(Daniel) 2:21 - Awajún: Apajuí chichame pegkejam Porciones del Antiguo Testamento y el Nuevo Testamento

²¹ Tsawan yapajinak minina nunak Apajuí dutikawai, Apajuí aentsnak apu emawai, nuigtush nigki yapajinai, aents yacha shiig anentaimkau aina nunak nii dutikawai. Tuja wamak unuibau aina nunashkam nigki dutikawai.

(Daniel) 2:21 Iomraidhean Croise

(1 Reyes) 10:24

Apajuí yachamtikamu asamtai, ashí aents aidauk niina wainkatatus, nuigtu chichamen antugkatatus shimujaku ainawai.

(1 Reyes) 3:28

Aatus apu Salomón epegkeamtai, nuna ashí Israel aents aidau dekawajui. Nunikag apu Salomógkan eme anentuidau, wagki Apajuí chichaman shiig epegkeati tusa yachametan susau asamtai.

(Daniel) 1:17

Nunú ipak usumat datsauch aajaku aina nunak, ashí waji aidaun unuimagtinme tusa Apajuí yachamtikauwai. Nuigtush Danielak kajanmayanash shiig dekajakui.

(Daniel) 2:20

aatus tiuwai: “Apajuíyah, amek senchigtin ashí yachaitme. ¡Apajuín daajiya nunú ajumaish tuke ememattai atin ati!

(Daniel) 2:23

Apajuíyah, ametme mina apachug aajaku aina nuna Apajuíjimek, amina see takun emematjame. Ame minak yacha wajiu etiume, tuja ii sumakmag duka imatiksamek, apu nii kajamjamujin anentaimtus dekatatus waitma nunú mina iwaintugkaume”, tiuwai.

(Daniel) 2:9

Tujash wi tija nunak yapajiashtatjai. Ayu kame wi kajamjag nunash wajukatnuna aannunash kajamjaja nunú yamai ujatkatajum. Nunú ujatkagmin dekas yachap ainawa titajime. Nunú betek ujatchakjumek ashí betek suwimak jukittagme”, tiuwai.

(Daniel) 4:14

Nunú senchi untsumak chichaak: “ ‘ “¡Au numia duka ajaka ajuatajum! Dutikajum kanawe tsupijatajum, dukeshkam utsankatajum, neje aidaushkam akagjum utsankatajum. Tuja kuntin aidau nuna wakenti bikintunum batsata duka pisagtinme, pishak aidau kanawen pasugmaina dushakam shiyaktinme.

(Daniel) 4:17

Aatus Apajuín aentsji ángel aidau suwimkan susatnuwe. Nunak dutikatnuwe, wagki Apajuí nigki ashí wagakua nunuwai apu aidaun inauk, tuja apu atinnashkam nii wakegamun etegkeawai, aikasag makichik nugka apuji atinnash aents aidaunmayan imanchauchin etegka apu emawai tusa aents aidaun nuna iwaintuktag tusa dutikmae’.

(Daniel) 4:32

Amek aents aidaujai ijunjamek pujuschattame, kuntin aidaujai ijunja pujusam ditajai betek dupa yusa pujusam siete mijan ejetatme. Nuwi pujusam dekas Apajuí ashí senchigtina nunuwap apu aidaunak inawa, tuja nii wakegamujinap apu atinnash etegkeawa tusam anentaimat jukittame”, tiuwai.

(Daniel) 7:25

Nunú apuk Apajuí pegkegma nuna pegkegchau chichagtinai. Nuniak Apajuí aentsji aidaujai maanitnai. Tuja Apajuí chichame umiktin agagbauwa nunashkam, Apajuí emematku ijuntai tsawan etegjamu aidaunashkam yapajiatag titinai. Nuniak Apajuí aentsji aidaunak kampatum mijan nuigtu jimaituk nii wagagki waitka pujugtinai.

(Evangelio según San Lucas) 21:15

wagki wi atum chichaktinnak dekamtikattajime, dutikamu asagmin atum chichataik, shiwajum aina nuiyagkesh makichkish tujamainchau agtinai.

(Carta de San Pablo a los Romanos) 13:1

Ashí aents aidauk apu aina nuwi sumimain ainawai, wagki makichik apukesh nigki, wi apu atajai tusa apu weguk atsawai. Yamai apu aina duka Apajuí apu emamu ainawai.

(Primera carta de San Pablo a los Corintios) 1:30

Tujash Apajuiya duke atumnak Cristo Jesusai ijupajajui, dutijama Cristunak iina yachají, iina pegkeg etamin, iina pegkeemtijamin nuigtú iina agkanmitkagbau emauwai.

(Carta de San Santiago) 1:17

Ashí pegkeg wainkauch juamu nuigtú ashí don pegkeja duka yakiya taawai, iina Apají nayaimpinmaya etsantin aidaun najankauwa nuiya; nunú aidau yapajinin nuigtú bushapau weena nigka nuninchauwai.

(Carta de San Santiago) 1:5

Atum ainajum anuiya dekaachmin dekapeauk, Apajuin segatí, dutikamak ni susattawai; wagki Apajuik ashí wakejus suwawai makichkish dakittsuk.

(Apocalipsis) 19:16

Ni nugkuagbaujinish, niina bakuinish: “REY ASHÍ REY AINA NUNA NAGKAESAU NUIGTUSHKAM APU ASHÍ APU AIDAUNASH NAGKAESAU”, tabau agatkamuyi.