(Apocalipsis) 9:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ iyashí aidauk jijua numamtin anugjamuyi, nanapenishkam caballo aidau maaniamunum shimak kuashat carro aidau japiam tutugtuwama imatmayi;

(Apocalipsis) 9:9 Iomraidhean Croise

(Job) 39:25

Maaniatnume tusa uwija kachuji umpuamun caballo aidau antuinakug, aentsjai betek pampauwame, tuja atushat ijuntsag maaniamu ataik dekapeajame. Tuja suntaja apuji aidau dita suntajin chichajuinamunak, suntag aidau pampaidaujai atushat wajasag antinai.

(Job) 40:18

Tuja ukunchi aidauk, tubo jiju bronce tutai najanamua imanai. Untsu bakui aidauk jiju hierro tutai katsugma iman ainawai.

(Isaías) 9:5

Tuja suntag aidau maaniatatus shimuinak botasjin wakugtin aajabia duka, jáanchji numpamkamu aidaujai jinum apeam utsankatnaitme.

(Apocalipsis) 9:17

Junak shiig paan wainkabiajai, caballo aidaun, nuigtú entsatkau aidaunash, nu aidauk coraza kapantu jiiya numamtin aidau ajiagmayi, zafirowa numamtin wigka, nuigtú azufreya numamtin yagkú ajiagmayi. Caballo aina nuna buukeg león aidau buukega numamtin agmayi; nuigtush weniya nuiya jii, bukuitamu, azufre aatus jiiniagmayi.