(Apocalipsis) 19:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Nuna jii aidauk, jii kegak wajukeama imanibi, buukenish kuashat atsejutaiji ajibi; nuigtush daaji agatjamush ajibi, tujash nunak imá nigki dekabi.

(Apocalipsis) 19:12 Iomraidhean Croise

(Génesis) 32:29

Tusa timatai Jacob niina iniak: “¿Amina daagmesh yaita?” tau. Tusa iniam nunú aents ayaak: “¿Wagka mina daag dekaatasamesh wakegame?” tau. Aatus tusa nunú aents Jacopan pegkegnum yumigjauwai.

(Salmos) 8:5

Aentsuk ángelchawashit tumain najanauwaitme. Nuadui apu kuitamaina imatiksam kuitamam duka dutikame.

(Isaías) 9:6

Wagki iinak makichik uchi akiintugmae, Apajuí iinak makichik uchin amase. Nunú uchia nunuwai apu ati tusa etegkamua duka. Nuadui niina daaji aidauk: ‘Shiig chichagkagtin’, ‘Apajuí senchigtin’, ‘Apajuí tuke Pujuu’, ‘Agkan pujutan apuji’ tutai atinai.

(Zacarías) 9:16

Nunú tsawan jegakuig, mina aentsug aidaunak, uwija kuitamin uwigjin ayamjina numamtuk wi ayamjukan uwemtikjatnaitjai, dutika ai dita nugken waketug batsamsag kaya pegkeg winchamtin juki atsejutai najanamu winchantuwama iman agtinai.

(Evangelio según San Mateo) 11:27

“Mina Apag ashí wají aina nunak mina idaitugsauwai. Makichkish wainainatsui Uchijinak, nunak Apajig wainui; antsag makichkish Apagnak wainuk atsawai, nunak Uchijig wainui, nunak Uchijiya nu iwaintam dekamain ainawai”.

(Evangelio según San Mateo) 21:5

“Yaakat Jerusalén batsamin aina nu titajum: ‘Diistá amina Reyjum minitjamui, imanchauch wajasá, burronum ekemi, burro tsakat, kuntin kijin takamtiktaiya nuna uchijin’ ”, tawai.

(Evangelio según San Mateo) 28:18

Jesús ditá jegantun chichajak: “Ashí nayaimpinmaya aidau, nugkanmaya aidaushkam ame diistá” tusa mina Apag sujusé,

(Evangelio según San Lucas) 10:22

“Mina Apag ashí wají aina nunak mina idaitugsauwai. Makichkish dekajuinatsui Apajuí Uchijiyaitag nunak, imá mina Apajuk shiig dekajui, aikasag mina Apagnash dekainatsui, imá wiki shiig wainjai. Tuja Uchijiya nu iwaintamu dekamain ainawai”.

(Evangelio según San Juan) 17:11

Wika aminí midau asan juig pujushtatjai, tujash jujú aidauk nugká juwainawai. Apawa pegkegmah, amina senchigmin kuitamkata ame sujusbau aina duka, ii makichik duke anentaimkag nunisag ditashkam anentaimtinme.

(Evangelio según San Juan) 17:12

Wi ditajai pujaknuk, ame senchijum sujusbauwa dui ditanak kuitamnujai, dutikamu asa dita aina nuiyag makichkikesh megkaekache, nuninaitak aatus megkaekati tibauwa nu megkaekae, yaunchuk chicham agagbauwa nu uminu asamtai.

(Carta de San Pablo a los Efesios) 1:21

ashí wakan senchigtin aina nuna nagkaesau ema, inamin aidau, nugkaya apu aina nunash nagkaesau senchimtikauwai, yamaiya juish atak atina duishkam,

(Carta a los Hebreos) 2:9

Tujash Jesús ujumak tsawantai ángel aina nuní imanchauch emamuitak, ni waittsa jakamunum eme anentsá diitai wajasua duka wainji. Nunak Apajuí jutiin wait anenjamu asa, ashí aents aidaunum waitus jakati tima nunikui.

(Apocalipsis) 1:14

Intashishkam uwija uje shiig pujua imanuyi, nieveya iman, jiishkam jii kegak wajukea imanibi;

(Apocalipsis) 12:3

Nuigtushkam nayaimpinum tikich wantinkabi: makichik dragón muun kapantaku, ajibi siete buuké aidau, nuigtú diez kachují aidau, makí makichik buuké aina nuig corona ajiagmayi,

(Apocalipsis) 13:1

Wainkabiajai makichik bestia siete buuké aidau ajamun, nuigtú diez kachují aidau ajamu nayantsanmaya jiintatman; kachují aina nuig corona ajiagmayi, untsu buuké aina nuig daaji, Apajuí pegkegchau chichajin tabau agatkamuyi.

(Apocalipsis) 19:16

Ni nugkuagbaujinish, niina bakuinish: “REY ASHÍ REY AINA NUNA NAGKAESAU NUIGTUSHKAM APU ASHÍ APU AIDAUNASH NAGKAESAU”, tabau agatkamuyi.

(Apocalipsis) 3:12

Depetmakunak wi, jega mina Apag ememattaiya nui awayattajai, dutikamu asa nuig tuke pujutnai; dutikan mina Apajuiju daajin, nuigtush mina Apajuiju yaaktaji yamajam Jerusalegka nuna daajin, mina Apajuig nayaimpinum puja nuiya akaikitna nuna, nuigtú mina daag yamagma nunashkam niiní agagtinaitjai.

(Apocalipsis) 6:2

Takui diikman makichik caballo pujun wainkabiajai; nui entsatka duka makichik nagkí takakuyi, nuigtush corona susamuyi, nigka depetmaku asa ataktush depetmaktatus jiinkibi.

(Jueces) 13:18

Tutai Apajuí ángeljai betek wantinkauwa nunú niina ayaak: “¿Wagka mina daajush dekatasamesh wakegame? Mina daajuk shiig pegkeja ibau asa kakajus dekamaitsui. Nuadui uukbaujai betekai”, tiuwai.