(Apocalipsis) 11:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Nuna iyashí aidauk yaakat muunta nuna ejapen plazanum tepeagmayi, nunú yaaktak ditá pegkegchauji pachittsa “Sodoma”, “Egipto” tutaiya nui, iina Apuji Jesucristo achijag maawajua nui.

(Apocalipsis) 11:8 Iomraidhean Croise

(Génesis) 13:13

Nunú yaakat sodomanmaya aentsuk shiig pegkegchau, Tuke Pujuu dakitamun ayatak katsek aina nuna takajaku ainawai.

(Génesis) 19:24

Tuke Pujuu nayaimpinmayan jii azufre tawa nujai pachimjamun yaakat Sodomanum Gomorranmashkam yutumtijauwai.

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Éxodo) 3:7

Tujash Tuke Pujuu ataktu chichajak: “Wika mina aentsug aidau Egipto nugkanum batsamas senchi waituina nunak shiig wainjai. Tuja takata apuji aidau takat katsugmanum takamtikainam waituinak pampaina nunashkam antukjai. Tuja dita waituina nunashkam shiig dekajai.

(Jeremías) 23:14

Tuja profeta Jerusalégnumia aina duka dekas nuna nagkaesau shiig pegkegchau ainawai. Nuadui ditak dekas Apajuí chichamen etsegtsuk dita anentaimsa jiikbaujin waitan etsejuinawai. Nuna aents pegkegchau aidau antuinak ichichmamainawai. Nunú aidauk, makichkish pujutjin yapajiatag tusagkesh anentaimainatsui. Ayatak pegkegchaunak takainawai. Nuadui ditak dekas aents sodomanmaya, gomorranmayajai aajaku aina nuna nagkaesau ainawai.

(Jeremías) 26:23

Dutikam yujajus Egipto nugkanum pujaun juki itawajui. Dutikawag apu Joaquiman ejetuawajui. Dutikawagmatai: “Maatajum, dutikajum aents jakau egkea ajaptai nugka taimua nuwi egkeatajum”, tusa inamjauwai.

(Ezequiel) 37:11

Nunikagmatai Apajuí chichagtak: “Aentsu uchijiyah, Israel aents aidauk juju ukunch sakaku aina nujai betek ainawai. Nunin asag chichainak: ‘¡Iik ukunch sakakujai betek ainaji! ¡Iina ayamjutpamainuk atsugtamui! ¡Kakaja ayamjumakchamin wajasji!’ tuinawai.

(Amós) 4:11

Apajuí ataktu chichaak: “Sodomanmaya aents aidaun, Gomorranmaya aents aidaujai suwimka suwakun jii ajunjan ijinauwaitag numamtuk awajkauwaitjime atumnashkam. Dutika ai jii kaiji ampinjau tepegama numamtuk wajakuitjume. ¡Imanika waitiakjumesh minak umigtukchau ainagme!” tawai Tuke Pujuu.

(Evangelio según San Mateo) 10:15

Dekas tajime: Suwimak sukagtamu tsawan atina duik, nu yaakta duka, Sodoma Gomorra nugka aajakua nui aents batsamajakú suwimak susamua nuna nagkaesau suwimkan jukiagtinai.

(Los Hechos de los Apóstoles) 9:4

dutikam nugká iyaju, nunikmá makichik chicham: “Saulo, Saulo ¿Wagka minash waitkajame?”, tabaun antuku.

(Carta a los Hebreos) 13:12

Nunisag Jesuschakam yaakta ukukí waitus jakauwai, niina numpe ukaejamunum aents aidaun pegkeemtikata tau asa.

(Carta a los Hebreos) 6:6

Apajuí dekaskeapi tutan idaiyas, ataktú ni pegkegchau takaajakbaujinak waketjuki takaak, Cristo shiwagmaina duka, kakajus ataktú pujutinak yapajimaitsui. Wagki dita nuna nuninak, dita dekas Apajuí Uchijin achijagmatai, tikich aidau Cristun dushikis chichagmaina numamtuk wajaidau asagmatai.

