(Apocalipsis) 3:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Nuadui wi tajame: Minai sumakta oro jiinum apea ayatak orok awasamua nunú, nunikam wiakuch wajasminum, nuigtush jaanch puju aidau nugkugminum, ame wisú wetai datsantan dekagmawainum, nuigtushkam jiiminish colirio egkeeta wainmakminum.

(Apocalipsis) 3:18 Iomraidhean Croise

(Salmos) 107:11

Nunak Tuke Pujuun shiwagmainak, chicham umiktinun susauwa nunash uminachu asag nunikajui.

(Salmos) 16:7

Tuke Pujuunak shiig pegkegnum chichagtinaitjai, nii minak pegkegnum jintinjau asamtai. Dekas mina iyashjunash jintinjutui, dutijak kashishkam esetawai.

(Salmos) 32:8

Apajuí chichaak: “Wi aminak diyakjame, nuadui amina unuinagtasan jintintuattagme, tuja wiki jintan inaktusan kuitamkattagme.

(Salmos) 73:24

Umigtukti tujutu asam ame chichagtukmayume, nuadui wi jakamtaish, eme anenjusam jujuktinaitme.

(Proverbios) 1:25

Nuniau asajum, mina chichamjuk kajimatkijum idaisaugme, tuja wi atumin jintinbau antuka unuimatchakam dakitagme.

(Proverbios) 1:30

Nuniau asajum, mina chichameg antuka jutak dakitagme, tuja wi atumin nunikaigpajum tusan tajim dushakam dakitagme.

(Proverbios) 23:23

Dekaskea nunú, yachameta nunú, jintinjamamu aina nunú, unuimata nunú aatsam sumakta. ¡Dutikamek duka sujukaipa!

(Isaías) 55:1

Apajuí chichaak: “Aents kitamauk minai taa uwagti. Kuichik atsugbau aidauk minai kaunawag trigo, vino, leche aidaun akikmatsuk yuwatnume.

(Miqueas) 1:11

Bellavistanmaya aents aidautigminak achipajag jujamkiagtinai, dutijamawagmatai wainka inataijai betek, wisu datsan shiyaktinaitjume. Atum pujamun ijus tikich yaaktanum batsamin aidau buutiagtinai. Tujash dutika jujabiagtaish, Zaanágnumia aents aidaush atumnak ayamjutpakchagtinai.

(Malaquías) 3:3

Tuke Pujuu Leví wegantu sacerdote aidaunak, oro, plata jinum jiyam pegkegchauji esaka ajapnak dekas pegkeg juwauwa numamtuk awagmaktatui. Dutika pujutji iwagtujam Apajuínak anentag sumain ainawai. Tujash nunak dita wakegamun takatsuk, Apajuín shiig awagma nuna imatiksag dutikmain ainawai.

(Evangelio según San Mateo) 13:44

“Apajuí inama duka oro nugkanum yutua ukukbauwa nuninai, nuna makichik aents wainak, nuig ataktú yutua ukuak, shiig aneas wakitki, ashí niina wajiijinak sujug, nunú nugkan sumakui.

(Evangelio según San Mateo) 25:9

Tama dita aiinak: ‘Uju ujumak akantunika jukimak, minashkam aminash abuetugmamainai, dekas aceite sujutainum wejum sumaktajum’, tiaju.

(Evangelio según San Lucas) 12:21

Aatus nuniawai nigki wiyakchameatatus wakega duka, tujash Apajuí eemtin pegkejan takaachkug”, tiuwai.

(Segunda carta de San Pablo a los Corintios) 5:3

nunika wisú aig tusa jaanch nugkutiama numamtuk wajaktinaitji.

(Segunda carta de San Pablo a los Corintios) 8:9

Atumek dekagme iina Apu Jesucristo wait anenkagtamujiya duka, atumin anempamunum ujunauch wajasui wiyakchaitak, ni ujunauch webaunum dekas pegkeja nuna jukitnume tujamu asa.

(Primera carta de San Pablo a Timoteo) 6:18

Pegkeg aina duke takastajum tita, pegkeg aidau takatnum wiyakuch atinme, tsagka, nuninak ditanu ajuina nujai yaimkagtatus waketinme,

(Carta de San Santiago) 2:5

Mina aneetaig yatsug aidauh, antuktajum: ¿Apajuí etegkachukai ju nugkanmaya ujunauch aina nuna, dekaskeapi tabaunum wiyakuch agtinme, nuninak niina inamtaijiya nuna niina aneen aidaun anagkuauwa nuna jukitnume tusa?

(Primera carta de San Pedro) 1:7

Atum aaja waitiamunum Apajuiyai dekaskeapi tusa anentaimainajum nu dekapsamu asamtai, Jesucristo taatna duwi dekas eme anentsá diyaaku, nuigtú ememattsa diyaam atinaitjume. Oronum pegkegchau peetkau ajapna ayatak orok juwakti tusa, jiiyai apeamu shiig pegkejama nuna nagkaesau wegawai atum Apajuí dekaskeapi tajum duka.

(Apocalipsis) 16:15

Wika kasajai betekmamtuk minittajai, shiig aneasagtinai aneaku batsatuk, nuigtush jaachjin kuitamaidauk, wi minitaish wisú pujuinachu asag datsamamujish atsujiagtina dui.

(Apocalipsis) 19:8

nuniku asamtai lino dekas pegkejan tsuwatchau winchamtinun apegae, wagki lino pegkeja duka, Apajuinu pegkejam aidau pegkeg takasbauji aina nuna iwainawai”, wajaidaun.

(Apocalipsis) 2:9

Ame waitiamujum aina nunak wainjai, nuigtú ujunayaitam nunashkam, tujash amek wakannumag wiakchaitme, nuigtush judiowaitji tuidau pegkegchau chichagtamaina nunashkam; tujash duka Satanasa jee ainawai.

(Apocalipsis) 3:17

Wagki ame chichaakum: Wika wiyakchaitjai makichkish atsumamuk atsugtawai tame; tujash amek Apajuí diismak shiig aneas pujuchu, waitin, ujunauch, wainmachu, nuigtú wisú pujam duka dekaamatsme.

(Apocalipsis) 4:4

Nunú ekeemtaiya nuna tentea, veinticuatro ekeemtai aidau agmayi; nuanui veinticuatro anciano aidau jaanch puju aidaun nugkuinaju, corona oro aidaun atsejaku pekabiagmayi.

(Apocalipsis) 7:13

Nuna tiagmatai, anciano aina nuiya makichik, inintak: “Jaanch pujun nugkuaju aina aush ¿ya ainawa, tuwiya kaunkaje?” tujutmayi.