(Apocalipsis) 8:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Siete selloa nuna Uwig ujaibi, dutikamtai nayaimpik bitat wajas asabi jimaituk hora tumain.

(Apocalipsis) 8:1 Iomraidhean Croise

(Job) 4:16

Makichik aents nuwi wajame. Nuna wi wainkamjai. Tujash niimesh dekas wajukuki nunak wainkachmajai; ashí itatjamunum untsujak, aatus tujutmae:

(Salmos) 37:7

Tuke Pujuu emtin wainka chichá wekaetsuk takamtak pujusta; nuniakum dakasta nii yaimpakti. Tuja aents pegkegchau aidau shiig atsumkas pujuinakui, nunú diisam kajegkagtukaipa.

(Habacuc) 2:20

Tujash Tuke Pujuuk niina jee pegkegma nuwi pujawai. ¡Niina emtinig ashí nugkanmaya aents aidauk takamtak pujustinme!” tajai.

(Evangelio según San Mateo) 27:66

Timatai ditashkam wegag ukusbau kaya apujtukbaunak shiig asakug, nui suntag kuitamkatin aidaunashkam batsatkiajui.

(Apocalipsis) 5:1

Wainkabiajai ekeemtainum eketa nunú, uwejí untsujin makichik rollo mai yantamejai agagbau, sieteya imania achiamun takus ekeemtatman.

(Apocalipsis) 5:9

Nuninak yamajam kantamtain kantamainak: “Ameketme rollo agagbauwa nu jukim, sello aina dusha atimainmek. Wagki amek maamu aajakuitme, nunin asam amina numpemin, Apajuinu atinme tusam sumajatkauwaitme, ashí aents nugkanmaya aidau, tikich chichaman chichaaku aidau nugka yaignumia nuigtú nugka muun aina nuiyashkam,

(Apocalipsis) 6:1

Wainkabiajai siete sello aina nuiyan Uwig makichik ujattaman, nuigtush antukbaijai cuatro iwaaku aina nuiya makichik ipamat wajukeama imatuk: “¡Tantá diistá!”, tujutun.

(Apocalipsis) 6:12

Seis selloa nuna Uwig ujaibi, dutikamtai wainkabiajai senchi uugbaun; nuniai etsag bukusea, jakamunum jaanchin bukusea nugkuwajama iman wajasmayi, nantushkam kapantu numpa numamtin wajasmayi;

(Apocalipsis) 6:3

Nunikmatai jimaja juna sellon Uwig ujaibi, nuniai iwaaku aina nuiya jimaja nu chichagtak: “¡Tantá diistá!”, tujutmayi.

(Apocalipsis) 6:5

Kampatum selloa juna Uwig ujaibi, nuniai iwaaku aina nuiya kampatuma ju untsujuk: “¡Tantá diistá!”, tujutmayi. Tujutkui diikman, caballo bukusean wainkabiajai; nui entsatka duka balanza takakuyi.

(Apocalipsis) 6:7

Cuatro selloa nuna Uwig ujaibi, nuniai iwaaku aina nuiya cuatroa nu untsujuk: ¡Tantá diistá!, tujutmayi.

(Apocalipsis) 6:9

Cinco selloa nuna Uwig ujaibi, dutikamtai wainkabiajai, altara wakentin Apajuí chichame etsegbaunum, nuigtú pegkejan iwainmamaidau asamtai waitkasa maamu aidau wakaní ijuntatman.