(Apocalipsis) 2:26 - Awajún: Apajuí chichame pegkejam Porciones del Antiguo Testamento y el Nuevo Testamento

²⁶ Depetmakunak, nuigtush wi wakegamugnak takai takainakua nagkanbaunum jegaunak, wi ashí nugkanmaya aidaun apuji emaktatjai,

(Apocalipsis) 2:26 Iomraidhean Croise

(Salmos) 2:8

Ame wakegamu segatta, Wi nunak imatiksanuk ashí nugkanmaya aents aidaun amastatjame aminu atinun.

(Salmos) 2:9

Ichinak najanamu shigki basegbauwai awati tsaimaina numamtuk, apu pegkegchau aina duka ame tsaika utsagtatme”, tujutmae.

(Daniel) 7:18

Tujash nunú nagkaemakmatai, Apajuí aents aidaun etegkauwa nunú atakea duish tuke inamjatnai’, tusa ujatkabi.

(Daniel) 7:22

Imatika pujujai nunú múun taabi, nunik Apajuí ashí senchigtinu aentsji aidaun ayamjuk agkanmitkabi. Nunak Apajuí ashí senchigtinun aentsji aidau apu wajasag inamjagtin tsawan jegau asamtai nunak dutikatnai.

(Daniel) 7:27

Nunikmatai Apajuí ashí senchigtina nuna aentsji aidau apu wajasag nugkanmaya apu aidaunak ashí inagtinai. Dutikamtai dita aidau niina chichamen umijuinak emematiagtinai. Tuja nii inabaujig atakea duish tuke atinai.’

(Evangelio según San Mateo) 10:22

Ashí aents aidau kajegtabiagtinai mina daag pachisjum chichaidau asagmin; tujash ni ebetmamag nagkanbaunum jegaa nu uwemjagtinai.

(Evangelio según San Mateo) 19:28

Tutai Jesús ayaak: —Dekas tajime, ashí najankamu aidau yamagmitkamu jegatna nunú tsawantin, Aentsmaga akiinauwa nu ni ekeemsa inamtaiji imana nui ekeemsamtai, atum mina nemagtuku aidautigmek doce ekeemtainum ekeemsajum, Israelan uchijí doce aajakajua nunú weantu inagtin ainagme.

(Evangelio según San Mateo) 24:13

Tujash ni ebetmamag pujusá nagkanbaunum jegaa nu uwemjatnai.

(Evangelio según San Juan) 6:29

Tiagtai Jesús ayaak: —Juuwai Apajuí wakega duka, ni awemamua nuna dekaskeapi titinme tawa nuuwai.

(Carta de San Pablo a los Romanos) 2:7

Pujut tuke atina nunak, ya aidauwa Apajuí imana nuna egak, eme anentsá diyam, jachau amig tusag pegkegnak takainak kakanmamsaje nuna susatnai;

(Carta de San Pablo a los Romanos) 8:37

Tujash ashí nunú aidaunmag Jesucristo anempak dutikauwa dui ashí depetmamu ajutjamui.

(Primera carta de San Pablo a los Tesalonicenses) 3:5

Nuadui katsunmainchau dekapeau asan, awemabiajai atum dekaskeapi tajum nuna dekaati tusan, pegkegchaunum dekapkagtina nu pegkegchaun takamtiksachajeash tusan, nunikmatai ii takasbauwa nu wainak juakai tabaunum.

(Carta a los Hebreos) 3:6

Untsu Cristuk Apajuí Uchijí betek umina ibau asa, jutii Apajuí jee ainag nuwi pujus yaimpaji. Jutii uwemjatnapitja tusa wakesa dakainag nuig ebetmamja pujuinakuik niina aentsji ainaji.

(Carta de San Santiago) 2:20

Anentainkachuh, ¿dekatsmek dekaskeapi tabauwa nu takaamu atsakug wainkaya duka?

(Primera carta de San Juan) 2:19

Duka jutii ainag juiyag jiinjaje, tujash dekaskenmag jutiinumia aajakchajui, wagki jutiinumia aajakuitkug jutiijai batsamain ainawai, tujash jiinjaje jutiijaichu aina nuna iwainmamkata tuidau asag.

(Primera carta de San Juan) 3:23

Jujuwai ni chicham umiktajum tibauwa duka: Niina Uchijí Jesucristo daajiya nui dekaskeapi tuinaku, nuigtú pempeentunisaik aneenimaina nu, ni tujabauwa nunisaik.

(Primera carta de San Juan) 5:5

¿Yaita nugkanmaya pegkegchaun depetea dusha? Duka Jesusak Apajuí Uchijiyai tusa dekaskeapi tuina nuuwai.

(Apocalipsis) 2:11

Antutaiji ajamuk, antukti, Wakan iglesia aidaun: Depetmakua duka jiinum pujusag waittsashtinai, tawa nuna antuktinme.

(Apocalipsis) 2:17

Ni antutaiji ajamuk antukti, Wakan iglesia aidaun tawa nuna: Depetmakunak maná uukbauwa nuna susatnaitjai yuwati tusan, nuigtush kayauch pujuchin yamajam daa agagbaun susatnaitjai, nunak makichkish dekainatsui imá jukiuwa duke dekaatnai.

(Apocalipsis) 2:7

Ni antutaiji ajamuk antukti, Wakan iglesia aidaun tawa nuna. Depetmakunak Apajuí pujutai paraíso ejapen numi pujutan sukagtin wajá nuna nejeen susattajai yuwati tusan.

(Apocalipsis) 20:4

Nuigtú wainkabiajai ekeemtai aidaun, nui pekabiagmayi inamjatnume tusa senchi susamu aidau, nuigtushkam wainkabiajai Jesusan pachis nuigtú Apajuí chichamen etsejiagtai tsupika maamu aidau wakanin; bestianash emematchaju aidau, niime dakumkamunakesh, nuigtú nijayinish, uwejinish marca jukichaju aidau nantajag, Cristujai mil mijan inamjagtinuyi.

(Apocalipsis) 21:7

Depetmakunak ashí wají aina nuna susatnaitjai, nunikan wi ditá Apajuiji atatjai, tuja dita mina uchig agtatui.

(Apocalipsis) 22:5

Nu yaaktanmag kashik atsutnai. Lámpara ekemaktasaikish atsumnashtinai, aantsag etsashkam atsumnashtinai, wagki Apu Apajuí tsaaptin emau asamtai, nunikmatai nui batsamas tuke inamá batsamtinai.

(Apocalipsis) 3:12

Depetmakunak wi, jega mina Apag ememattaiya nui awayattajai, dutikamu asa nuig tuke pujutnai; dutikan mina Apajuiju daajin, nuigtush mina Apajuiju yaaktaji yamajam Jerusalegka nuna daajin, mina Apajuig nayaimpinum puja nuiya akaikitna nuna, nuigtú mina daag yamagma nunashkam niiní agagtinaitjai.

(Apocalipsis) 3:21

Depetmakunak, mina inamtaijui ekentsatnaitjai, wi depetmaku asan mina Apajú ekeemsa inamtaijin eketag dutiksanuk.

(Apocalipsis) 3:5

Pegkegchau takatan depetkauwa duka jaanch puju anugkuam atinai, nuigtush pujutá jukiu daaji papinum agattaiya nui, daaji agatjamunash tuke esakagchatnaitjai, ayatak mina Apajú emtin nuigtú ángel aidau antuinamunum juka midauwai, titinaitjai.