(Apocalipsis) 3:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Wika ashí wi aneamug aidaunak jiyaajai, dutikakun suwimkanash suajai, nunin asamtai pegkegchau idaikum Apajuí umigkata.

(Apocalipsis) 3:19 Iomraidhean Croise

(2 Samuel) 7:14

Wi niina apaji atatjai, untsu nii mina uchig atatui. Nuadui makichik múun uchiji pegkegchaun takatai, suwimka suwama numamtuk wi niinak suwimkan susatnaitjai.

(Job) 5:17

“Nuadui aminak Apajuí suwimkan amasmatai waitiau asam, ¡amek shiig aneasta! Apajuí ashí senchigtina nunú jintinjamak aikagma nunú dakitjaipa.

(Salmos) 69:9

Amina jemin akasmatkun senchi waitiajai. Tuja amina pegkegchaun chichagtamainakui, nuna antakun kajeajai.

(Jeremías) 2:30

Atumi uchijum aidauk suwimak suwakuish wainka dutikmainai, wagki imanik suwimka juinakush makichkish unuimainatsui. Atumek león kajeaujai betek mina profetag aidau ijinawaitjume.

(Jeremías) 31:18

Mina aentsug Efraín wegantu aidau kajeka buutuinak: ‘Israel aents aidau Apajuíjiyah, ¡Ametme Tuke Pujuu, ii aidauti Apajuíjimek! Iik toro kakajus unuinamaitsu iman ayaji, tujash ame unuinakbau asa, ame tabau umiaji. ¡Ametme jutii Apajuíjimek, nuadui ataktu awagkim yaijatkata!

(Jeremías) 7:28

Ame dita chichagkum: ‘Juju aents aina duka Tuke Pujuu dita Apajuíji umigtanak dakituinawai. Nunidau asag Apajuí jintintuatag tamash dakituinawai. Dita dekaskenum chichataijig shiig atsujuinawai’, tita” tujutmayi.

(Evangelio según San Mateo) 25:7

Tutai nuwauch aidaushkam nantajag lamparajin ekemaktasag uminaidau.

(Evangelio según San Juan) 2:17

Dutikamtai jintintaiji aidau, agagbaunum chichaak: “Amina jeemnak senchi akasmatjai”, tawa nuna adeajajui.

(Carta de San Pablo a los Romanos) 12:11

Kakanmamsatajum, iina Apuji wakejusa takagsata tabaunum, dakik aigpajum.

(Primera carta de San Pablo a los Corintios) 11:32

Tujash Apu Jesús suwimkan sujamkug jintinjamak dutijamui, aents Apajuí nemagchau aidau suwimkan jukiagtin aina nujai suwimkan jukiinum tujamu asa.

(Segunda carta de San Pablo a los Corintios) 6:9

wainchatai utugmaina dutijamiagtaish tikichik shiig waipainaji, jakattaku yujakuish iwaaku pujuinaji, suwimkan sujamainakush mantamainatsui;

(Segunda carta de San Pablo a los Corintios) 7:11

Apajuí wake besemjan itagtama duish wajukaugme nu diistajum, ¡wajuk yapajinaugme nunú! Atumiin utugchat awa nunú puyatjusjum shiig dekaugme nuniakjum minashkam ayamjutkaugme. Kajeamush nuigtú ishamamush ajutjamsaje, nuniakjumesh mina waitkatasajum wakekaugme, nuniau asajum pegkegchaun takaa dusha suwimak susaugme. Nu ashí dutikaujum dui iwainmamkaugme, atumesh dekas nunú pegkegchau dakituinajum duka.

(Carta de San Pablo a los Gálatas) 4:18

Dekas tikich puyatjamua duka pegkejai, tujash pegkeg anentaiyai; nuna nuninuk tuke nuninuk amainai, wi atumjai pujuttag dui nunitsuk.

(Deuteronomio) 8:5

“Nuadui Tuke Pujuu atumi Apajuíjum makichik múun niina uchijin jintintama numamtuk jintinjamawajua nunú anentaimtusjum diistajum.

(Carta de San Pablo a Tito) 2:14

Nigka nigki jutiiní mantamnata tus tsagkamankauwai, ashí pegkegchau aina nuanui agkanmitkagmatatus; dutika pegkemtijami niina aentsji etamak ashí pegkeg aina nunak takamtijamsatatau asa.

(Carta de San Santiago) 1:12

Shiig aneastinme aents utugchatan depetuk nagkaeguk, wagki utugchatan depetkau aina duka Apajuí pujut tuke atinun niina aneedau aidaun anagkuauwa nuna jukiagtinai.

(Apocalipsis) 2:5

Nuadui adeagta wajukeakmea nunikume nunú, nunikam yapajinam nagkamchaku takaajakuitam nunú takastá; nuniachkugminig waamak tajuattagme, nunikan yapajinchakminig candelero jujuktatjame.