(Apocalipsis) 20:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Shiig aneasagtinai dekatkau nantamu atina dui nantakiu aidauk, ditak Apajuí aentsji pegkejam wajasú asag. Nunú aidauk ataktú jaamu atina nuig waittsachagtinai, ayatak Apajuí, Cristo sacerdoteji waigkagtinai nunikag mil mijadai inamjagtin ainawai.

(Apocalipsis) 20:6 Iomraidhean Croise

(Isaías) 61:6

“Tuja atumnak ‘Sacerdote aidau, Tuke Pujuun takajin’ tujamiagtinai. Atumek yutai tikich nugkanmaya aidau shiig pegkeg yutinaitjume. Tuja nugkutai aidaushkam pegkeg iwajamu aidau tikich nugkanmaya iwagmamtinaitjume.

(Evangelio según San Lucas) 14:15

Nu tabaun antuk, Jesusjai mesanum pekaja nuiya makichik chichaak: —Shiijap aneastin ainawa Apajuí inamtaijin yutai shiig umikbaun yuawagtin aina duka, tau.

(Carta de San Pablo a los Romanos) 12:1

Nuadui mina yatsug aidauwah, Apajuí wait anenjamjau asamtai, atumi iyashmia duka iwaku ofrenda pegkejam Apajuinash shiig awagmamaina nunú Apajuí susatajum tusan segajime. Nuuwai dekaskenum Apajuí emematkujum dutikmainaitjum duka.

(Carta de San Pablo a los Romanos) 8:17

Apajuí uchijí asaja, Apajuí ii jukitnun anagtabauwa dushakam jukitnaitji Cristo jukitna nunisaik; dekaskenum Cristo waittsauwa nunisaik waittsajaik, niina imanjiya nuwish niijai pujutnaitji.

(Segunda carta de San Pablo a Timoteo) 2:12

Waittsau ainakuik, niijai inamjatnaitji. Ni dakitjau akuik, dutiksaik dakitam atinaitji.

(Primera carta de San Pedro) 2:5

Atumshakam nunisjumek kaya numamtin iwaku ainagme, nunin asagmin wakannumag Apajuí ememattai jega jegamkamu pegkegma iman etamjume, Jesucristo jutiiní mantamna iina tudauji utsanjamkau asamtai Apajuí shiig awagma dutiksaik iina wakaní susata tabaunum.

(Primera carta de San Pedro) 2:9

Tujash atumek Apajuí niina aentsji atinun etegkauwa nu weantu ainagme, sacerdote rey takajin, Apajuí aentsji pegkejam, Apajuí sumaka jukimu. Jutiinak pegkegchau takainaku suwenum batsatjin tsaaptin dekas imana nuna amasui, Apajuí takasbauji shiig pegkeja nuna etsegkatnume tujamu asa.

(Apocalipsis) 1:6

dutijabau asa jutiinash rey aidau etamak nuigtú Apajuí niina Apajiya nuna sacerdoteji aidau etamkajui; nuadui imá nigki ashí senchigtina nunú, ajumaish tuke ememattai atí. Aatus atí.

(Apocalipsis) 14:13

Antukbaijai makichik chichaman nayaimpinmaya tujuttatman: “Agagta: Shiig aneasagtatui yamai nagkamas Apu Jesusjai ijutkau pujus jaina duka”. Tutai, Wakaní Pegkeji chichaak: “Ehé, dita takaak waituina nunak ayamsagtatui, wagki ashí dita takasbaunum akiam agtata dui, timayi”.

(Apocalipsis) 2:11

Antutaiji ajamuk, antukti, Wakan iglesia aidaun: Depetmakua duka jiinum pujusag waittsashtinai, tawa nuna antuktinme.

(Apocalipsis) 20:14

Jata nunak, nuigtú Hadesjai kucha jiiya nui ajugmayi. Nuuwai Apajuijai tuke kanaaku kanaamu atina duka.

(Apocalipsis) 21:8

Tujash sapig aidau, dekaskeapi tuchau, kajegkagtin, magkagtin, tsanijimtan wekaetin, wawejatin aidau, apajuijimtain emematin, nuigtú ashí wait aidaujai kucha jii azufrejai pachimjamu kee awa nui chimpimawagtinai, Apajuijai tuke kanaaku kanaamu atina nui”, timayi.

(Apocalipsis) 22:5

Nu yaaktanmag kashik atsutnai. Lámpara ekemaktasaikish atsumnashtinai, aantsag etsashkam atsumnashtinai, wagki Apu Apajuí tsaaptin emau asamtai, nunikmatai nui batsamas tuke inamá batsamtinai.

(Apocalipsis) 22:7

“¡Waamak minittajai! Shiig aneastinai jujú papinum chicham tibauwa nuna umia duka”, tawai.

(Apocalipsis) 3:21

Depetmakunak, mina inamtaijui ekentsatnaitjai, wi depetmaku asan mina Apajú ekeemsa inamtaijin eketag dutiksanuk.

(Apocalipsis) 5:10

nuigtushkam ditak rey aidau, sacerdote aidau emakume, Apajuin takagsatnume tusam, dutikamu asag nugkanum inamjagtatui”, wajagmayi.