(Apocalipsis) 7:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Wagki Apajuí ekeemtaiji ejapen awa nui Uwig, wajá nunú kuitamkagtatui, dutikak yumi pukuni jiinu pujuta sukagtina nuna amitnai, nuigtushkam Apajuí ashí negaiki aina nunak ujugtuktatui, tujutmayi.

(Apocalipsis) 7:17 Iomraidhean Croise

(Salmos) 22:26

Ujunauch aidautigmek yutai yuwajum shiig ejemagtajum. Tuja Apajuí wainkatasa egautigmek nii ememattajum, nuniakjum kuashat mijan pujustajum.

(Salmos) 23:5

Mina shiwag kajegtin aidaun emtin, ame minak yutai pegkeg aidau umigtame. Aents ipaamujin shiig anentus juwak buuken kugkuinai nijau aina imatiksam minak shiig awajtukume. Umutai umikbau pinignum aun aents wainak shiig anegama numamtuk, minashkam shiig anemtijusume.

(Isaías) 35:10

Tuke Pujuu uwemtikjamu aidauk shiig aneas kantamkiag Jerusalén utsanawagtinai. Nunikag tuké shiig aneasag batsamsagtinai. Ditaig ima shiig aneamua duke atinai. Nuadui wake besemjak atsutnai, tuja najaimamushkam atsutnai.

(Isaías) 40:11

Uwija kuitamnujai betek niina aentsji aidaun kuitamak inimui. Uwig tsakat aidaunak pagkuk juki inimak, yama petsakbau aidaunak shiig puyatjus juki minawai.”

(Isaías) 49:9

Tuja aents aidau achijam chimpija nunú chichagkujum: ‘Yamaik agkan wajasugme, tuja suwenum batsatutigmeshkam tsaaptin wainkatajum, nunikjum jinta yantamenig chijichi pegkeg ayau wainkattagme. Tuja muja uwegshunmash baka aidaun yumainjig kuashat aittawai’, titajum.

(Isaías) 60:20

Witjai Tuke Pujuu atumi Apajuíjinuk. Nuadui etsag makichkish akaikig megkaekashtinai, tuja nantushkam etsanbaujinak kajinkashtinai. Wi ajumaish atumi tsaaptinjum tuke atinaitjai. Nuadui atum wake besemag pujamuk atsugtamiagtinai.

(Isaías) 65:19

Tuja wishakam Jerusalégkan diisan shiig aneastatjai; nuniakun mina aentsug aina nuwishkam shiig aneastatjai. Jerusalégnumak jaku buutbaush atsutnai.

(Jeremías) 2:13

“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Jeremías) 31:9

Awake anentaimag buutkiag waketiagtinai, nunik mininakui wi yajuakan, jinta pegkeg paka tukumka iyaumainchau wega nuni emagtinaitjai. Witjai Israel aents aidaun apajinuk. Tuja Efraígkai mina uchig iwaiya duka.

(Ezequiel) 34:23

Mina inakeg David mina umigtujakua nunú uwijan kuitamkati tusan ataktu untsuktatjai.

(Miqueas) 5:4

Nunikagmatai aents uwija kuitamnujai betek nunú apu Apajuí senchijijai ditan kuitamkatnai. Tuja nunú apuk ashí nugka nagkatkamunmash inamjatnai.

(Evangelio según San Mateo) 2:6

“Belén, amek Judá nugkanmayaitme; tujash Judanum yaakat eme anentai aina nuní piipichikesh atsume, wagki aminí jiinkitnai makichik Apu, tikich apu aidaun nagkaesau mina aentsug Israel aina nuna uwemtikatin” tawai, tuidau.

(Evangelio según San Mateo) 5:4

“Shiig aneastinme buutuidauk, wagki ditak ichichmamtan jukiagtin ainawai.

