(Apocalipsis) 12:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² ¡Nuadui nayaim batsatutigmek shiig aneastajum! Tujash ¡Wait anentajime nugkanum, nayantsanum batsatainajum nunak! Wagki Iwanch tsawan piipich juwatka nuna dekau asa senchi kajeká atumin akaetugmakiu asamtai”, timayi.

(Apocalipsis) 12:12 Iomraidhean Croise

(Isaías) 44:23

¡Nayaimpih, ameshkam Tuke Pujuu dutika nunú anentaimtusam shiig aneakum senchi kantamata! Nugka initken batsatutigmesh senchi untsumkujum aents wajukmaina imattajum. Muja aidautigmesh, ikam aidautigmesh, ashí numi aidaujai shiig aneakjum aents wajukmaina imatkujum senchi untsumtajum. Tuke Pujuu Israel aents Jacob wegantu aina nuna ayamjuk agkanmitkak niina senchijin iwainake.

(Isaías) 49:13

¡Nayaimpih, shiig aneakjum kantamatajum! ¡Nugkah, shiig aneasta! ¡Muja aidauwah, shiig aneakjum untsumkatajum! Wagki Tuke Pujuu niina aentsji waituinak wake besemag batsatun, wait anentug anentai ichichtuju asamtai.

(Evangelio según San Lucas) 15:10

Nunin asamtai tajime, Apajuí angelji aidauk shiig aneenawai, makichik aents tudau takatan idaiyak pujutjin yapajitaik”.

(Evangelio según San Lucas) 2:14

“Nayaimpinmash Apajuiya duke emematiagmi, nugkanmash shiig agkan pujamu atatui Apajuí wait anenjamu aina duka”, wajaidau.

(Carta a los Hebreos) 10:37

Agagbaunum chichaak: “Minitna duka, megkaetsuk wamak minittawai.

(Segunda carta de San Pedro) 3:8

Tujash kajimatkigpa aneetaig aidauh, Apu Apajuiyaig makichik tsawantak mil mijana nuninai, tuja mil mijanak makichik tsawanta nuninai.

(Apocalipsis) 10:6

nunik, ajumaish tuke pujutin, nayaimpin ashí wají aidau nui ayá nunash, nugkanash ashí wají aidau nui ayá nujai, nayantsanash ashí wají nui ayá nujai najankauwa nuna daajin adaiyak: “Yamaik tsawantak jegae,

(Apocalipsis) 11:10

Nuninak ashí nugkanmaya aents aidauk nunú jakamtai shiig aneas dakujuinak, pempeentunikiag anentag wajichin sudaiyagtinuyi; wagki nu jimag profeta aina nunú chichagkagtiagtai, shiig tutitag dekapejakú asag.

(Apocalipsis) 11:14

Jimaja ju ¡ae! timauwa duka nagkaemakni, waamak kampatuma ju ¡ae! timauwa dusha minittawai.

(Apocalipsis) 12:9

Nunikmatai dragón yaunchuk dapi tujakbau, Iwanch Satanás tutai, ashí nugkanum tsanumá wekaena nunak, ashí niina angelji aidaujai jiikí nugká ajapawagmayi.

(Apocalipsis) 13:6

Tibau asa Apajuinash, daaji pachisash, ni pujutainash, nuigtú ashí nayaimpinum batsamin aina nunash pegkegchau chichagmayi.

(Apocalipsis) 18:20

“Nayaim batsatutigmesh, Apajuí aentsji pegkejam aidautijum, apóstol aidautigmesh, nuigtú profeta aidautigmeshkam ju nuwa imania jujú diisjum shiig aneastajum. Wagki Apajuí atumin iikmatjamak suwimkan suwak imatikau asamtai”, timayi.

(Apocalipsis) 8:13

Nu nuniku ai wainkabiajai, nuigtush antukbaijai makichik ukukui nayaimpi ejapen nanaak minis, senchi untsumak: “Ae, ae, ae, shiig ishamain atatui nugká batsata nudauk, kampatum ángel aidau trompeta umpuinatsu nunú umputaik” wajattaman.

(Apocalipsis) 9:12

Nagkamchak ¡ae! tibauwa duka nagkaemakmayi, tujash eke miniagtatui jimag ¡ae! tibauwa nunú.