(Apocalipsis) 21:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Nuniau asa ashí ditá negaikinak ujugtuktinai. Nuigtush atsutnai jaamu, buutbau, waitiaku untsubau, najaimamushkam, wagki nagkamchak wají aajakajua duka atsusaju asagmatai”, timayi.

(Apocalipsis) 21:4 Iomraidhean Croise

(Isaías) 35:10

Tuke Pujuu uwemtikjamu aidauk shiig aneas kantamkiag Jerusalén utsanawagtinai. Nunikag tuké shiig aneasag batsamsagtinai. Ditaig ima shiig aneamua duke atinai. Nuadui wake besemjak atsutnai, tuja najaimamushkam atsutnai.

(Isaías) 60:20

Witjai Tuke Pujuu atumi Apajuíjinuk. Nuadui etsag makichkish akaikig megkaekashtinai, tuja nantushkam etsanbaujinak kajinkashtinai. Wi ajumaish atumi tsaaptinjum tuke atinaitjai. Nuadui atum wake besemag pujamuk atsugtamiagtinai.

(Isaías) 61:3

Israel aents aidau dita shiwaaji depeteam buutu batsata nuna shiig aneastinme, tuja yukuun ukatmama batsata nuna dakunkut anentain susati tusa awetine. Tuja wi agkanmitkamu asag, numi roble Apajuí ajakbau pejkejush amain aina iman asagmatai, tikich aidau chichajuinak: ‘Roble katsujam tegamainchau’ tiagtinai.

(Jeremías) 31:12

Dutika Apajuí yaigbau asag, Israel aents aidauk Jerusalén kaunawag shiig aneenak kantamiagtinai. Untsu Tuke Pujuu ditan yayaak: Trigo, vino, aceite, uwig aidau, baka aidau susamun nuna maawag shiig aneas yuwawagtinai. Tuja ditak ajak ajakbau yumi ukattai asa, pegkegchiama iman agtinai. Ditak atakesh depeteamak achagtinai.

(Jeremías) 31:13

Tuja nuwa muntsujut aidau, aishmag datsa aidau, múuntuch aidau aatus shiig aneasag nantsebiagtinai. Wi dita anentainak ichichtugtinaitjai, dutikakun wake besemag batsatunak yapagtuan dakujamun susagtinaitjai. Tuja dita najaimainak waituina nuna nagkaesau shiig anemtiksagtinaitjai.

(Oseas) 13:14

Nunin ainayatkujum Apajuí uwemtijamjati tusajum dakagjume. ¡Wika atumnak jatanmak uwemtikjashtatjime! Nuadui: ‘¿Jaka megkaetaish tuwi awa? ¡Amina senchigmejai juwi taam juju aents aidau ijinata!’ tusan untsuajai.

(Evangelio según San Mateo) 24:35

Nayaimpik nugkajaig megkaejatnai, tujash mina chichamjuk umintsukek juwakchatnai.

(Primera carta de San Pablo a los Corintios) 15:26

Inagnamunum shiwag depetkamu atina duka, jata nuuwai.

(Primera carta de San Pablo a los Corintios) 7:31

Aents ju nugka juiya wají aina nujai shiig aneas pujuidaush nu aina nujaig shiig aneas pujachua nunis pujustinme; wagki ju nugkanmaya wainainag duka megkaetanum au asamtai.

(Segunda carta de San Pablo a los Corintios) 5:17

Nuadui aents Cristun nemajuidauk duik pujutinak idaiyinak, yamajam pujutan jukiaju asag, dekas yamajam aents ainawai.

(Segunda carta de San Pablo a los Corintios) 6:17

Nuadui Apu Apajuí: “Tupanjatajum pegkegchaun takaina duka, nuniakjum kanaktajum pegkegchau aina duka takasaigpajum, nunikagmin wi atumnak jukitjime.

(Carta a los Hebreos) 12:27

Ju chicham “ataktú” tibauwa dui, ashí tuke achatin najankamu aina juka, tuke atina nujaimpap yapajiam atinaita tusa dekainaji.

(Segunda carta de San Pedro) 3:10

Tujash Apu Jesús minamuk kasa pachiachbau kashi miniyama numamtuk atinai; nu tsawantinig nayaim aidauk shiig ishamainun kedegtuk megkaegainai, nui ayá dushakam esakag yuku waigkagtinai, antsag nugkashkam ashí nui takasbau ayá dushakam esakagtinai.

(Primera carta de San Juan) 2:17

Ju nugka juka, nuigtú wakejumain aina dusha megkaejattawai; tujash Apajuí wakegamun takaina duka, tuke pujutin ainawai.

(Apocalipsis) 20:13

Nayants jakeku aidaush nantajagmayi, jataiya dushakam nuigtú Hadeschakam jakau niiní aidaunak susabi. Dutikawagmatai makí makichik dita takasbaujin diijus akanmayi.

(Apocalipsis) 20:14

Jata nunak, nuigtú Hadesjai kucha jiiya nui ajugmayi. Nuuwai Apajuijai tuke kanaaku kanaamu atina duka.

(Apocalipsis) 21:1

Wainkabiajai nayaim yamagman, nugka yamagmajai; wagki dekatkau najankamu nayaim, nugka, nayants aina duka atsusagmayi.

(Apocalipsis) 22:3

Nuigtushkam awig makichkish pegkegchau chichagdaiyamuk atsutnai. Apajuí ekeemtaiji nuigtush Uwijá ekeemtaijiya dushakam nu yaaktanum atinai, nunin asamtai niina inake aidaushkam niinak emematiagtinai.

(Apocalipsis) 7:17

Wagki Apajuí ekeemtaiji ejapen awa nui Uwig, wajá nunú kuitamkagtatui, dutikak yumi pukuni jiinu pujuta sukagtina nuna amitnai, nuigtushkam Apajuí ashí negaiki aina nunak ujugtuktatui, tujutmayi.