(Segunda carta de San Pedro) 2:6

Aikasag yaakat aidau Sodoma nuigtú Gomorra aina nunak suwimkan suwak apekui, dutika yuku awajsauwai, nunak atak aents pegkegchau takaidau batsabiagtina dusha wainkatnume tusa iwainak dutikauwai,

(Carta de San Judas) 1:7

Nunú wajukawajua nunisag Sodoma, Gomorra nuigtú yaakat tikiju aina dushakam shiig pegkegchau aina nuna takainak nuigtú mai aishmagkuk dutikdaiyá batsamtai, Apajuí jii tuke kajinkashtina dui apek utsagkui, nunú dutikamua duka aents tudaun taká batsatuk jii ajubaish kajinkashtina nui suwimkan jukiagtina nuna iwaintugmaji.

(Apocalipsis) 11:13

Nu nuniaig senchi uugbau asabi, imaniak kuashat jegan yumpuagmayi, nu uugbaunum siete mil aents jinawagmayi; nuniai tikich aidauk senchi ishamkag, Apajuí nayaimpinum pujuuwa nuna emematiagmayi.

(Apocalipsis) 11:9

Ashí aents tikich nugkanmaya aidaush, makí makichik ditash niimtin aidau, ditash chichaaku aidau, nuigtú ashí nugkanmaya aidaushkam iyashinak ukutsuk kampatum tsawan jimaituk dii batsamtiagtinuyi.

(Apocalipsis) 14:20

Dutikamtai uvanak yaaktan ukumtikiag ijujagmayi, tuja uva ijutainmaya numpa jiinkibi, nunik caballo weniya aatus amugmayi. Nuniak trescientos kilómetros tumain nugkan ukatkabi.

(Apocalipsis) 14:8

Tai nuna ukujin tikich ángel patatkau: “¡Tsainkae, Tsainkae yaakat muun Babilonia muunta duka! ¡Ashí nugkanmaya aidaunak vino ni pegkegchau takaamujiya nuna takamtikak, apajuimtai aina nu umigkatajum tusa jintinkagtuau asamtai!” wajabi.

(Apocalipsis) 16:19

Imaniau asamtai yaakat muunta duka kampatuma imajin kanakmayi, yaakat aidau nugka muunnum aina dushakam tsainkabi. Apajuí yaakat Babilonia pegkegchaujin kajimatjukchau asa, kajejuk suwimkan suak imatikabi.

(Apocalipsis) 17:1

Siete ángel aidau, siete copa aidaun takaka nuiya makichik tajuntujun chichagtak: “Jui tantata, nunikamin akiká takaaku tuwagtaiya nu kuashat namak aidaunum eketa nunú suwimak susatnun iwaintuktajame;

(Apocalipsis) 17:18

Ame nuwa wainkaum duka yaakat muunta nuuwai, ashí nugkanum rey aina nui inama nunú”, tujutmayi.

(Apocalipsis) 17:5

tuja nijayinchakam chicham dekamainchau: “BABILONIA AKIKÁ TAKAAKU TUWAGTAI, AKIKÁ TAKATAI AINA NUNA DUKUJÍ, NUIGTUSH ASHÍ PEGKEGCHAU DAKITMAIN APAJUIMTAI NUGKANUM AYÁ NUNASHKAM”, tusa agatjamuyi.

(Apocalipsis) 18:10

imanik waittai ishamainak ikaag ijunas: “¡Wait anentajame, wait anentajame Babilonia ame yaakat muun senchigtin aajakuitkum, makichik horaya duik suwimak juamu ajutjamsa dui!”, awajiagmayi.

(Apocalipsis) 18:18

Nunikag esaku bukuitamujin wainkag senchi untsumkag: “¿Tikich yaakat jujú yaakat muunta ibagjai betekmamtinuk atsawapita?”, wajagmayi.

(Apocalipsis) 18:2

Nuniak shiig senchi untsumak: “¡Tsainkae, tsainkae yaakat Babilonia muunta duka! ¡Yamaik wakan pegkegchau aina nuna batsamtai, nuigtú chigki tsumain dakittsá diitai aidau batsamtai wajasé!

(Apocalipsis) 18:21

Nuna timatai, makichik ángel senchigtin, kaya deketai muunta numamtinun jukibi, dutika nayants ajugmayi, nuniak: “Jujai betekak yaakat Babilonia muunta aushkam ajapeam atatui, nunikmataig ajumaish wainkashtin ainawai.

(Apocalipsis) 18:24

Nuigtush niiní profeta aina nuna numpe nuigtú, aents pegkejam aidaun numpe wainnakui, nuigtú ashí aents Apajuí umijin aidaun nugkanum maawajua nudaushkam”, timayi.