(Apocalipsis) 18:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ nuigtú canela, kugkuin aidau, incienso, mirra, olíbano, vino, aceite, harina dekas pegkeg aidau, trigo, bestia aidau, uwig aidau, caballo carro japitai aidau, nuigtú inatai aidau, aents aidaushkam, aajakajui.

(Apocalipsis) 18:13 Iomraidhean Croise

(Amós) 2:6

Tuke Pujuu chichaak: “Israel aents aina duka ayatak pegkegchauk ainawai. Iman asagmatai, makichkish tsagkujachagtatjai. Dita aidauk aents ujudauch aidaun, tikichi inake atinun kuichkin juwinak sujuinawai, dutikaidau asag sapatjaiyaske yapajinawai.

(Segunda carta de San Pedro) 2:3

Kuashat kuichik ajuttí tabaunum waitá jintinak jujutjabiagtinai; tujash dita bakumatna duka yaunchuk nagkamas umigkamui, dutikamu asamtai dita megkaekatna duka dakas ajawai.

(Isaías) 50:1

Nuigtushkam Tuke Pujuu chichaak: “Israel aents aidauwah, wika atumin egaknush wainkachmaijime. Untsukmaijime, tujash aigkashmaijume. Wika atumnak pachitskek idaisachuitjime; tuja mina diwig akikmaktinun kuichkin jukitag tusankesh wainka inaku waitkatai atinme tusanuk sujukchabiajime. Wika atumi tudaugmin idaisabiajime. Tujash atum waitu batsatjum nuna jiiki uwemtikmainuk mina senchijuk ajutui. Aents patayi jakamtai, jáanch bukusean nugkuwama numamtuk nayaimpinak wi bukuseayai dukukan idaijai. Tuja nayants, nuigtu namak aina nunú kuyuatag takug wi nunikti tusan machikiuch tamawaitak kuyumainai. Nunik yumi buku wajasmatai, namak aidau jinaa kaukti tusa nunak nunimainai”, tiuwai.

(Deuteronomio) 24:7

“Makichik aents Israel aentskesh nii wegantunak pempeentuki achika juki, niina inaku waitkataiji ematatus, nuniachkush tikich nugkanum sujuktatus wekagu wainkugmek, duka maatajum. Dutikajum aents nuninun takau aidau atumjai batsata duka ijina emegkagtajum.

(Primera carta de San Pablo a Timoteo) 1:10

tsanijimtan wekaetin, mai aishmagkuk dutikdayin, aentsun kasamak sujin aidaun, wait aidau, dekas umiktatjai tusa tsanumin aidau, dekaskea nu jintiamun dakitin aina nudauwai,

(Amós) 8:6

¡Imatu asajum, trigok saepejai sujumain dekapeagme! Nunin asajum ujudauch aidauk inaku waitkatai ati tusajum kuichik piipich juwakjum sujuktag tajume, tuja nuigtush makichik sandaliayai yapajiatag tajume.

(Amós) 6:6

Atumek tsapa muunnum vino umakjum shiig senchi nampeagme, tuja dekas kugkuin pegkeg akik aina ibau nijamjume. ¡Nuniau asajum atumi yatsum aidau waituina duka pachiatsjume!

(Proverbios) 7:17

dutikan kugkuin pegkeg mirra, áloe, canela aidauwai ukatkamjai.

(1 Reyes) 10:25

Nunik shimuinak apu susatnun maki makichik juki wejaku ainawai. Nunak waji plata najanamu aidaun, oro najanamu aidaunashkam, jáanch aidaun, maaniaku jutai aidaun, kugkuin nijamtai aidaun, caballo aidaun, burro aidaun aatus sujaku ainawai.

(1 Reyes) 10:15

Tuja nuigtushkam Israel aents aidau nugken waji sujin aidaushkam Salomógkan akijaku ainawai. Arabia nugkanmaya aidaush, nugka yaig aidaun apuji aidaushkam, ashí akijaku ainawai.

(1 Reyes) 10:10

Nuna tusa, tres mil novecientos setenta kilo oron, nuigtu kugkuin nijamtai aidaun, kaya pegkejuch akik aidaun aatus shiig kuashat Salomógkan susauwai. Nunak yaunchuk nagkamsagkesh Israel aents aidaunmak imatikaik apu sujakchamun nunú nuwa imatika Salomógkan susauwai.

(Apocalipsis) 18:14

Nunin asamtai yaaktan chichajuinak: “¡Ame wají shiig wakejin aayum duka, yamaik atsugtamsae! Ashí wajiijum shiig pegkeg aidau ajutjamajakua duka tuke igkugchatnaitme”, awajiagmayi.

(Apocalipsis) 18:15

Nunú wajiin sujin aidauk, nuna suinak wiyakuch waigkú aina duka, nunú imanik waitiamun wainkag ishamainak ikaa ijuntsagtinai, nunik anentain idajuk buutuinak: