(Apocalipsis) 19:2 - Awajún: Apajuí chichame pegkejam Porciones del Antiguo Testamento y el Nuevo Testamento

² wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Apocalipsis) 19:2 Iomraidhean Croise

(Salmos) 19:9

Tuke Pujuu puyatjusa umigbauwa duka shiig pegkejai, tuja nii chichamega dusha tuke megkaekashtinai. Tuke Pujuun chichame umiktina duka waitchauwai, dekaskenum ashí pegkejai.

(Daniel) 7:26

Tujash nunú apua duka apu chichaman inagdau aidau utugchatjin ejetim suwimkan jukitnai, nunik ajumaish apu achatnun tuke megkaekatnai.

(Deuteronomio) 32:35

Witjai suwimka sukagtinnuk, nuniau asan tsawan jegakui, wi suwimkanak susatnaitjai, wagki nii waittsatna duka tsawantak jegawai. Tuja nii suwimak jukitnuji umigkamua duka tsawantak uminui”, tiuwai Apajuí.

(Deuteronomio) 32:4

Niyai iina kuitamjamnuk. Nii takamujiya duka betek uminnai. Niig Apajuí dekaskenum chichauwai. Niig pegkegchaunak takachui. ¡Niig pegkegmai, tuja nuigtush waitjuchui!

(Deuteronomio) 32:43

“Nuadui ashí tikich aents judíochu aidautigmesh Apajuí aentsji aina nujai ijunjajum dakujustajum. Apajuí niina takajin aidau ijituamunum atumi shiwaajum aidaunak ijinattawai. Dutikak niina aentsji aidaunak wait anentug ditá tudaujinak tsagkujattawai”, tiuwai.

(Apocalipsis) 15:3

Nunú aidau, Moisés Apajuí inake aajakú kantamamua nuna kantabiagmayi nuigtú Uwijá kantamtaijiya nujai, nuninak: “Shiig muuntai, anentai jegagmaitsui, ashí ame takasbau aina duka. Apu Apajuí Ashí senchigtinuh; ame takasbau aina duka pegkejai, dekaskenum aikame, amek ashí nugkanmaya aina nuna reyjiyaitme.

(Apocalipsis) 18:20

“Nayaim batsatutigmesh, Apajuí aentsji pegkejam aidautijum, apóstol aidautigmesh, nuigtú profeta aidautigmeshkam ju nuwa imania jujú diisjum shiig aneastajum. Wagki Apajuí atumin iikmatjamak suwimkan suwak imatikau asamtai”, timayi.

(Apocalipsis) 18:3

Wagki ashí nugkanmaya aidauk vino nuwa pegkegchau takaamua nunak uwajaje; nuigtush rey nugkanmaya aidaush nu nuwajai takanisaje, wají sujin nugkanmaya aidaushkam nunú nuwa senchi wakejamujiya nuna suwinak wiyakchameawaje”, timayi.

(Apocalipsis) 6:10

Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi.