtai apu ditan ayaak: “Atumek mina tsawan emegkatkujum tuu yujagme. Wagki atumek wi tija nunú dekaujum nuadui, wajintuk tsanujag tusajum tajume.

(Daniel) 3:15

Nunú dekasketkuish nunak tsagkujajime. Untsu yamai músican awatuinakui, jeganjum tikishmaja pujusjum ememattajum. Nuniakjuminig suwimkanak amaschagtatjai. Untsu atum emematchakjuminig, pag inagtai horno kega imannum egkeatajum tusan titatjai. Nuna dutika aish, makichik apajuíkesh atumnak ayamjutpakchagtatui”, tiuwai.

(Daniel) 5:28

PARSIN, tawa duka: Ame inabaugmea nuna Apajuí jimaituk akankattawai, dutika Medo aents aidaun, Persia aents aidaujai susatta nuna taku tawai”, tusa Daniel ujakui.

(Daniel) 5:31

Nunikmatai Darío Media nugkanmaya aajakua nunú apu wajasui. Tuja Daríok sesenta y dos mijanji ajamu apu wajasui.

(Daniel) 7:25

Nunú apuk Apajuí pegkegma nuna pegkegchau chichagtinai. Nuniak Apajuí aentsji aidaujai maanitnai. Tuja Apajuí chichame umiktin agagbauwa nunashkam, Apajuí emematku ijuntai tsawan etegjamu aidaunashkam yapajiatag titinai. Nuniak Apajuí aentsji aidaunak kampatum mijan nuigtu jimaituk nii wagagki waitka pujugtinai.

(Segunda carta de San Pablo a los Corintios) 2:17

Jutiik tikich aidau kuichkijinatasag Apajuí chichamen yapajiawag waitá etsejuina nuninuk ainatsji, dekaskenum Apajuí awemamu asá, Apajuí eemtin Cristo daajin etsejuinaji.