(Apocalipsis) 15:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nunú aidau, Moisés Apajuí inake aajakú kantamamua nuna kantabiagmayi nuigtú Uwijá kantamtaijiya nujai, nuninak: “Shiig muuntai, anentai jegagmaitsui, ashí ame takasbau aina duka. Apu Apajuí Ashí senchigtinuh; ame takasbau aina duka pegkejai, dekaskenum aikame, amek ashí nugkanmaya aina nuna reyjiyaitme.

(Apocalipsis) 15:3 Iomraidhean Croise

(Génesis) 17:1

Abragkan noventa y nueve mijanji ajai, Tuke Pujuu wantintuk chichajak: “Antukta nijah, witjai Apajuí ashí senchigtinnuk. Nuadui amek mina emtijuig pegkegchau takamtsuk pujusta.

(Nehemías) 9:14

Tuja tsawan ayamtai ame etegkauwaitam nunú jegakuig, nunú tuké dutikin atajum tusam jintintuawaitme. Tuja chicham dekaskenum umiktin agagbau Moisés susauwaitme, nuna umiktinme tusam.

(Job) 5:9

¡Apajuí iwainawai kuashat waji wainchatai ishamain aidaun, tuja nunash wajuk dutikawaki nuna dekaa ejemainuk makichkish atsawai!

(Salmos) 100:5

Wagki Tuke Pujuuk dekas pegkejai, tuja niina anenkajishkam tuke auwai, antsag nii anagkagtuamujig makichkish yapajinchauwai.

(Salmos) 105:5

Apajuí ii aidautin, tuja niina inake Abraham, Jacob aajaku aina nunú wegantu aidaun etegjauwa nuna, ayamjak wainchatai ishamain aidaun iwainajua nunú anentaimtustajum. Tuja chicham umiktin agagbauwa dushakam adeagtajum.

(Salmos) 139:14

Wika ame imatiksa najanamu asan see tajame, ame najanamu aina duka ashí pegkejai. ¡Wika nunak shiig dekajai!

(Salmos) 145:17

Tuke Pujuuk ashí nii anagkagtuamunak betek uminai, tuja nii najankamu aina nunak shiig anentawai.

(Salmos) 145:6

Amina senchigmin shiwaajum aidau depetnaitam nuna pachisag chichagtinai. Nuninakui wishakam ame múuntaitam nuna pachisan chichattajai.

(Isaías) 33:22

Wagki Tuke Pujuuwai iina ayamjutpa duka, tuja ii umiktinnak nii chichaman sukagtawai. Niyai iina apujig, iina uwemtijamin.

(Isaías) 45:21

Tuja wainka apajuímtai dakumka najanamu emematjum dusha pegkejash aniajum nunú pempeentunikjum ininistajum. ¿Yaita juju waji aidau nagkaemagtinun pachis emtika etsegkaush? Makichik aentskesh juju waji nagkaemaina nuna pachis etsegkauk atsawai. Witjai Tuke Pujuuk juju waji nagkaemaina juniktinun yaunchuk emtikan etsegkaunuk. Tikich Apajuí mina nagkaetasuk makichkish atsawai. Apajuí pegkejam uwemtikagtinuk tikichik atsawai.

(Daniel) 6:20

Nunik waanum jegantatak wesa wake besemag dekapeak aatus Danielan untsukui: “¡Apajuí pujutan sukagtina nuna inake Danielah! ¿Amina Apajuígmesh león yujamawai tusash ayamjutpakchaek?” tau.

(Daniel) 9:11

Israel aents aidauk ashí amina chichamem umiktina nunak umikchaje, nuninak tupantug idaisaje. Nuadui Moisés amina inakem agak: Apajuí umigchakjumek suwimak jukitnaitjume tiuwa nunú uminu asamtai, iina pegkegchaujin amina suwimkajum iyanjamae.

(Oseas) 14:9

Aents yacha shiig anentaimkau akug, juna chichaman antukti: Tuke Pujuu dutikamu aina duka shiig pegkejai, nuadui dita aidaun diisag tikich aidaush pegkeg takata nunak takamain ainawai. Tuja aents pegkegchau aina duka pegkegchaunak takainawai, nuadui Apajuí ditanak suwimkan suwawai.

