(Apocalipsis) 3:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Wagki ame chichaakum: Wika wiyakchaitjai makichkish atsumamuk atsugtawai tame; tujash amek Apajuí diismak shiig aneas pujuchu, waitin, ujunauch, wainmachu, nuigtú wisú pujam duka dekaamatsme.

(Apocalipsis) 3:17 Iomraidhean Croise

(Génesis) 3:7

Nuna yuwawag wajanbauwaik, mai wisu wajamun wainmamkajui, nunikag makichik ajak higuera tutaya nuna dukeen apajag itipjuawajui.

(Éxodo) 32:35

Tuja Aarón toro tsakatan dakumak najanamun Israel aents aidau emamatiaju asagmatai, Apajuí suwimka suwak jata ishamainun ajunjauwai.

(Proverbios) 13:7

Awai aents makichkish wajigtuchuitak wiakuch atajai tusa wakegau, tuja antsag kuashat wajigtin aidaushkam wajigtuchuapi tujuttinme tusa uumush ainawai.

(Isaías) 42:19

Wi mina takagtustinme tusan, atumin etegkau asan aents aidau chicham ujaktajum tusan ishiakbau ainayatkujum aents antuchu, wainmachu aina nujai betek ainajum, nuninuk tikichik makichkish atsuinawai. Atumin wi mina takagtustinme tusan etegkamu aidautijum chicham antuchu, wainmachujai betek ainajum annuk tikima tikichik makichkish atsawai.

(Jeremías) 2:31

Tuja atum yamai uchi aidautigmeshkam Tuke Pujuu chichame antuktajum. Wika uwejush nimpain asamtai, waittayama dutikankesh waitkachuitjime, tuja waa suwenum pujusa waittayama dutikankesh waitkachuitjime. Dutika waitkashtayaitkugmesh ¿wagka iik agkan batsatji, nuniau asa ataktuk aminak emematchattagme tusagmesh tujutjume?

(Evangelio según San Mateo) 5:3

“Shiig aneastinme iikik iina wakanig uwemtikmaitsuapi tuidauk, wagki Apajuí ashí nayaimpinum inama duka ditanu asamtai.

(Evangelio según San Mateo) 9:12

Nu tabaun Jesús antuk ayaak: —Jamamtuchu aidauk ampijatnunak atsumatsui, jau aidau atsumawai.

(Evangelio según San Lucas) 1:53

Yapajuau aidaunash wají pegkeg aidaun shiig kuashat susaje, dutikak wiyakuch aidaunak uwegmatak ishiake.

(Evangelio según San Lucas) 6:24

“¡Tujash wait anentajime atum wiyakuch aidautigminak, wagki ju nugka juwig atum shiig aneamuk ajutjamaidau asamtai!

(Carta de San Pablo a los Romanos) 11:20

Dekaske, ditak Cristo dekaskeapi tachamunmag dutikam asajui, tujash atumek ni dekaskeapi tabauwa duik uwemtikamu ainagme. Dutikamu asajum emematsuk dekas ayatak puyattsá anentaimtumastajum.

(Carta de San Pablo a los Romanos) 11:25

Yatsug aidauh, Apajuí dutikatnuji dekaachbau aajakua nu dekaatajum tusan wakegajai, wainkajum yacha iman anenmamkujum ememá yujaijum tusan. Israel aina nuiya ujumak antumtikmainchaush juwakaje, duka nunisag batsamsag ashí judiochu aidau niiní wayawagtina imanui jegantagtinai.

(Carta de San Pablo a los Romanos) 12:3

Minak Apajuí wait anenjug chicham etsegkata tujutiuwa dui ashí atumin tajime: Makichkitigmesh atum wagaakuk anentaimtumigpajum. Duka nunitsuk, dekas makí makichkitijum ebetmamjajum anentaimkau atajum, atumin Apajuí shiig yupichu dutikatnun dekaskeapi tau asagmin sujamsamua nunisjumek.

(Carta de San Pablo a los Romanos) 7:24

¡Wajukawajak tajai! ¿Ya agkanmitkagmainaita mina iyashig pegkegchaun takamtijak megkaetanum eta nuanuish?

(Segunda carta de San Pedro) 1:9

Tujash juna betek uminachuk aents wainmachujai betekai, nuniachkush atushat wainmachua nuninai, yaunchuk tudauji aajakua nuna Apajuí tsagkujamunash aneachu asa.

(Apocalipsis) 16:15

Wika kasajai betekmamtuk minittajai, shiig aneasagtinai aneaku batsatuk, nuigtush jaachjin kuitamaidauk, wi minitaish wisú pujuinachu asag datsamamujish atsujiagtina dui.

(Apocalipsis) 2:9

Ame waitiamujum aina nunak wainjai, nuigtú ujunayaitam nunashkam, tujash amek wakannumag wiakchaitme, nuigtush judiowaitji tuidau pegkegchau chichagtamaina nunashkam; tujash duka Satanasa jee ainawai.

(Apocalipsis) 3:16

Tujash amek papaapatu asamin, nuigtú bichatnukesh achau, sukutnukesh atsum dui iyakan ajapatnaitjame.