(Apocalipsis) 6:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi.

(Apocalipsis) 6:10 Iomraidhean Croise

(Génesis) 4:10

Tutai Apajuí chichajak: “¿Wagka yatsumesh aikaume? Ame yatsum maakum numpe nugkanum ukagbauwa nunú mina untsujui, suwimak susata tusa.

(Isaías) 61:2

Nuigtushkam Tuke Pujuu iina wait anenjamjatnuk tsawan jegattawai, tuja nunú tsawantin Apajuí iina shiwaaji waitkagmaina nuna depetuk, uwemtijamjatnuk tsawantak jegattawai tusam etsegkata tusa awetine. “Tuja aents wake besemag batsatunashkam anentain ichichtugti tusa awetine.

(Evangelio según San Lucas) 2:29

“Apuh, yamaik ame chicham tujutbauwa duka uminkau asamtai, mina inakjuk shiig agkan anentaimas jakati tusam idaitusta.

(Evangelio según San Lucas) 21:22

Wagki duka tsawantak suwimak jegau asa imanitnai, ashí agagbaunum tibauwa nu uminu asa.

(Carta de San Pablo a los Romanos) 12:19

Aneetaig yatsug aidauh, atumkek iikmakaigpa, Apajuí idaitusta ni suwimkanak susati, wagki Apajuí chichame agagbaunum: “Witjai aents tikichin pegkegchau awagbaun suwimkan suwaunuk, nunin asan aents pegkegchaunak wi suwimkan susattajai”, Apu tiuwai.

(Carta a los Hebreos) 12:24

Jesús yamajam chichaman apaak chichamkagtukua dushakam jegantaugme, nuigtush Cristo numpeejai pegkeemtikbau ainag nuuwai Abela numpe aajakua nuna nagkaesau tawa nu.

(Segunda carta de San Pedro) 2:1

Israelnumash wait profeta aidaush aajakajui, atum ainajum nuish maestro waitá jintin aidau agtina nunisag. Ditak dekamainchaun jintidiagtinai ditá anentai pegkegchauwa nuiyan, aatus nuninak Apu Jesús ditan agkanmitkauwa nunash dakitiagtinai; nuninai pachiachbau dita bakumatnuji jegajiagtinai.

(Apocalipsis) 11:18

Nuniau asamin ashí nugkanmaya aidauk kajekaje, tujash ame kajeamugmik nagkamnae, nuigtú jakau aidau suwimak susattam dushakam tsawantak jegae, nuigtú amina inakem profeta aidau, aentsjum pegkejam aidau, amina umigtamin aidau, eme anenchatai, eme anentai aidau, akiktinaitam dushakam nuigtú nugkan emesena nu tsaiktinchakam jegae, wajagmayi.

(Apocalipsis) 18:20

“Nayaim batsatutigmesh, Apajuí aentsji pegkejam aidautijum, apóstol aidautigmesh, nuigtú profeta aidautigmeshkam ju nuwa imania jujú diisjum shiig aneastajum. Wagki Apajuí atumin iikmatjamak suwimkan suwak imatikau asamtai”, timayi.

(Apocalipsis) 18:24

Nuigtush niiní profeta aina nuna numpe nuigtú, aents pegkejam aidaun numpe wainnakui, nuigtú ashí aents Apajuí umijin aidaun nugkanum maawajua nudaushkam”, timayi.

(Apocalipsis) 19:2

wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Apocalipsis) 3:10

Ashí aents nugkanmaya aidauk utugchat, waitiamu ajiagtinai. Tujash amek mina chichamjuk betek umikú asamin ayamjuktatjame, wají horak utugchat ju nugká jui aents batsata nu dekapsata tabaush minit nuniakuish.

(Apocalipsis) 3:7

Agatjata ángel iglesia Filadelfia awa nuna diina nunú: Junak Pegkejam, Dekaskea nunú, Davita llavejin takaka nu, ni ujaimtaig makichkish epenmainchau, nuigtú epenmataish makichkish ujamainchauwa nunú, tawai:

(Jueces) 16:28

Imatu batsatai Sansón senchi untsumak Tuke Pujuun segaak: “¡Tuke Pujuu Apajuí ashí senchigtinuh, wait aneasam ima juke inagnamu yainkata! Filisteo aidau mina jiijun mai ukuitjukajag dushiktuina nuna iikmaktajai. ¡Senchijum sujusta!” tiuwai.

(1 Samuel) 24:12

Dekas Tuke Pujuu diigmas, yakita pegkegchaush nuna tujamti. Untsu wika aminak makichkish maashtatjame.