(Apocalipsis) 4:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.

(Apocalipsis) 4:8 Iomraidhean Croise

(Génesis) 17:1

Abragkan noventa y nueve mijanji ajai, Tuke Pujuu wantintuk chichajak: “Antukta nijah, witjai Apajuí ashí senchigtinnuk. Nuadui amek mina emtijuig pegkegchau takamtsuk pujusta.

(Salmos) 91:1

Apajuí múun, ashí senchigtina nunú kuitamsam pujauk,

(Éxodo) 15:11

“¡Chah, Tuke Pujuuwah! ¡Aents aidau apajuímtaiji aina duka kuashtai! ¿Tujash amejai betek amainush tikichish aintash? ¡Ima ameketme pegkejam muunmek! ¡Ameketme ashí senchigtinmek! ¡Ameketme wainchatai aidau ishamain iwainam ibaumek! ¡Ameketme ememattaimek!

(Éxodo) 3:14

Tutai Apajuí ayaak: “Mina daajuk: ‘Tuke Pujuuwai’ Juju mina aentsug aidau ujaakum: ‘Tuke Pujuu’ minak atuminig awetime, titatme”, tiuwai.

(Ezequiel) 1:18

Tuja rueda ipak usumat shutukjamua nuna yantame aidaunmak jii batsatkamu winchamtin agmayi. Nuna imanun wainkan senchi ishamkabiajai.

(Ezequiel) 1:5

Imaniamunum nuna ejapeen, ipak usumat aentsjai betek wantinkabi.

(Ezequiel) 1:6

Nunú aina duka ipak usumat yapintin, ipak usumat nanaptin,

(Joel) 1:15

¡Apajuí taatnuk namput wajaschae! ¡Tsawan ishamain atina duka ashí jegawai! ¡Pegkegchau takat idaiku Apajuí umigtsujinig, Apajuí ashí senchigtina nunú suwimak ishamainun amastatui!

(Los Hechos de los Apóstoles) 20:31

Nuadui aneaku pujustajum; adeagtajum kampatum mijadai kashi tsawaijai, makí makichik atum aidautigminak idaitsuk nuní pujustajum tusan negá negajai chichagmaijim nunú.

(Segunda carta de San Pablo a los Corintios) 6:18

Wi atumin Apa atajai, tuja atum mina uchig, mina nawantug atajum, tiuwai Apu ashí senchigtina nunú”.

(Primera carta de San Pablo a los Tesalonicenses) 2:9

Yatsug aidauh, atumek aneakjume, atum aidautijum makichkish waitkat dakitau asaja wajuk takayaji, tsawai kashishkam takai takainakua pimpikiajaish yamajam chicham Apajuinua nu etsejiag duka.

(Primera carta de San Pablo a Timoteo) 4:16

Amek kuitamamkata nuigtú jintiamua dushakam, duka dutiksamek dutikata, nu aaja dutikakum ameshkam uwemjattame nuigtú amina antugtamaina dushakam.

(Segunda carta de San Pablo a Timoteo) 4:2

chicham etsegkata tusan; nuniakum ashí tsawantai titá anentai yapajiatnume, jiyaktá, pegkegnumash wakemitkakta dutikakum emamkesam jintintuata.

(Carta a los Hebreos) 13:8

Jesucristuk yauwa duish, yamaiya juish, atakea duishkam tuke nuninuk atinai.

(Apocalipsis) 1:4

Witjai Juagkaitjai, siete iglesia aidau Asia nugkanum awa nui batsatutigmin kumpamjime. Apajuí tuke pujuu, nuigtush tuke pujujakú, jui taatna nunú, nuigtú siete Wakan ni ekeemtaijin emtin awa nujai; wait anenjamag shiig agkan pujutan amastinme;

(Apocalipsis) 1:8

Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 11:17

nuninak: See tajame, Apu Apajuí ashí senchigtinuh, ametme tuke pujuu nuigtú tuke pujujakumek, iman asam amina senchigmijai inamjatasam nagkamaume.

(Apocalipsis) 14:11

Dita waituina nuiya bukuiti jiina duka tuke ajumaish bukuitú atinai. Bestia emematiaju aidau, niime dakumkamujiya nunakesh, niina daajiya nujaigkish marcamu aina duka tsawaish, kashikesh ayamauk atsugtinai”.

(Apocalipsis) 14:3

Nuigtú yamajam kantamtain kantamiagmayi, Apajuí ekeemtaijin eketa nuna eemtin cuatro iwaaku aina nu, nuigtú anciano aina nuna emtin wajantag, nunú kantamtai yamagma nunak makichkish tikichik unuimachagmayi, imá ciento cuarenta y cuatro mil uwemtikamua duke dekagmayi.

