(Apocalipsis) 22:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ Nu yaaktanmag kashik atsutnai. Lámpara ekemaktasaikish atsumnashtinai, aantsag etsashkam atsumnashtinai, wagki Apu Apajuí tsaaptin emau asamtai, nunikmatai nui batsamas tuke inamá batsamtinai.

(Apocalipsis) 22:5 Iomraidhean Croise

(Salmos) 84:11

Wagki Tuke Pujuu Apajuí iinak ejapak kuitamjamui; tuja aents tudau takatsuk batsata nunak, nii wait anentak eme anentus kuitamui, dutikak waji pegkeg aidaunak sujitatsui.

(Daniel) 7:18

Tujash nunú nagkaemakmatai, Apajuí aents aidaun etegkauwa nunú atakea duish tuke inamjatnai’, tusa ujatkabi.

(Daniel) 7:27

Nunikmatai Apajuí ashí senchigtina nuna aentsji aidau apu wajasag nugkanmaya apu aidaunak ashí inagtinai. Dutikamtai dita aidau niina chichamen umijuinak emematiagtinai. Tuja nii inabaujig atakea duish tuke atinai.’

(Evangelio según San Mateo) 19:28

Tutai Jesús ayaak: —Dekas tajime, ashí najankamu aidau yamagmitkamu jegatna nunú tsawantin, Aentsmaga akiinauwa nu ni ekeemsa inamtaiji imana nui ekeemsamtai, atum mina nemagtuku aidautigmek doce ekeemtainum ekeemsajum, Israelan uchijí doce aajakajua nunú weantu inagtin ainagme.

(Evangelio según San Mateo) 25:34

Dutika, untsujin ijunaina nuna Rey chichajak: ‘Minitajum, mina Apag pegkegnum yumigsamu aidautigmek, nunikjum jukitajum atum inamjatnun nugkash najannatsaig umigtamkamua nunú.

(Evangelio según San Mateo) 25:46

Aaja tima nunú aents aidauk suwimak tuke atina nui weagtinai; untsu aents pegkeg aidauk pujut tuke atina nui wayawagtinai”, tiuwai.

(Carta de San Pablo a los Romanos) 5:17

Makichik aents umikchamunum tunamagbauwa dui jaamuk asauwai, tujash nuna nagkaesau makichik aents Jesucristua nu pegkeg dutikamunum Apajuí shiig senchi wait anenjamu asa, pegkeg ainagme tibau aidautik yamajam pujuta nuwi tuke pujustin ainaji.

(Segunda carta de San Pablo a Timoteo) 2:12

Waittsau ainakuik, niijai inamjatnaitji. Ni dakitjau akuik, dutiksaik dakitam atinaitji.

(Apocalipsis) 11:15

Siete angela ju trompeta umpuagmatai, nayaimpinmaya senchi pampajagmayi, nuninak: “Ashí nugkanmaya inamaina duka yamaik iina Apajuijinu nuigtú Cristunu wajasé. Nigki ajumaish tuke inamin atinai”, wajagmayi.

(Apocalipsis) 18:23

Nuigtush aminiya lámpara ekemamukesh wainnakchatnai tuja, nuweniagtai fiestamainak pampainamukesh tuke antuekashtinai, wagki amina wajiigmin sujutjamajakua duka, nugkanmag dita wagaku aajakajui, amina tunchigminig ashí nugkanmaya aents aidauk tsanujakuitme.

(Apocalipsis) 20:4

Nuigtú wainkabiajai ekeemtai aidaun, nui pekabiagmayi inamjatnume tusa senchi susamu aidau, nuigtushkam wainkabiajai Jesusan pachis nuigtú Apajuí chichamen etsejiagtai tsupika maamu aidau wakanin; bestianash emematchaju aidau, niime dakumkamunakesh, nuigtú nijayinish, uwejinish marca jukichaju aidau nantajag, Cristujai mil mijan inamjagtinuyi.

(Apocalipsis) 20:6

Shiig aneasagtinai dekatkau nantamu atina dui nantakiu aidauk, ditak Apajuí aentsji pegkejam wajasú asag. Nunú aidauk ataktú jaamu atina nuig waittsachagtinai, ayatak Apajuí, Cristo sacerdoteji waigkagtinai nunikag mil mijadai inamjagtin ainawai.

(Apocalipsis) 21:11

Yaaktak Apajuí etsantajinig etsanmayi, nunú etsanbaujiya duka makichik kaya shiig pegkeja imanuyi, kaya jaspe, vidrio saawiya iman.

(Apocalipsis) 3:21

Depetmakunak, mina inamtaijui ekentsatnaitjai, wi depetmaku asan mina Apajú ekeemsa inamtaijin eketag dutiksanuk.