(Apocalipsis) 21:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.

(Apocalipsis) 21:6 Iomraidhean Croise

(Jeremías) 2:13

“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Oseas) 14:4

Tuke Pujuu Israel aents aidaun chichajak: “Wi kajekbaugnak mijaakjai, nuniku asan dita pegkegchau ainaigkish, mina anenkajun iwaintukagtatjai, dutika ai nuigtuk intimkichagtatui.

(Joel) 3:18

Apajuí shiwag aidaun suwimkan susa ijinamtai nagkamas, shiig kuashat uva ayau asamtai, vino najanamu aidauk shiig kuashat aittawai, tuja baka aidaushkam shiig kuashat ayau asamtai, nuna muntsuji ijugbauk shiig kuashat mujanmaya yumi betsaka akagama iman atinai. Judá wegantu aidaun nugkenig yumi shiig kuashat aitnai. Mina jegajuiya yumi pukuni jiinki Sitim nugka pakajin ashí ukattinai.

(Evangelio según San Juan) 4:10

Tama Jesús ayaak: —Apajuí anentag awemamua nu yumin segapa nu dekakmek, dekas tajame, ameshkam segamainaitme, dutikamak nigka yumi iwakua nuna amamainai, tiu.

(Evangelio según San Juan) 4:11

Tutai nuwa chichaak: —Apuh, yumi shikitai takaktsum aniaumesh, yumishkam initka nunin aish, ¿tuwiya yumi iwakush sujustatme?

(Evangelio según San Juan) 4:14

untsu wi yumí susattag nuna uwajuk, tuke kitaagchatin ainawai, ayatak wi yumí susattag nunú niiní yumi pukuni jiinama imaní au asa, pujut tuke atina nu ajitnai, tiuwai.

(Carta de San Pablo a los Romanos) 3:24

Nunin ajinig, Jesucristo iina tudaujin esaktugmag agkan etamkau asamtai wait anenjamag anenjauch pegkeg ainagme tujabiuwai.

(Carta de San Pablo a los Romanos) 8:32

Apajuí niina Uchijinakesh sujitjamtsuk ashí aents aidau tudaujin mantamnati tusa awetugbauwa ibaush, ¿wagkag ni Uchijin ashí wajiin susatna dutiksag iinash amaschagti?

(Primera carta de San Pablo a los Corintios) 2:12

Jutiik ju nugka juiya wakanik jukichu ainaji, Wakaní Pegkeji Apajuinumiaya nunú jukiu ainaji, Apajuí wait anenjamag ashí amasbau aina nuna dekaati tujamu asamtai,

(Primera carta de San Pablo a los Corintios) 3:12

Makichik aents nunú shugku ajigbauwa nui ekenag jegamak oroi, jiju plata tutaiyai, kaya pegkejuch aidauwai, numiikesh, tagkanaikesh, dukaikesh jegaamainai;

(Primera carta de San Pablo a los Corintios) 3:21

Nuadui makichik aentskesh, tikich aentsun pachisag emematmaitsui, wagki, jujú aidauk ashí atumdau ainawai:

(Primera carta de San Pablo a los Corintios) 3:5

¿Pablosh wajimpaita, Apolosh wajimpaita? Jutiik ayatak Apajuí takajin ainaji, nunin asá jutii chicham etsegbau antukjum, dekaskeapi tiu ainagme; duka Apu Jesús makí makichik dutikata tujabauwa dutiksaik takasaju ainaji.

(Apocalipsis) 1:11

nuniai chichaak: “Witjai nagkamtinish tuke pujusunuk wikitjai atakea duish tuke pujutnunuk. Agagta makichik papinum ame wainam nunú, dutikam siete iglesia aidau Asia nugkanum batsata nu awetita: Éfeso, Esmirna, Pérgamo, Tiatira, Sardis, Filadelfia, nuigtú Laodicea” tujutmayi.

(Apocalipsis) 1:17

Imanun wainkan, ni wajamunum ayaumsan tuke jakaujai betek iyagbaijai, nuniai ni uwejí untsujin achijak: Ishamkaipa Witjai nagkamtinish tuke pujusunuk, ajumaish tuke pujutnunuk;

(Apocalipsis) 1:8

Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 10:6

nunik, ajumaish tuke pujutin, nayaimpin ashí wají aidau nui ayá nunash, nugkanash ashí wají aidau nui ayá nujai, nayantsanash ashí wají nui ayá nujai najankauwa nuna daajin adaiyak: “Yamaik tsawantak jegae,

(Apocalipsis) 16:17

Nuniai ángel sieteya ju copanum aimkamua nuna dasenum ukagmayi, dutikamtai jega Apajuí ememattainum ekeemtai nayaimpinum awa nuiya, senchi untsumak: Ashimdaekae, timayi.

(Apocalipsis) 22:13

Witjai nagkamtinish tuke pujusunuk ajubaish tuke pujutnunuk, nagkamnamunmash nuigtú nagkatkamunmash wikitjai”, timayi.

(Apocalipsis) 22:17

Nuniai Wakan nuigtú, Uwijá nuwega nujai: “Minitá”, tuinawai. Ni antaushkam “Minitá”, titi. Ni kitamauk minití, ni wakegauk yumi pujutan sukagtina nuna anenjauch uwagti.

(Apocalipsis) 3:14

Agatjata ángel iglesia Laodicea awa nuna diina nunú: Junak ni tibaujinak betek umina nunú, waitjuchu dekaskea nuna etsejin, nuigtú nagkamchakush Apajuijai ashí najankauwa nunú chichaak:

(Apocalipsis) 7:17

Wagki Apajuí ekeemtaiji ejapen awa nui Uwig, wajá nunú kuitamkagtatui, dutikak yumi pukuni jiinu pujuta sukagtina nuna amitnai, nuigtushkam Apajuí ashí negaiki aina nunak ujugtuktatui, tujutmayi.