(Apocalipsis) 11:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nuniakui wi jimag aentsun, jaanch wake besemag pujaku nugkutain nugkug yujasag, mil doscientos sesenta tsawantai mina pachitus etsegkatnun awemattajai”.

(Apocalipsis) 11:3 Iomraidhean Croise

(Génesis) 37:34

Nuna tusa Jacob niina jáanchjin japiki ichigkui, nunik wake besemag dekapeaku nugkutain nugkujui. Nunik pujus uchijin aneak kuashat tsawantai tuke buutú pujau.

(1 Reyes) 21:27

Juna aatus Apajuí tibaun Acab antukui. Nunik puyatuk jáanchjin japiki ichigkui, dutika jáanch pegkegchaun nugkuja, yujumkan ijagma pujau. Nunik pujus makichkish yapagmamtsuk, wake besek wekagu.

(2 Reyes) 19:1

Nuna apu Ezequías dekaa jáanchjin japiki ichigka, wake besemag dekapeak jáanch pegkegchaun nugkuja, Tuke Pujuujai chichastatus jega Apajuí emematku ijuntainum weuwai.

(Nehemías) 9:1

Nantu sieteya nunú takau ai, tsawan veinticuatrotin Israel aents aidau yujumka yutsuk batsamas Apajuín ausagtatus ijunjajui. Nuninak jáanch pegkegchaun nugkujag, buuken nugka yukukuntun yukumajag,

(Salmos) 69:11

Jakamunum nugkutain nugkuai, dushiktuinakuish katsuntajai.

(Jeremías) 1:10

“Antukta nijah, aminak yamai nagkamas aents nugka muunnumia aidaush, nuna apuji aidaush antugtamkagtinun, tuja tsaiktinun, ijinatnun, tsaikbau ataktu yaaktamkatnun ajakmatnum senchimtikajame”, tujutmayi.

(Daniel) 7:25

Nunú apuk Apajuí pegkegma nuna pegkegchau chichagtinai. Nuniak Apajuí aentsji aidaujai maanitnai. Tuja Apajuí chichame umiktin agagbauwa nunashkam, Apajuí emematku ijuntai tsawan etegjamu aidaunashkam yapajiatag titinai. Nuniak Apajuí aentsji aidaunak kampatum mijan nuigtu jimaituk nii wagagki waitka pujugtinai.

(Joel) 1:13

Vino, trigo, cebada aina duka atsau asamtai, aents aidauk Apajuínak anentag ejetuinatsui. Nuadui Apajuí emematku ijuntainmak makichkish atsawai. Nunú diisjum atum sacerdote Apajuí altarjin takau aidautigmek wake besemag pujaku nugkutai jáanch nugkugjum kashi buu buutkawajum tsawaitajum.

(Jonás) 3:5

Tusa etsegtai, ashí aents Nínivenmaya aidauk uchinum nagkamas múun aidaushkam pegkegchau takatnak idayinak, dekas Apajuí umigkagmi tuidau. Nuna tusag wake besemag dekapenak, jáanch pegkegchaun nugkukag yujumkan ijagmawag Apajuín segainak batsatu.

(Jonás) 3:8

Duka puyatjutsuk ashí aents aidautijum wake besemag pujaku nugkutai jáanch pegkegchau aidau nugkuktajum, nunikjum Apajuí senchi untsuktajum. Nuniakjum maki makichkitijum pegkegchau takamtaijum, magkagtutaijum aidaujai idaisatajum.

(Números) 11:26

Setenta aentsun Moisés etegkauwa nuwiya jimag Eldad daagtin Medad daagtinjai, ditak aak pegkegmanmak wetsuk, dita batsatbaunum juwakajui. Nuwi batsatunak Apajuí Wakani egkemtujam ditashkam profeta chichamaina betek chichainau.

(Evangelio según San Mateo) 11:21

“¡Jauchaj Corazigkah aminak wait anentajame! ¡Jauchaj Betsaidah aminash wait anentajame! Tironmash nuigtú Sidogkash aents dutikmainchau atum iwaintukbau ainajum dutikamu ainakug, yaunchkes kuashat anentai idagmak yapajinmain aajakú ainatai.

(Evangelio según San Mateo) 18:16

Untsu antugtamchakuig, makichik aentskesh nuniachkumesh jimagkesh jukim wetá, jimag nuniachkush kampatumkesh antuinamunum ashí chichamua duka dekaamu atí.

(Evangelio según San Lucas) 10:13

“¡Corazinkah aminak wait anentajame! ¡Betsaidah aminash wait anentajame! Tironmash nuigtú Sidonkash aents dutikmainchau atum iwaintukbau ainajum dutikamu ainakug, yaunchkes senchi anentai idagmak tudau takatan idaiyinak yapajinmain aajakú ainatai.

(Evangelio según San Lucas) 24:48

atum ainagme ju ashí wainkaujum nunú etsejatin aidautigmek.

