(Apocalipsis) 5:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Takui diikman, ekeemtai ejapen cuatro iwaaku aidau, nuigtú anciano aidau ejapeam makichik Uwig maamu aajakua numamtin wajattaman wainkabiajai; ajibi siete kachují aidau, nuigtú siete jii aidau, nunú aina duka siete Wakan aidau Apajuinu ashí nugkanum ishiakbau aina nuna iwainawai.

(Apocalipsis) 5:6 Iomraidhean Croise

(Daniel) 7:14

Nunikmatai niina dekas tikich aidaun nagkaesau apu emabi, dutikamtai aents ashí nugkanmaya maki makichik chichamtin aidau niina umijuinak emematiagmayi. Niina senchijig imanisag atinai, tuja inamtaijishkam makichkish megkaekashtinai.

(Miqueas) 4:13

¡Pai Jerusalégkah! ¡Nantakta, nunikam dekegka tsaikta! Wagki Apajuí chichaak: ‘Wi aminak depetmakti tusan toro senchia iman, kachuji jiju hierro katsugma ibau, nuigtush nanchiki bronce katsugma iman awajsattagme. Dutika ai depetkam dita wajiji kasamka ijumtai aina nunú ashí yajutkam mina sujustinaitme, wagki ashí nugka duka midau ainawai’, tawai Apajuí”, tiuwai Miqueas.

(Habacuc) 3:4

Winchamtinnum egkemak minawai, niina uwejenia chaajip keeka jiinui, nuniak niina senchiji uumak aunash iwainawai.

(Evangelio según San Lucas) 1:69

Awetugmaji makichik senchigtin Uwemtikagtinun, ni inake David aajakua nunú wegantun.

(Evangelio según San Juan) 1:29

Kashinia dui, Juan Jesusan wainkauwai, niina adijkatatus minittaman, nunik: “Diistajum, auwai Apajuí Uwigji, ashí aents nugkanmaya aidau tudaujin akikmak mantamnatta nunú.

(Evangelio según San Juan) 1:36

Jesús nagkaemattaman wainak: —Diistajum, auwai Apajuí Uwigji, tau.

(Los Hechos de los Apóstoles) 8:32

Agagbaunum ju chicham tawa juna auju: “Uwig mautainum juki ematia numamtuk jukiag emagmayi; nunisag uwig uje tsupigmash takamtak tepegama numamtuk niishkam chichakchabi.

(Apocalipsis) 1:4

Witjai Juagkaitjai, siete iglesia aidau Asia nugkanum awa nui batsatutigmin kumpamjime. Apajuí tuke pujuu, nuigtush tuke pujujakú, jui taatna nunú, nuigtú siete Wakan ni ekeemtaijin emtin awa nujai; wait anenjamag shiig agkan pujutan amastinme;

(Apocalipsis) 12:11

Ditak Uwijá numpejai nuigtú, niina chichame etsegbauwa nujai depetmakaje, nuigtush ditá pujutinash puyatjukchaje jakagtatus uminas yujaidau asag.

(Apocalipsis) 13:8

Dutikamu asamtai ashí nugkanum batsamin aidau, yama nugka najanamua duwi nagkamas, Uwig maamu aajakua nuna papiijin pujutan jukitnume tusa, daaji agatkashbau aina nunú aidau emematiagmayi.

(Apocalipsis) 14:1

Wainkabiajai Uwig muja Siognum wajattaman, nuigtú niijai ciento cuarenta y cuatro mil aents aidau, niina daaji, nuigtú niina Apají daaji, dita nijayin agatkamu aidaun.

(Apocalipsis) 17:14

Dutikawajam Uwigjai maaniawagtatui, tujash Uwig ditanak depetkagtatui, wagki imá nigki Apu ashí apu aidaun nagkaesauk nuigtushkam nigki Rey ashí rey aina nunash nagkaesauwa ibau asa; ditajai ijuna duka ni untsukbau ainawai, ni etegjamu nuigtush chichamenash betek umijin aidau”.

(Apocalipsis) 21:22

Nuanuig jega Apajuí ememattainak wainkachbaijai, wagki ditá jee Apajuí ememattaiya duka, Apu Apajuí ashí senchigtina nuna Uwigjai emematuidau asagmatai.

(Apocalipsis) 21:23

Yaakta duka etsanak nantunakesh atsumchabi tsaaptin emati tusag; wagki Apajuí tsaaptinjiya duke tsaaptin emau asamtai, nuigtush Uwija nuuyi niina lamparajig.

(Apocalipsis) 22:1

Nuniku ai, ángel iwaintugkabi makichik namak pujuta sukagtin tsuwatchau, vidrio saawiya iman, Apajuí ekeemtaijin Uwigjai eketbaunmaya jiintatman.

(Apocalipsis) 22:3

Nuigtushkam awig makichkish pegkegchau chichagdaiyamuk atsutnai. Apajuí ekeemtaiji nuigtush Uwijá ekeemtaijiya dushakam nu yaaktanum atinai, nunin asamtai niina inake aidaushkam niinak emematiagtinai.

(Apocalipsis) 4:8

Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.

(Apocalipsis) 5:11

Nuna takui diikman, kuashat ángel aidau, nuigtú iwaaku aidau; anciano aidaushkam, nuigtush dekaapatash dekapamainchau aidau ekeemtaiya nuna tenteawag pampainamun antukbaijai,

(Apocalipsis) 5:12

nuniai senchi jiikag chichainak: “¡Uwig maamu aajakua, nuuwai dekas wagaaku senchigtinuk, wiyakuch, yacha, senchigtin, eme anentsá diitai, ememattai, tuke kantamjutai atinuk!” wajagmayi.

(Apocalipsis) 5:13

Nuigtú ashí najankamu nayaimpinum, awa nunú, nugkanmaya, nuigtú nugká initkenia aidaush, nayantsanmayashkam, ashí wají aidau nui aina dushakam, senchi chichakag: “¡Ekeemtainum eketa anú, Uwigjai kantamjuinaku, eme anentsá ememattai senchigtina ibau asamtai ajumaish tuke ememattai atin atí!”, awajuidaun antukbaijai.

(Apocalipsis) 5:14

Imatjiagtai cuatro iwaaku aina nu senchi aiká: “Aatus atí”, tiagmayi; nuniaig anciano aidaushkam tikishmatug, emematiagmayi ajumaish tuke pujutna nuna.

(Apocalipsis) 6:16

nunikag mujan, untsuinak: “Yutujatuam uujatkakia, Apajuí nayaimpinum ekeemtaijin eketa au waipakai, Uwig suwimkan sujamsai;

(1 Samuel) 2:10

Tuke Pujuuk nayaimpinum pujus niina shiwaaji aidaun chaagpin ajuntug ijinattawai. Ashí aents nugkanum batsata nunak Tuke Pujuu dita takasbaujin diijus suwimkan susattawai. Untsu apu atinun nii etegkamunak aan nagkaemas senchigtin emattawai”, tiuwai.