(Apocalipsis) 16:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ Nu ángel yumi dutikmain senchijí ajá nu chichaamun antukbaijai: “Apuh, amek pegkeg takauwaitme, iman asam juka jutikaume. Pegkegmah, tuke pujuu nuigtush tuke pujujakuitme,

(Apocalipsis) 16:5 Iomraidhean Croise

(Génesis) 18:25

¡Aents pegkegchaun takaschau aidauk, pegkegchau takasu aina nujai ijumjamek pegkegchaun takasua numamtukek ijinmaitsume! ¡Dekas wait aneasam dutikawaipa! Amek Apu chicham epegkin asam ashí nugkanmaya apu aina nuna Apujiyaitme, nuadui, ¿aents pegkegchaun takaschau aina duka ayamjukchattamek?” tiuwai.

(Salmos) 145:17

Tuke Pujuuk ashí nii anagkagtuamunak betek uminai, tuja nii najankamu aina nunak shiig anentawai.

(Daniel) 9:14

Nuadui Tuke Pujuuwah, ame suwimak sukagtusume, iina Apajuíjiyah, ame dutikamua duka shiig pegkejai, nunin aig jutii aidauti ame umijut dakituinaji.

(Evangelio según San Juan) 17:25

Apag pegkegmah, aents nugkanmaya amina umigtamainachuk dekagmainatsui; tujash wika aminak dekagme, ju aina jusha dekagmainawai ame mina awetiuwaitam nunak.

(Carta de San Pablo a los Romanos) 2:5

Tujash ame antushtaigmin, tudau takat idaikum pujutjum yapajishtaigmin suwimak aminu atinuk ikauntumame, tsawan jegatai Apajuí kajeká, aents takasbaujiya dutiksag suwimkan susatna nui aminush atina nu.

(Carta de San Pablo a los Romanos) 3:5

Jutii pegkegchau takaamuji, Apajuí pegkeg takaamujin nuní paan iwainaish, ¿wagka Apajuish suwimkanash sukagtumainaita, pegkegchau takaakug nunimainait? (Junak tikich aents aidau wajuk chichainawa nuna dutiksanuk tajai.)

(Apocalipsis) 1:4

Witjai Juagkaitjai, siete iglesia aidau Asia nugkanum awa nui batsatutigmin kumpamjime. Apajuí tuke pujuu, nuigtush tuke pujujakú, jui taatna nunú, nuigtú siete Wakan ni ekeemtaijin emtin awa nujai; wait anenjamag shiig agkan pujutan amastinme;

(Apocalipsis) 1:8

Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 11:17

nuninak: See tajame, Apu Apajuí ashí senchigtinuh, ametme tuke pujuu nuigtú tuke pujujakumek, iman asam amina senchigmijai inamjatasam nagkamaume.

(Apocalipsis) 16:4

Nuniai ángel kampatuma ju copanum aimkamua nuna, namak aidaunum, yumí pukuni jiintaiji aina nui ukagmayi, dutikam numpa wajasagmayi.

(Apocalipsis) 16:7

Nuigtush altar puja nuiya, chichaak: “Apu Apajuí ashí senchigtinuh, amina suimkajum aina juka pegkejai, dekas ainawai”, tabaun antukbaijai.

(Apocalipsis) 19:2

wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Apocalipsis) 4:8

Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.

(Apocalipsis) 6:10

Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi.