(Apocalipsis) 14:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Wainkabiajai Uwig muja Siognum wajattaman, nuigtú niijai ciento cuarenta y cuatro mil aents aidau, niina daaji, nuigtú niina Apají daaji, dita nijayin agatkamu aidaun.

(Apocalipsis) 14:1 Iomraidhean Croise

(Salmos) 2:6

“Wi etegkan apu emamugnak muja etegkamua nuwi Jerusalén pujus inamjati tusan wi apusajai”, tawai.

(Isaías) 49:14

“Atum Jerusalén batsamsajum chichaakjum: ‘Tuke Pujuuk jutiinak kajimatjamki idaitamsae’, tuyugme.

(Jeremías) 1:11

Nuna tusa chichagtak: “¿Jusha wajimpaya?” tujutmayi. Tujutkui wi ayaakun: “Anka almendro kanawegai”, tibaijai. Tusa tai Tuke Pujuu aijak:

(Ezequiel) 1:4

Nunú nayaim ujanbaunmayan diikman etsa akaetaiya nuwiya dase shiig senchi dasentuk yujagkim múun ijiamu winchamtin, tuja nunú yujagminmaya peem ashí yantamnum peetun, nuigtu yujagminum jii kegaunum nuna ejapeen jiju jinum jiyam duwenip wegama imanun wainkabiajai.

(Ezequiel) 2:9

Tujutkui diistakaman papiinum chicham agaja pempeagbaun awentujun wajaun wainkabiajai,

(Joel) 2:32

Imanitaish ima Tuke Pujuunak kajitus umijuinak segaidauk uwemjagtinai. Tuke Pujuu anagkagtuauwa duka imanisag muja Sión yaakat Jerusalégnum uwemtak atinai, Apajuí etejamu aidauk jatsuk uwemjagtinai”, tawai.

(Amós) 8:2

Nuna iwaintujuk chichagtak: “¿Jusha wajimpaya?” tujutmayi. Tujutkui wi ayaakun: “Yujag juuka chagkinnum aimkamu pujawai”, tibaijai. Tusa tai, Tuke Pujuu chichagtak: “Israel aents aidau suwimak jukitnujig yujág tsamaka uminas aama numamtuk tsawantak ashí jegae. Nuadui makichkiakesh tsagkujashtatjai.

(Evangelio según San Lucas) 12:8

Makichik aentskesh Cristunuitjai tusa aents aidau eemtin etsegtugkaju aidaunak, dutiksag Aentsmaga akiinauwa dushakam Apajuí angelji aidau eemtin mina nemagtin ainawai titinai;

(Carta de San Pablo a los Romanos) 9:33

Nuna pachis Apajuí chichame agagbauwa nui: “Wi Siognum apusattajai makichik kaya muuntan. Nunú kaya nunak kuashat aents tukumak iyajagtinai. Tujash niiní dekaskeapi tauk, makichkish wainkag juwakchatnai”, tawai.

(Apocalipsis) 14:14

Niimkaman wainkabiajai makichik yujagkim pujun, nunú yujagmia nui Aentsmaga akiinauwa numamtin, oro atsejaku, hoz shiig etsakamun takaku ekeemtatman.

(Apocalipsis) 14:3

Nuigtú yamajam kantamtain kantamiagmayi, Apajuí ekeemtaijin eketa nuna eemtin cuatro iwaaku aina nu, nuigtú anciano aina nuna emtin wajantag, nunú kantamtai yamagma nunak makichkish tikichik unuimachagmayi, imá ciento cuarenta y cuatro mil uwemtikamua duke dekagmayi.

(Apocalipsis) 15:5

Juna tusa inagnakui, niimkaman nayaimpinum jega Apajuí ememattai ujantatman wainkabiajai.

(Apocalipsis) 22:4

Nunidau asag paan igkua wainiagtinai, tuja ditá nijayinish Apajuí daaji agatkamu agtinai.

(Apocalipsis) 3:12

Depetmakunak wi, jega mina Apag ememattaiya nui awayattajai, dutikamu asa nuig tuke pujutnai; dutikan mina Apajuiju daajin, nuigtush mina Apajuiju yaaktaji yamajam Jerusalegka nuna daajin, mina Apajuig nayaimpinum puja nuiya akaikitna nuna, nuigtú mina daag yamagma nunashkam niiní agagtinaitjai.

(Apocalipsis) 4:1

Ju nunikmatai niimkaman, nayaimpinmaya makichik waiti ujani atatman wainkabiajai, nagkamchakun chichaman antukag duka trompeta wajukea imatuk mina aujtak: “Jui wakata, nunikamin ju nagkaemagmatai atak wají nagkaemagtin aina nuna wi iwaintuktajame”, tujutmayi.

(Apocalipsis) 6:8

Tujutkui diikman caballo yampia wajas wajaun wainkamiajai, nui entsatka nuna daajig Jata tutaiyayi, nunak Hades pataetakuyi; Caballonum entsatka duka senchi susamuyi, ashí aents nugkanmaya aina nuna jimaitukjiya nuna jimaituken maanimtikak ijinati, nujantai, jataishkam, kuntin kajen nugká batsata nunashkam tusa.