(Apocalipsis) 22:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Jintak yaakta ejapen nagkaemakuyi, nuniamunum mai namaka yantamega nui, numi pujuta sukagtin aatú amain makichik wajai tikich yantamen makichik wajabi, duka makichik mijantin doceya imania nejenuyi nantu nantutin nejeau asa; nuigtú numí duke aina duka ashí nugkanmaya aidau etsagagtasa takataiyayi.

(Apocalipsis) 22:2 Iomraidhean Croise

(Génesis) 2:9

Apajuí ashí numi pegkeg aidaun yujág yutai aidaunash uyujkauwai. Untsu nuna ejapeen ajatuawai jimag ajakan. Makichik ajak nuna neje yuwakuik tuke jachatai tabaun, tikich ajakan neje yujuaik, pegkejash pegkegchaujai dekatai tabaujai.

(Proverbios) 3:18

Shiig anentaimja pujutan unuimaina nunú pujutan juwinawai. Shiig anentaimja pujutan juidauk, numi pujuta sukagtinjai betek ainawai. Tuja nunú unuimatan jukiaju aidauk shiig aneasagtinai.

(Isaías) 6:10

Juju aents aina nuna dekatig pachimjukta, dutikakum antukchamin, wainmakchamin emakta, dutikamu asag wainmamainchau, antutnash antumainchau, tuja anentaimsash nunap tawa tusa dekamainchau wajastinme, nuninak pujutjinish yapajinmainchau atinme. Nunidau asagmatai, wishakam dita tudaujinak tsagkujashtatjai, tawai tita”, tujutmayi.

(Oseas) 14:4

Tuke Pujuu Israel aents aidaun chichajak: “Wi kajekbaugnak mijaakjai, nuniku asan dita pegkegchau ainaigkish, mina anenkajun iwaintukagtatjai, dutika ai nuigtuk intimkichagtatui.

(Malaquías) 4:2

Untsu atum mina eme anenjautigminak shiig kuitamkattajime. Duka makichkish uukchamu paan etsa etsantujai betek atinai. Tuja pegkegchau awajtamkatag tuinakuish wi kuitamkatnaitjime. Dutikamu asajum, toro tsakatuch aidau wenuken batsatu jiinainak, shiig aneas tsekegama imanitnaitjume.

(Evangelio según San Lucas) 4:18

“Apu Apajuí Wakaní minai awai, nuniau asa mina etegtuauwai, ujunauch aidaunash yamajam chichaman ujaktí tusa; achikbau aidaunash antuinamunum senchi chichaká agkanmaetan ujaktí, nuniak wainmachu aidaunash wainmitkakti, waitkatai aidaunash agkanmitkati,

(Primera carta de San Pedro) 2:24

Nigki iina tudaujinash niina iyashin jukiuwai numinum achinjauwa dui, tudau takatnak idaiyinak, pegkeja nuna takastinme tujamu asa; niina iyashí tsupinjauwa dui atumek tsagaju ainagme.

(Apocalipsis) 2:7

Ni antutaiji ajamuk antukti, Wakan iglesia aidaun tawa nuna. Depetmakunak Apajuí pujutai paraíso ejapen numi pujutan sukagtin wajá nuna nejeen susattajai yuwati tusan.

(Apocalipsis) 21:21

Doce waiti aina duka doce perla agmayi, makí makichik waiti aina duka makichik perlayaik takasbauyi. Untsu yaakta jintiya duka ayatak orokeyi, iman asa vidrio saawiya imanuyi.

(Apocalipsis) 21:24

Ashí aents uwemkaju aidauk nunú tsaaptina nui yujasagtinai. Tuja ju nugka juiya rey aidauk ditanu wají shiig pegkeg aidaun niina eme anentsag itajiagtinai.

(Apocalipsis) 22:1

Nuniku ai, ángel iwaintugkabi makichik namak pujuta sukagtin tsuwatchau, vidrio saawiya iman, Apajuí ekeemtaijin Uwigjai eketbaunmaya jiintatman.

(Apocalipsis) 22:14

Shiig aneasagtatui jaanchjin nijaina duka, numí neje pujutan sukagtina nunash yuwatin, nuigtush yaakta waitiji aina nuish wayatin asag.

(Apocalipsis) 22:19

Nuigtushkam makichik aentskesh jujú papinum uminkatin agagbauwa juna emegkakunak, Apajuishkam numi pujutan sukagtina nuna nejenak susashtinai, nuigtushkam yaakat pegkejam jujú papinum pachisa agagbauwa nuishkam awayashtinai.