(Apocalipsis) 3:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Shintaagta, nunikam tikich aidau dutikmain megkaekattak awa nunú inantaita, wagki amina takatjumnak Apajuí eemtinish pegkegnak wainkachjai.

(Apocalipsis) 3:2 Iomraidhean Croise

(Isaías) 35:3

Atum mina chichameg antautigmek, Judá wegantu kakaakchau aina nunú ichichiagtajum, dutikakjum pimpikiu aidaushkam yaigtajum.

(Ezequiel) 34:16

Uwig megkaeja nuna egakan tikich jintanum yujaunash yajuaka ikaunman nawen ichiinkau akuish, shiig dijajan ijijuan kuitamkattajai, tuja duwejam wajiu aidaunash kuitamkattajai, dutikakun kakaakchau aidaunashkam shiig kuitamkattajai.

(Daniel) 5:27

Untsu TEKEL tawa duka: Makichik waji yaunchuk kijin aajaku duwi dekaapam kijinji megkaekauwa numamtuk amina Apajuí apu etamiu aig, ame shiig takaschaum nuna taku tawai.

(Evangelio según San Mateo) 23:5

Ashí dita dutikaina nunak aents wainkamu atatus nuninawai, nuninak senta wegkagman jukiag, chicham umiktajum tibauwa nuiyan agajag, kuntujinish dutiksag jigkamá yujainawai. Aantsag nugkuagbauji weniya nuwish esagman sasamjukag detug nugkujag yujainawai.

(Evangelio según San Mateo) 25:13

Nuadui atumek aneaku batsamtajum, wagki Aentsmaga akiinauwa nu taatnujig tsawantak nuigtú horash dekachu asajum.

(Evangelio según San Mateo) 25:7

Tutai nuwauch aidaushkam nantajag lamparajin ekemaktasag uminaidau.

(Los Hechos de los Apóstoles) 18:23

Nui dukap tsawan pujus ataktú jiinkiu, makí makichik nugka aidaunum Galacianum, Frigianmash ashí Jesusa nemajin aidaun anentain ichichtugtatus.

(Primera carta de San Pedro) 4:7

Ashí wají aina nu nagkankatnuk tsawantak tikiju wajasé, nuadui atumek shiig ebetmamja pujusjum, puyatjusjum Apajuí aujú batsamtajum.

(Primera carta de San Pedro) 5:8

Aneaku niimkau atajum, atumi shiwajum iwanchia duka pegkegchaun takamtijamsatatus, ikamyawa kajeak shinuwama imatak teentugmawai;

(Apocalipsis) 16:15

Wika kasajai betekmamtuk minittajai, shiig aneasagtinai aneaku batsatuk, nuigtush jaachjin kuitamaidauk, wi minitaish wisú pujuinachu asag datsamamujish atsujiagtina dui.

(Apocalipsis) 2:4

Tujash aminí makichik dakitamu ajutui, nagkamchakum anentium duka idaisaum dui.

(Apocalipsis) 3:1

“Agatjata ángel iglesia Sardis awa nuna diina nunú: Apajuí Wakaní sieteya imajin aja nunú, nuigtush siete yayan takaka nunú juna tawai: Ame takaam nunak wainjai, iwakui tama ame, tujash jaká pujame.

(Apocalipsis) 3:3

Adeagta pegkeg jintiamu antukuitam nunú; nuniakum umiktá, nuigtush tudau takatash idaisata. Aneaku pujachkuminig, wi kasajai betek minittatjame, tujash wají horatinia minittaja duka dekashtatme.