(Evangelio según San Juan) 10:11

Witjai dekas pastor pegkegnuk; pastor pegkejak ni pujutinak uwigji aidaunum tsagkamanmainai;

(Evangelio según San Juan) 10:14

“Witjai pastor pegkegnuk; nunin asan uwig midau aidaunak wainjai, nunisag minash waituinawai.

(Evangelio según San Juan) 4:10

Tama Jesús ayaak: —Apajuí anentag awemamua nu yumin segapa nu dekakmek, dekas tajame, ameshkam segamainaitme, dutikamak nigka yumi iwakua nuna amamainai, tiu.

(Evangelio según San Juan) 4:11

Tutai nuwa chichaak: —Apuh, yumi shikitai takaktsum aniaumesh, yumishkam initka nunin aish, ¿tuwiya yumi iwakush sujustatme?

(Evangelio según San Juan) 4:14

untsu wi yumí susattag nuna uwajuk, tuke kitaagchatin ainawai, ayatak wi yumí susattag nunú niiní yumi pukuni jiinama imaní au asa, pujut tuke atina nu ajitnai, tiuwai.

(Los Hechos de los Apóstoles) 20:28

Nuadui atumek kuitamamkujum ashí Apajuí iglesiajiya dusha kuitamkatajum. Adeagtajum atumnak Wakaní Pegkejiya nu pastor etamkajui, Apajuí iglesiaji niina Uchijí numpeen sumakua nuna kuitamkatnume tusa.

(Primera carta de San Pedro) 5:2

Apajuinu atumjai ijunaina nu kuitamkatajum, atumin idaitugmasua nu, duka shiig wakesajum dutikatajum; dutikata tujamkui nunitsuk, nuigtush kuichik anentaimtusa dutikawaigpa, Apajuí wakega dutiksagmek dutikatajum.

(Apocalipsis) 14:4

Nunú aidauk makichkish tsuwapaekachu agmayi nuwa aina nujai antinikchau asag. Jujú aina duka Uwig tuwig wegawa nunitaish nemajin ainawai, jujú aina duka aents nugkanmaya aina nuiya nagkamchaku Apajuinu nuigtú Uwigdau atí tusa uwemtikamu ainawai.

(Apocalipsis) 21:22

Nuanuig jega Apajuí ememattainak wainkachbaijai, wagki ditá jee Apajuí ememattaiya duka, Apu Apajuí ashí senchigtina nuna Uwigjai emematuidau asagmatai.

(Apocalipsis) 21:23

Yaakta duka etsanak nantunakesh atsumchabi tsaaptin emati tusag; wagki Apajuí tsaaptinjiya duke tsaaptin emau asamtai, nuigtush Uwija nuuyi niina lamparajig.

(Apocalipsis) 21:4

Nuniau asa ashí ditá negaikinak ujugtuktinai. Nuigtush atsutnai jaamu, buutbau, waitiaku untsubau, najaimamushkam, wagki nagkamchak wají aajakajua duka atsusaju asagmatai”, timayi.

(Apocalipsis) 21:6

Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.

(Apocalipsis) 22:1

Nuniku ai, ángel iwaintugkabi makichik namak pujuta sukagtin tsuwatchau, vidrio saawiya iman, Apajuí ekeemtaijin Uwigjai eketbaunmaya jiintatman.

(Apocalipsis) 4:11

“Apuh, iina Apajuijiya ameketme ememattaim, nuigtush eme anentai, nuigtushkam senchigtinaitam ibau asam. Wagki ame ashí wají aidauk najankauwaitme, dutikamu asag ame wakejusam najankauwaitam nunisag, ame wakegamunmag ainawai”, awajiagmayi.

(Apocalipsis) 5:6

Takui diikman, ekeemtai ejapen cuatro iwaaku aidau, nuigtú anciano aidau ejapeam makichik Uwig maamu aajakua numamtin wajattaman wainkabiajai; ajibi siete kachují aidau, nuigtú siete jii aidau, nunú aina duka siete Wakan aidau Apajuinu ashí nugkanum ishiakbau aina nuna iwainawai.