(Apocalipsis) 20:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ Nunuwai dekatkau nantajú aidauk, tujash tikich jakau aidauk nantakchagmayi mil mijan jegamtai nantajagtin asag.

(Apocalipsis) 20:5 Iomraidhean Croise

(Evangelio según San Lucas) 14:14

nuniakmek shiig aneastinaitme, wagki ditak akigmamainchau asagmatai, tujash aents pegkejan takasú aidau nantajagtina dui akiam atinaitme.

(Carta de San Pablo a los Romanos) 11:15

Dutika judío aidau idaisamua dui ashí aents aidau Apajuijai epegtuniawaju ainawai. Aikasag mina pataag aidaun Apajuí ataktú niina aentsji emaktina duik jakau ataktú nantamaina numamtuk awajkatnai.

(Carta de San Pablo a los Filipenses) 3:11

jakau aidau nantainakui wisha nantakmig tau asan.

(Primera carta de San Pablo a los Tesalonicenses) 4:16

Apu Jesús nayaimpinmaya minak senchi untsumak akaikitnai, ángel aidau apujishkam arcángel untsumkatnai, Apajuí trompetajinash senchi umpuagtinai, nunitai Cristui dekaskeapi tuidau jinau aidauwá nantajagtinai.

(Apocalipsis) 11:11

Tujash kampatum tsawan nuigtú jimaituk nagkaemai, Apajuí mayai awetim ditai egkemtujam nantakí wajantagmayi, nunikagmatai nuna wainkaju aidauk shiig senchi ishamkagmayi.

(Apocalipsis) 11:15

Siete angela ju trompeta umpuagmatai, nayaimpinmaya senchi pampajagmayi, nuninak: “Ashí nugkanmaya inamaina duka yamaik iina Apajuijinu nuigtú Cristunu wajasé. Nigki ajumaish tuke inamin atinai”, wajagmayi.