(Apocalipsis) 7:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nunú nagkaemakiu ai diikman, ashí nugkanmaya aents aidau shiig kuashat, makichkish dekaapamainchau ditash chichaaku aidau, ditash niimtin aidau, yaaktanmaya aidaushkam ekeemtai pujá nuna emtin, nuigtú Uwijá emtin, jaanch pujun nugkuaju aidau dukan takuinasua ijunaidaun wainkabiajai.

(Apocalipsis) 7:9 Iomraidhean Croise

(Génesis) 13:16

Amina uchijum wegantu aidaunak nugka yukukuntujai betek awajsattajai. Nugka yukukuntu dekapamainchawa iman amina uchijum wegantushkam dekapamainchau agtinai.

(Génesis) 49:10

Makichkish Judá senchijinak atankichagtinai, tuja nii apu wee inabaujinashkam. Untsu niina nagkaesau dekas apu taamtai, nuna ashí aents aidau niina chichamen umijuinak wedau asagmatai ukuktinaitme.

(Salmos) 2:8

Ame wakegamu segatta, Wi nunak imatiksanuk ashí nugkanmaya aents aidaun amastatjame aminu atinun.

(Salmos) 22:27

Ashí aents tikich nugkanmaya ditash niimtin aidau, chichamnash tikich chichaman chichaaku aidauwah, Tuke Pujuu kajimatkigpajum. Niiyai jeganjum, ¡tikishmaja pujusjum ememattajum!

(Daniel) 4:1

Nuna dutika pujus, apu Nabucodonosor chichaak: “Wika ashí aents maki makichik chichamtin, ditash nugkentin aina duka shiig agkan maanitsuk, ajak aidaun ajakmawag shiig atsumkas batsamsatnume tusan wakegajai.

(Daniel) 6:25

Nunikmatai, apuk ashí aents tikich nugkanmaya ditash chichamtin aidaun papiin aatus agatjauwai: “Ashí atum aidautigmin kumpamjime,

(Oseas) 1:10

“Tujash Israel aents aidauk shiig kuashat yujakag, nayantsa kamatkaji dekapamainchauwa iman wajasagtinai. Nunú tsawantinig Apajuík ataktu chichaakug: ‘Atumek mina aentsjuchu ainagme’, tichatnai. Ayatak dekas: ‘Atumek Apajuí tuke pujuuwa nuna uchiji ainagme’, titinai.

(Levítico) 23:40

Jiista nagkamnamu tsawan tsawaitta duwi yujág pegkeg aidau juukjum, palmera duke aidau, tuja tikich numi kuashat dukentin aidau, álamo namaka uwet ayá nuna dukee aidau tsupija aakmaktasajum yanaki juki shimittagme. Nunú dutikajum siete tsawantai Tuke Pujuu, atumi Apajuígmi emtin shiig aneetnaitjume.

(Evangelio según San Lucas) 12:1

Nuniai kuashat mil aents aidau tuwakaju asag, pempeentuniki najanidau. Imaniagtai Jesús dekatkauk jintintaiji aidaun chichajak: —Fariseo aidau levaduraji aina nujai kuitamamkatajum, ditá tsanumtaiji aina nujai.

(Evangelio según San Lucas) 21:36

Nuadui atumek aneaku ashí tsawantai Apajuí aujú pujutajum, nunú ishamain nagkaemagtina nu uwemtugminjum nuigtushkam Aentsmaga akiinauwa nujaish ijunjamnujum”.

(Evangelio según San Juan) 12:13

nunikag duká tsupijag jiinjag igkuinak, senchi untsumkag: —¡Emematiagmi! ¡Apu Apajuí awemam Israela Reyji miná duka pegkegmai! wajaidau.

(Carta de San Pablo a los Romanos) 11:25

Yatsug aidauh, Apajuí dutikatnuji dekaachbau aajakua nu dekaatajum tusan wakegajai, wainkajum yacha iman anenmamkujum ememá yujaijum tusan. Israel aina nuiya ujumak antumtikmainchaush juwakaje, duka nunisag batsamsag ashí judiochu aidau niiní wayawagtina imanui jegantagtinai.

(Carta de San Pablo a los Efesios) 6:13

Nuadui ashí maanitain Apajuí amasajua nunú jukitajum, nuniku asajum iwanch jetepakuish tajitkatajum, nu ashí nagkaikiu asajum nunisjumek atajum.

(Carta a los Hebreos) 11:12

Abrahamak jamainjin jegas pujai ni nuwe makichkiuch uchigmakua nuiya weantu aidau nayaimpinum yaya dekapamainchauwa iman, nayantsa kaamatkaji dekapamainchauwa iman wajasajui.

(Carta a los Hebreos) 12:22

Tujash atumek muja Sión Apajuí tuke pujuuwa nuna yaaktaji nayaimpinmaya Jerusalegka nu adijkaugme, nuig nayaimpinmaya aents aidau shiig kuashat Apajuin emematuinak ijunag ainawai,

(Apocalipsis) 11:15

Siete angela ju trompeta umpuagmatai, nayaimpinmaya senchi pampajagmayi, nuninak: “Ashí nugkanmaya inamaina duka yamaik iina Apajuijinu nuigtú Cristunu wajasé. Nigki ajumaish tuke inamin atinai”, wajagmayi.

(Apocalipsis) 22:3

Nuigtushkam awig makichkish pegkegchau chichagdaiyamuk atsutnai. Apajuí ekeemtaiji nuigtush Uwijá ekeemtaijiya dushakam nu yaaktanum atinai, nunin asamtai niina inake aidaushkam niinak emematiagtinai.

(Apocalipsis) 3:18

Nuadui wi tajame: Minai sumakta oro jiinum apea ayatak orok awasamua nunú, nunikam wiakuch wajasminum, nuigtush jaanch puju aidau nugkugminum, ame wisú wetai datsantan dekagmawainum, nuigtushkam jiiminish colirio egkeeta wainmakminum.

(Apocalipsis) 4:4

Nunú ekeemtaiya nuna tentea, veinticuatro ekeemtai aidau agmayi; nuanui veinticuatro anciano aidau jaanch puju aidaun nugkuinaju, corona oro aidaun atsejaku pekabiagmayi.

(Apocalipsis) 5:11

Nuna takui diikman, kuashat ángel aidau, nuigtú iwaaku aidau; anciano aidaushkam, nuigtush dekaapatash dekapamainchau aidau ekeemtaiya nuna tenteawag pampainamun antukbaijai,

(Apocalipsis) 5:9

Nuninak yamajam kantamtain kantamainak: “Ameketme rollo agagbauwa nu jukim, sello aina dusha atimainmek. Wagki amek maamu aajakuitme, nunin asam amina numpemin, Apajuinu atinme tusam sumajatkauwaitme, ashí aents nugkanmaya aidau, tikich chichaman chichaaku aidau nugka yaignumia nuigtú nugka muun aina nuiyashkam,

(Apocalipsis) 6:11

Nunú aidaunak jaanch puju aidaun makí makichik susagmayi, dutika: Ujumak tsawan ayamkujum dakastajum, atumin mantamawajua imatiksag yatsum aidaunash Apajuin takajiagtai maawag betek awasatnume, timayi.

(Apocalipsis) 7:8

Zabulón weantunmaya doce mil, José weantunmaya doce mil, Benjamín weantunmaya doce mil.