(Evangelio según San Juan) 15:27

Dutijamainakui atumshakam yama nagkamchakjumesh wijaig batsamsau asajum mina pachittsajum tikich aidaush ujaktatjume.

(Evangelio según San Juan) 3:27

Tama Juan chichaak: —Apajuí dutikata tichamunak aentsuk makichkish dutikmaitsui.

(Los Hechos de los Apóstoles) 1:8

tujash Wakaní Pegkeji atumiin tajutjamamtai nuna senchijí jukittagme, nunikjum mina pachittsajum jui Jerusalén, ashí Judeanum, Samarianmashkam, nuigtú ashí nugka atushat aina nuwishkam etsegtugkattagme, tiuwai.

(Los Hechos de los Apóstoles) 13:31

Dutikam kuashat tsawantai wantintukui Galilea nagkamas Jerusalegkash tuke niijai ijunag yujajakú aina nuna. Nunú ainawai yamai niina pachis, ashí aents aidaush antuinamunum etsejuina duka.

(Los Hechos de los Apóstoles) 2:32

Nunú Jesusa nuna Apajuí inankiuwai, duka jutii ashí wainkau ainaji.

(Los Hechos de los Apóstoles) 3:15

dutikakjum mau ainagme pujutan sukagtina nunú, tujash jakamtaish Apajuí inankiuwai duka jutiik wainkau ainaji.

(Primera carta de San Pablo a los Corintios) 12:28

Apajuí iglesianum takasagtinun apusauwai dekatkauk: Apóstol aina nuna, profeta aidaun, maestro aidaun, aents dutikmainchaun iwainakagtin aidaun, aents jaidau etsagagtin aidaunash, yaimkatin aidaun, takatan diistin aidaun, chicham chichashtain chichaktin aidaunashkam.

(Segunda carta de San Pablo a los Corintios) 13:1

Yamai minittag nuuwai kampatuma juna ijagsattajim nu. Ashí tumain aina duka jimag nuniachkush kampatumkesh etsegtuinakui nunikti tumainaitjume.

(Carta de San Pablo a los Efesios) 4:11

Nigki etegjauwai apóstol agtinun, profeta agtinnash, evangelista agtinnashkam, pastor agtinun nuigtú maestro agtinnashkam,

(Deuteronomio) 19:15

“Makichik aents wi wainkamjai takuig dekaskeapi tiigpajum. Untsu jimagkesh, nuniachkush kampatumkesh, ii pegkegchaun takau wainkamji tusa tuinakui, nuadui nunú aents pegkegchau takamsauwa duka suwimak sumainaitjume.

(Apocalipsis) 1:5

nuigtú Jesucristo dekaskea nuna etsejin, aents jakau aidau nantashtain ni nagkamak nantakiuwa nu nuigtú ju nugka juiya rey aina nuna nagkaesau senchigtina dushakam. Cristo jutiinak anempaji nuniau asa niina numpejai iina tudaujinak nijatjamkauwai;

(Apocalipsis) 11:2

Tujash jega Apajuí ememattaiya nuna agaajig dekapatsuk idaisata, duka judiochu aina nu idaitusbauwai; dita ju yaakat pegkegma nunak cuarenta y dos nantui batsamtusag najakag tsai batsamtiagtatui.

(Apocalipsis) 11:6

Ditá senchijig nayaim epenmainush ajuinawai, chichaman etsejuinak yujagtata dui yumi yutujai tusag nuigtush yumi numpa emamaina dusha senchijig ajiagmayi nuigtú wajupa imania dutikata tuinawa dutiksag nugkanmaya aidaun jatan susa waitkamaina dushakam senchijig ajiagmayi.

(Apocalipsis) 12:6

Nuwak uwegshunum tupikakmayi, nui pujusmatai mil doscientos sesenta tsawantai yumainun susatnume tusa, Apajuí ni pujustinun umigkauwa nui.

(Apocalipsis) 13:5

Nuigtushkam idaitusmayi kuashat wají aidaun chichaktí, nuniak cuarenta y dos nantui pujus Apajuinash pegkegchau chichagkati tusa.

(Apocalipsis) 19:10

Tujutkui ni wajamunum tikishmagbaijai niina ememattasan, nuniai: “Ankaipa wika Apajuí inakegaitjai. Ame, amina yatsum aidaujai Jesús chichakbau betek umijin ainajum wisha annuketjai. Dekas Apajuí emematta”. Apajuí tabaun etsejuina duka Jesusa chichamenash etsejuinak nuninawai, tujutmayi.

(Apocalipsis) 20:4

Nuigtú wainkabiajai ekeemtai aidaun, nui pekabiagmayi inamjatnume tusa senchi susamu aidau, nuigtushkam wainkabiajai Jesusan pachis nuigtú Apajuí chichamen etsejiagtai tsupika maamu aidau wakanin; bestianash emematchaju aidau, niime dakumkamunakesh, nuigtú nijayinish, uwejinish marca jukichaju aidau nantajag, Cristujai mil mijan inamjagtinuyi.