(Apocalipsis) 15:3

Nunú aidau, Moisés Apajuí inake aajakú kantamamua nuna kantabiagmayi nuigtú Uwijá kantamtaijiya nujai, nuninak: “Shiig muuntai, anentai jegagmaitsui, ashí ame takasbau aina duka. Apu Apajuí Ashí senchigtinuh; ame takasbau aina duka pegkejai, dekaskenum aikame, amek ashí nugkanmaya aina nuna reyjiyaitme.

(Apocalipsis) 15:7

Nuniai siete iwaaku aina nuiya makichik, siete ángel aina nuna, siete copa oro aidaun susabi, Apajuí tuke pujuwa nuna kajetí aimjamun.

(Apocalipsis) 16:14

duka wakan iwanchdau ainawai, nunin asag aentsush dutikmainchaun iwainag takainak, ashí nugkanmaya rey aina nuna yujajiagtinai ijumjatatus, Apajuí ashí senchigtina nu, suwimak sukagtamu tsawan jegakui maaniami tusag.

(Apocalipsis) 16:7

Nuigtush altar puja nuiya, chichaak: “Apu Apajuí ashí senchigtinuh, amina suimkajum aina juka pegkejai, dekas ainawai”, tabaun antukbaijai.

(Apocalipsis) 19:15

Niina weninia makichik espada tsakatskatu empek jiinmayi, nuadui ashí nugkanmaya aidaunak kajegká, niina senchijijai inamjatnuyi; Apajuí ashí senchigtina nu kajeká aents aidaun suwimak ishamainun susatta nunash, nigki uva yumiji vino jiiktasa neje najatia dutika dajagtinuyi.

(Apocalipsis) 19:4

Timatai veinticuatro anciano aidau cuatro iwaaku aidaujai, Apajuí niina ekeemtaijin eketun tikishmatjag tsuntsumawag nijayin nugkan antig pujusag emematuinak: “¡Yajautsui! Aatus atí”, tiagmayi.

(Apocalipsis) 21:22

Nuanuig jega Apajuí ememattainak wainkachbaijai, wagki ditá jee Apajuí ememattaiya duka, Apu Apajuí ashí senchigtina nuna Uwigjai emematuidau asagmatai.

(Apocalipsis) 3:7

Agatjata ángel iglesia Filadelfia awa nuna diina nunú: Junak Pegkejam, Dekaskea nunú, Davita llavejin takaka nu, ni ujaimtaig makichkish epenmainchau, nuigtú epenmataish makichkish ujamainchauwa nunú, tawai:

(Apocalipsis) 4:4

Nunú ekeemtaiya nuna tentea, veinticuatro ekeemtai aidau agmayi; nuanui veinticuatro anciano aidau jaanch puju aidaun nugkuinaju, corona oro aidaun atsejaku pekabiagmayi.

(Apocalipsis) 4:6

Nuigtushkam ekeemtaiya nuna eemtin nayantsa numamtin vidrio saawiya iman wajas amayi. Nuigtú ekeemtai ejapen awa nuna tentea cuatro iwaaku aidau wajagmayi, ukuujin, eemtinish kuashat jii ajamu aidau.

(Apocalipsis) 4:9

Nunú iwaaku aidau Apajuí tuke pujuwa nu, ekeemtainum eketun emematuinak, eme anentus see tuinak ajumaish tuke pujutna nuna imatjiagtai;

(Apocalipsis) 5:6

Takui diikman, ekeemtai ejapen cuatro iwaaku aidau, nuigtú anciano aidau ejapeam makichik Uwig maamu aajakua numamtin wajattaman wainkabiajai; ajibi siete kachují aidau, nuigtú siete jii aidau, nunú aina duka siete Wakan aidau Apajuinu ashí nugkanum ishiakbau aina nuna iwainawai.

(Apocalipsis) 6:1

Wainkabiajai siete sello aina nuiyan Uwig makichik ujattaman, nuigtush antukbaijai cuatro iwaaku aina nuiya makichik ipamat wajukeama imatuk: “¡Tantá diistá!”, tujutun.

(Apocalipsis) 6:6

Nuniai cuatro iwaaku aina nuiya ejapenia chichaak: “Makichik tsawan takasbauwai makichik kilo trigon jukiagtinai, tuja makichik tsawan takasbauwai kampatum kilo cebada suwam agtinai. Tujash aceite, vino aina duka emeskaipa”, taun antukbaijai.

(Apocalipsis) 7:11

Nuniai ashí ángel aidau ekeemtaiya nuna, anciano aidaunash, nuigtú cuatro iwaaku aina nunashkam tentea wajagmayi; nunú aina nujai ekeemtai eemtin tikishmajag nijayin nugkan antig pujusag Apajuin emematuinak:

(Apocalipsis) 7:15

Nuadui Apajuí ekeemtaiya nuna eemtin ijunainawai, nuigtush jega Apajuí ememattaiya nui kashi tsawaijai takajuinawai; nuniagtai ekeemtainum eketa nunú niina tabernaculojin batsas kuitamkattawai.