(Apocalipsis) 22:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Nuniku ai, ángel iwaintugkabi makichik namak pujuta sukagtin tsuwatchau, vidrio saawiya iman, Apajuí ekeemtaijin Uwigjai eketbaunmaya jiintatman.

(Apocalipsis) 22:1 Iomraidhean Croise

(Salmos) 46:4

Namakak nii tsegkeakbaujijai Apajuí yaaktajin aents batsatun shiig anemtikui, nunú yaaktak dekas tikich yaakat aidaun nagkaesau shiig pegkegmai, Apajuí pujutai asa.

(Isaías) 41:18

Muja uwegshunum entsa ayau awajsatnaitjai, tuja nugka ségaju paka aidaunmashkam yumi pukuni kuashat jiiniagtinai. Nuadui yumi kuashat ayau asamtai, dupa shiig tsapak aama iman uwegshunak emaktatjai.

(Jeremías) 2:13

“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Evangelio según San Juan) 13:32

Aentsmaga akiidau Apajuí ememattinme tusa iwainataik, Apajuishkam Uchijun ememattinme tusa wamak umiktatui.

(Evangelio según San Juan) 15:26

Tujash wi Ichichkagtinun awemattag nu, Wakan Apagdau dekasken jintinkagtina nu, mina pachitus shiig dekamtijamattagme.

(Evangelio según San Juan) 4:14

untsu wi yumí susattag nuna uwajuk, tuke kitaagchatin ainawai, ayatak wi yumí susattag nunú niiní yumi pukuni jiinama imaní au asa, pujut tuke atina nu ajitnai, tiuwai.

(Los Hechos de los Apóstoles) 2:33

Dutika eme anentai awajus nuigtú Apajuí niina untsujin ekentsam, Apají Wakaní Pegkejin anagtamauwa nuna juki sukagtusa nunú wainkaugme nuigtush antukugme.

(Apocalipsis) 1:1

Junak Apajuí Jesucristun iwaintukui, wají aidau waamak uminjatta nuna ni inake aidaun iwaintukti tusa. Dutikam Jesucristo angelan awemauwai niina inaken Juagkan iwaintukti tusa;

(Apocalipsis) 21:11

Yaaktak Apajuí etsantajinig etsanmayi, nunú etsanbaujiya duka makichik kaya shiig pegkeja imanuyi, kaya jaspe, vidrio saawiya iman.

(Apocalipsis) 21:6

Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.

(Apocalipsis) 21:9

Nuniai siete ángel aidau, siete copanum inagnamunum jata atin aimjamun takuinaku aajakajua nuiya makichik chichagtak: “Wegajai, wi Uwig nuwatkatna nuna iwaintuktajame”, tujutmayi.

(Apocalipsis) 22:17

Nuniai Wakan nuigtú, Uwijá nuwega nujai: “Minitá”, tuinawai. Ni antaushkam “Minitá”, titi. Ni kitamauk minití, ni wakegauk yumi pujutan sukagtina nuna anenjauch uwagti.

(Apocalipsis) 22:6

Ángel chichagtak: “Ju chichama juka betek uminkatnai nuigtush juka dekaskea nu ainawai. Apu, Apajuí profeta aidaun Wakaní Pegkeji awetim dekamtikajakua nunú niina angeljin awemae, wají aidau wamak nagkaemagtata nuna ni inake aidaun iwaintukta tau asa”, tujutmayi.

(Apocalipsis) 3:21

Depetmakunak, mina inamtaijui ekentsatnaitjai, wi depetmaku asan mina Apajú ekeemsa inamtaijin eketag dutiksanuk.

(Apocalipsis) 5:13

Nuigtú ashí najankamu nayaimpinum, awa nunú, nugkanmaya, nuigtú nugká initkenia aidaush, nayantsanmayashkam, ashí wají aidau nui aina dushakam, senchi chichakag: “¡Ekeemtainum eketa anú, Uwigjai kantamjuinaku, eme anentsá ememattai senchigtina ibau asamtai ajumaish tuke ememattai atin atí!”, awajuidaun antukbaijai.

(Apocalipsis) 5:6

Takui diikman, ekeemtai ejapen cuatro iwaaku aidau, nuigtú anciano aidau ejapeam makichik Uwig maamu aajakua numamtin wajattaman wainkabiajai; ajibi siete kachují aidau, nuigtú siete jii aidau, nunú aina duka siete Wakan aidau Apajuinu ashí nugkanum ishiakbau aina nuna iwainawai.

(Apocalipsis) 7:17

Wagki Apajuí ekeemtaiji ejapen awa nui Uwig, wajá nunú kuitamkagtatui, dutikak yumi pukuni jiinu pujuta sukagtina nuna amitnai, nuigtushkam Apajuí ashí negaiki aina nunak ujugtuktatui, tujutmayi.