(Apocalipsis) 19:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nuigtushkam antukbaijai kuashat ijunag chichainak wajukmaina imatak, yumi uutama imatak, shiig senchi ipamat kedegtak wajukea imatuinak: “¡Yajautsui! Wagki iina Apuji Apajuí ashí senchigtina nunú inabaun nagkamae,

(Apocalipsis) 19:6 Iomraidhean Croise

(Job) 40:9

¿Amekaitam mina nagkaetasu ima senchigtinum? ¿Ame chichamugmish wi chichamu chaagpijai beteka ibaukai?

(Salmos) 47:2

Wagki Tuke Pujuuwai ishamtai múun, ashí nugka apujiya duka.

(Salmos) 47:7

Apajuíyai ashí nugkanmaya aidaun apuji, nuadui shiig aneasjum kantamjuatajum.

(Salmos) 93:1

¡Tuke Pujuuwai dekas apua duka! Tuke Pujuuk etsantug tsaaptin wajas eketui, niyai ashí senchigtina duka, tuja nugka buchitkai tusashkam kuitamui.

(Isaías) 52:7

Aents mujanmaya akaiki wekagas yamajam chichaman agkanmaetan uwemtajai pachis etsejak wekagas, Jerusalégnumia aents aidaun chichajak: “Atumin Apajuíjiyai dekas apuk”, tusa etseja duka shiig anentam auwai.

(Ezequiel) 1:24

Tuja nanamiagtaik, nanape aina duka namak senchi dujajua uutama imatmayi, Apajuí ashí senchigtina nunú chichamus imatatai tumain, suntag kuashat ijunag pampaumaina imatmayi. Tuja nanaak wegau iyainiagtaik, nanape aina duka nugkaan nemag amayi.

(Evangelio según San Mateo) 6:13

Pegkegchaun takastinme tusamek idaikagtutsuk, ayatak yaijatkam agkanmitkagtuata’, tiuwai.

(Apocalipsis) 1:15

nawe aidaushkam bronce hornonum egkeam dewa wegama imanun etsanmayi, chichameshkam tuna uutama imatmayi.

(Apocalipsis) 1:8

Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 12:10

Dutikamtai nayaimpinum senchi pampaidaun antukmaijai: “Yamaik tsawan uwemat jegae, iina Apajuiji niina senchijijai inamjatta nunú, niina Uchijí Cristo inamjatta dushakam; wagki iina yachi aidaun tsawai kashijai iina Apajuiji eemtin tsanumjú wekaenuwe duka jiikí ajapamu asamtai.

(Apocalipsis) 14:2

Nuniamunum nayaimpinmayan antukbaijai, yumi senchi uutama imatak, senchi chaajip wajukeama imatun, nuigtú pampamua dushakam arpa awatin aidau awatbau wajukea imatmayi.

(Apocalipsis) 19:1

Nunú nagkaemakmatai nayaimpinum kuashat ijunjag senchi pampainamun antukbaijai, nuninak: “¡Yajautsui! Uwemat, senchi, eme anentut, nuigtú emematut aina duka, imá iina Apuji Apajuiya nudauke,

(Apocalipsis) 19:4

Timatai veinticuatro anciano aidau cuatro iwaaku aidaujai, Apajuí niina ekeemtaijin eketun tikishmatjag tsuntsumawag nijayin nugkan antig pujusag emematuinak: “¡Yajautsui! Aatus atí”, tiagmayi.

(Apocalipsis) 21:22

Nuanuig jega Apajuí ememattainak wainkachbaijai, wagki ditá jee Apajuí ememattaiya duka, Apu Apajuí ashí senchigtina nuna Uwigjai emematuidau asagmatai.

(Apocalipsis) 4:5

Nunú ekeemtai ejapen awa nuiya peem aidau, chaajip aidau, chichamushkam jiiniagmayi, nuigtú ekeemtai eemtin siete jii ekemagbau amayi, duka siete Wakan Apajuinu aina nuuwayi.

(Apocalipsis) 6:1

Wainkabiajai siete sello aina nuiyan Uwig makichik ujattaman, nuigtush antukbaijai cuatro iwaaku aina nuiya makichik ipamat wajukeama imatuk: “¡Tantá diistá!”, tujutun.

(Apocalipsis) 8:5

Nuniai ángel incienso apetain jukibi, dutika altarnum jii kegá nuna juki aimak nagkimá nugká ajuagmayi; dutikam ipamat, pampaamu aidau, chaajip, nugkashkam uugmayi.