(Miqueas) 7:20

¡Iina apachji Abraham, Jacob, nuigtu tikich iina muunji aajaku aidau anagkuawaitam duka, dutiksamek wait aneasam amina anenkagmin tuke kuitamkagtuktin ata!” tiajui.

(Zacarías) 9:9

¡Yaakat Jerusalégnumia aidautigmek shiig aneastajum! ¡Shiig aneakjum kantamatajum! ¡Amina apujum burro tsakatnum entsatkau minitjamui! Imanchauch wajakin, pegkejam, pegkegchaun takachu, amina yaimpak depetmitkagmaktatus minawai.

(Evangelio según San Juan) 1:17

Apajuik chicham umiktina nunak Moisesai sujamsau aajakui, tujash wait anenkagtamu nuigtú dekaskea duka Jesucristui jukiuwaitji.

(Deuteronomio) 31:30

Nuna tusa Israel aents aidau ashí tuwakag antuinamunum yama nagkamchaku agagbaunum nagkama juna aatus Moisés kantamauwai:

(Deuteronomio) 32:3

Tuke Pujuu daaji pachisan nigka pegkejai, múuntai tusan etsegkatjai. ¡Atumshakam, iina Apajuíjiya duka dekas múuntai titajum!

(Deuteronomio) 34:5

Aatus Moisés Apajuín inakega duka Moab nugkanum jakauwai, Tuke Pujuu tibaunak imatiksag.

(Primera carta de San Pablo a Timoteo) 1:17

Nuadui Rey tuke puju, jachau, wainchatai, Apajuí makichkiuchia duke eme anentsá ajumaiya duish tuke ememattai atí. Aatus atí.

(Carta a los Hebreos) 3:5

Moisesak Apajuí inake asa ashí Apajuí jeega nuig betek imatiksag takasui. Tuja ni takasua nunak Apajuí atak titina nuna iwainaktatus dutikauwai.

(Apocalipsis) 1:8

Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 11:17

nuninak: See tajame, Apu Apajuí ashí senchigtinuh, ametme tuke pujuu nuigtú tuke pujujakumek, iman asam amina senchigmijai inamjatasam nagkamaume.

(Apocalipsis) 14:3

Nuigtú yamajam kantamtain kantamiagmayi, Apajuí ekeemtaijin eketa nuna eemtin cuatro iwaaku aina nu, nuigtú anciano aina nuna emtin wajantag, nunú kantamtai yamagma nunak makichkish tikichik unuimachagmayi, imá ciento cuarenta y cuatro mil uwemtikamua duke dekagmayi.

(Apocalipsis) 14:8

Tai nuna ukujin tikich ángel patatkau: “¡Tsainkae, Tsainkae yaakat muun Babilonia muunta duka! ¡Ashí nugkanmaya aidaunak vino ni pegkegchau takaamujiya nuna takamtikak, apajuimtai aina nu umigkatajum tusa jintinkagtuau asamtai!” wajabi.

(Apocalipsis) 17:14

Dutikawajam Uwigjai maaniawagtatui, tujash Uwig ditanak depetkagtatui, wagki imá nigki Apu ashí apu aidaun nagkaesauk nuigtushkam nigki Rey ashí rey aina nunash nagkaesauwa ibau asa; ditajai ijuna duka ni untsukbau ainawai, ni etegjamu nuigtush chichamenash betek umijin aidau”.

(Apocalipsis) 19:16

Ni nugkuagbaujinish, niina bakuinish: “REY ASHÍ REY AINA NUNA NAGKAESAU NUIGTUSHKAM APU ASHÍ APU AIDAUNASH NAGKAESAU”, tabau agatkamuyi.

(Apocalipsis) 19:2

wagki Apajuí suwimkan susa duka pegkejai nuigtush dekaske, nuwa akiká takaaku tuwagtaiya nu ashí nugkanmaya aidaun, ni takataijiya nuna jintintua pegkegchau emaku asamtai suwimkan susae. Nuigtush niiní ikmake niina inaken kajegkú aina nuna”, wajagmayi.

(Apocalipsis) 4:8

Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.