(Apocalipsis) 15:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ ¿Apuh yaki ishamjamkashti? ¿Yaki emematjamchati? Ameketme pegkegmamek. Iman asamin ashí nugkanmaya aidauk kautjamak emematjabiagtatui, wagki ame dekas dutikaum duka ashí wantinjau asamtai”, wajagmayi.

(Apocalipsis) 15:4 Iomraidhean Croise

(Salmos) 105:7

Niyai Tuke Pujuu, iina Apajuíjiya nunú; niyai ashí aents aina nuna apujig.

(Salmos) 22:23

¡Atum Israel aents aidautijum, Tuke Pujuu eme anentin aidautigmek, Niina senchiji anentaimtusjum ememattajum!

(Salmos) 22:27

Ashí aents tikich nugkanmaya ditash niimtin aidau, chichamnash tikich chichaman chichaaku aidauwah, Tuke Pujuu kajimatkigpajum. Niiyai jeganjum, ¡tikishmaja pujusjum ememattajum!

(Salmos) 22:3

Tujash ametme pegkegmamek, ametme apumek, iman asamin Israel wegantu aidau emematjamainawai.

(Isaías) 45:23

Wika dekas umiktinjun tumamjai, mina shiwag aina nunak ijinatnaitjai, duka dekas imanisag uminkatnai. Tuja mina emtijui aents aidauk tikishmag batsamsag emematjuinak: ‘Dekas ametme jutii Apajuíjimek’, tujutiagtin ainawai.

(Isaías) 6:3

Tuja dita chichainak: “Tuke Pujuu ashí senchigtina duka shiig pegkegmai, tuja niina imanjiya nunú ashí nugkan jajutua awai”, wajagmayi.

(Isaías) 60:5

Nunú imanik kaunainak, nayantsanmaya waji aidaun, tikich nugka múun aidaunmaya waji aidaun takuinaku mininakui shiig aneastinaitjume.

(Oseas) 3:5

Nunú nagkaemakmatai Israel aents aidauk awake anentaimjag Tuke Pujuuwai ataktu waketjagtinai. Nunikag nunú tsawan umintai, ataktu Tuke Pujuun eme anentus umijuinak, nii yaimpakti tusag segagtinai. Nuninak dita apuji Davitan ataktu egakagtinai.

(Habacuc) 1:12

“Israel aents aidaun Apajuíjiyah, amek pegkejam tuke pujuuwaitme; jinatnume tusamek idaikagtusaipa. Amek amina aentsjum aidau suwimak susam jintintuatag tusam, caldeo aents aidau ishitkaume.

(Malaquías) 1:11

“Ashí nugkanum mina eme anenjus diijuina duka, mina emematjuinak kugkuin incienson apeenak, dekas anentag pegkeg wisha wakemain aidaun itagtuinawai.

(Carta de San Pablo a los Romanos) 15:9

Nuigtushkam Cristuk tauwai, judiochu aidaush Apajuí wait anenjamu asag, ditash Apajuin ememattinme tusa; agagbaunum: “Nuadui Apajuiyah, wika judiochu aidaujai ijuntsan amina emematkun, daagmin pachisan kantamjuatjame”, tibauwa dui.

(Primera carta de San Pedro) 1:16

wagki agagbaunum: “Wi pegkejam asamtai, atumshakam pegkejam atajum”, tawa dui.

(Apocalipsis) 11:15

Siete angela ju trompeta umpuagmatai, nayaimpinmaya senchi pampajagmayi, nuninak: “Ashí nugkanmaya inamaina duka yamaik iina Apajuijinu nuigtú Cristunu wajasé. Nigki ajumaish tuke inamin atinai”, wajagmayi.

(Apocalipsis) 14:7

nuniak senchi untsumak: “Apajuí puyatjusjum ememattajum, wagki suwimak sukagtustina duka hora jegau asamtai; ememattajum nayaimpin, nugkan, nayantsan, yumi pukuni jiinaina nunash najankauwa nunú”, timayi.

(Apocalipsis) 16:5

Nu ángel yumi dutikmain senchijí ajá nu chichaamun antukbaijai: “Apuh, amek pegkeg takauwaitme, iman asam juka jutikaume. Pegkegmah, tuke pujuu nuigtush tuke pujujakuitme,

(Apocalipsis) 16:7

Nuigtush altar puja nuiya, chichaak: “Apu Apajuí ashí senchigtinuh, amina suimkajum aina juka pegkejai, dekas ainawai”, tabaun antukbaijai.

(Apocalipsis) 19:2

wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Apocalipsis) 19:8

nuniku asamtai lino dekas pegkejan tsuwatchau winchamtinun apegae, wagki lino pegkeja duka, Apajuinu pegkejam aidau pegkeg takasbauji aina nuna iwainawai”, wajaidaun.

(Apocalipsis) 3:7

Agatjata ángel iglesia Filadelfia awa nuna diina nunú: Junak Pegkejam, Dekaskea nunú, Davita llavejin takaka nu, ni ujaimtaig makichkish epenmainchau, nuigtú epenmataish makichkish ujamainchauwa nunú, tawai:

(Apocalipsis) 4:8

Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.

(Apocalipsis) 6:10

Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi.

(1 Samuel) 2:2

¡Tuke Pujuuwah, ame pegkegmaitam imanuk tikichik atsawai! ¡Ame jutii Apajuíji asam kuitamkagtam, imatikas kuitamkagtauk tikichik makichkish atsawai! ¡Amina nagkaetamsauk tikichik atsawai!