(Daniel) 2:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Tutai dita arameo chichamai apun chichajuinak: “¡Apuh, kuashat tsawan pujusam inamjatin ata! Tuja waji kajamjaume nunú amina inakem aidauti ujajatkata, nunikamin wagkamek aan kajamjaume nunú ashí ame ujakmi taji”, tiajui.

(Daniel) 2:4 Iomraidhean Croise

(Génesis) 31:47

Nunik nagkanainak Labán nunú nugka daajin adaikauwai niina chichamen “Jegar Sahadutá”, tuja Jacobshakam niina chichamen adaikauwai “Galaad”. Nunak kaya ijumjamu taku tiuwai.

(Génesis) 41:8

Nunik nuna kajanum wainak puyatuk ane anentaimkawa tsawag kashikmas, Egipto nugkanmaya anentaimas dekamin aidaun yacha aidaujai untsuka ashí ikaunmauwai. Nunik kaunamtai faraón nii kajamjamujin ditan ashí ujakui, tujash makichkish nunú nuniktin aan kanajume tusag ujakchaju ainawai.

(1 Reyes) 1:25

Tichamaitkush ¿wagka Adoníasash Sojelet jegaash, toro múun aidaunash, tsakat aidaujaish, nuigtu uwig aidaujai maatajum tusa inamjash amina uchijum aidaun, suntaja apuji aidaun, nuigtu sacerdote Abiataran aatus ipash ijumag nuna ditajai yuwak, umutain umuinak batsamas untsumainakush: “ ‘¡Adoníasai iina apujig!’ wajainawa?

(1 Reyes) 1:31

Tusa tima Betsabé tsuntsuma nijayin nugka antig pujus senchi jiika chichaak: “¡Mina apujuh Davita, kuashat tsawan iwaku pujusam inamjatin ata tajame!” tiuwai.

(2 Reyes) 18:26

Tusa chicham akupkamun antukag Eliaquim, Sebná, Joah aatus nunú suntag asiarianmaya chichama itaun chichajuinak: “¡Wait aneasam hebreo chichamaik aujkagtusaipa, yaakat peejamunum yaki waka yuja nunú antuinawai! ¡Dekas arameo chichamai aujkagtusta, wagki iik arameo chichamak antaji!” tiajui.

(Nehemías) 2:3

nuniakun: “¡Apuh, kuashat tsawan iwaku pujusam inamjata! ¿Wagkanuk wake besemag wekaechatja, yaakat mina apag mina dukugjai ukusbau aina nunú tsaikbau, tuja nuna waitijishkam apeka utsagbau aish?” tiabiajai.

(Isaías) 44:25

Tuja waita etsejin aina nunú etsegbau betek uminkati tusanuk wika wakegatsjai, anentaimsa dekamji tinu aina nunak anentainchau emajai. Aents yacha aina nuna dekatjinak yapagtuan shiig wainak dekachu emajai.

(Daniel) 2:7

Tusa timatai anentaimas dekamtan yacha aidau niina ataktu chichajuinak: “Apuh, ame waji kajamjaume nunú etsegkata, nunikamin wajukatnuk aan kajamjaume nunú ii ame ujakmi”, tuidau.

(Daniel) 3:9

Nunik apu Nabucodonosoran chichajuinak: “¡Apuh, kuashat tsawantai iwaku pujusta! ¡Tuja amina daagmek tuke pachitai atin ati!

(Daniel) 4:19

“Tusa ti ai Danielak kuashat anentaimat minitbau asa, puyatak chichatsuk ekemayi. Nuniakui wi niina tikich daajin untsukan chichagkun: “ ‘Beltsasarah, wi kajamjamua duka puyatjukaipa, tuja nunash wajukatnunak aan kajamjaja dushakam puyatjukaipa, ayatak ujatkata’, tibaijai. “Tusa tai nii chichagtak: ‘¡Chah apuh, utugsag ame kajamjaum nunú ashí shiwag aidauwai uminka tajai!

(Daniel) 4:7

Tusa ti ai, tunchi aidaun, anentaimas dekamin aidaun, yaya dekapau aidaun ikaunmawagmatai, wi kajamjamujun ujakajabiajai, tujash makichkish duka nuniktin aan kajamjaume tusag ujatkachagmayi.

(Daniel) 4:9

“ ‘Beltsasarah, amek juju aents yacha aidau ijuna nuna nagkaesau yachaitme. Apajuí pegkegma nuna Wakani aminí puja nunak wika dekajai, nuadui amek shiig dekamainchau aidaush ashí dekame. Nuadui wi kajamjamujun amina ujaktatjam nunú antukam wajukatnunak aan kajamjaja ujatkata’, tiabiajai.

(Daniel) 5:10

Belsasar nii aents ipaamu aidaujai pampainiagtai, nuwa múun niina dukuji reyna tutai pujau jiinki, yujumak yuwaku ijuntainum wayauwai. Nunik chichaak: “¡Apuh, kuashat tsawan iwaku pujustin ata! ¡Imanikmek puyatkaipa, tuja nuigtush senchi ishamkaipa!

(Daniel) 5:8

Tusa imattai aents yacha yaya dekapau aidau, anentaimas dekamin aidau aatus nuwi apu inamtain batsatuk ashí jiinag chicham agajam aunum utsanawajui. Tujash wajintu agagbauk ayi nuna aujus diis nuna taku tawai tusa apu ujamainuk makichkish atsusui.

(Daniel) 6:21

Tusa untsuam Daniel ayaak: “¡Apuh, kuashat tsawan iwaku pujustin ata! tajame.

(Daniel) 6:6

Aatus gobernador aidau chichaman umikag, apu Daríojai chichastatus shiyakajui. Nunik jegajuawag chichajuinak: “¡Apuh, kuashat mijan pujustin ata!

(Daniel) 6:7

Apuh, chicham umiktina nunú papii najannati tusa, amejai takau aidauti chichasji. Nunú chicham umiamunmak: makichik nantua duwi tikich apajuímtai aidau, tuja aentskesh emematbauk shiig atsusti, untsu apuh, ima aminak emematjamtinme. Tuja nuna umiachunak leónka batsamtain egkeatnume.

(Evangelio según San Mateo) 21:9

Imatikainak aents eemak weedau, ukunum minidaushkam untsumkag: —¡Shiig anentsagmi Apu David weantunum akiinauwa nunú! ¡Apu Apajuí awemam miná duka pegkegmai! ¡Apajuishkam emematiagmi! wajaidau.

(1 Samuel) 10:24

Nunikmatai Samuel Israel aents aidaun ashí ijumag chichajak: “¡Tuke Pujuu juna atumi apuji atinun etegka nunú ashí diistajum! ¡Niijai betek amainuk tikichik Israel aentsuk atsawai!” tiuwai. Tusa timatai dita shiig aneas aimainak: “¡Nii iina apujig ati tusa wakegaji!” tuidau.