(Apocalipsis) 11:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tujash jega Apajuí ememattaiya nuna agaajig dekapatsuk idaisata, duka judiochu aina nu idaitusbauwai; dita ju yaakat pegkegma nunak cuarenta y dos nantui batsamtusag najakag tsai batsamtiagtatui.

(Apocalipsis) 11:2 Iomraidhean Croise

(Isaías) 5:5

Tuja midau uva ajakbauwa nunash, wisha itugkatag tajaki nuna yamai ujaktajime. Wika aunak ashí ijinatnume tusan kuitamtsuk idaisattajai, tuja utsaantuawag, najakag kupig ijinatnume tusan peejamua nunashkam tegajattajai.

(Isaías) 52:1

Jerusalégnumia aidautijum aneaku niimkau pujustajum, Jerusalén yaakat pegkegma nuwi batsatutigmek wajiu wajastajum, nuniakjum shiig iwagmamkatajum, wagki Apajuín umigchau aents pegkegchau aina duka ataktu awagkig atumnak jetepakchagtatui.

(Daniel) 7:19

“Tusa ujatkamtai shiig dekatag tau asan, kuntin inagnamu ipak usumta nunú tikich aidaujaig betekchau tsumain, nai aidaush hierro, nanchikish bronce, nii wainbaunak ashí yuwa amuka, ampinunak najak tsaika ukua aush wagkag ibauwaita,

(Daniel) 7:25

Nunú apuk Apajuí pegkegma nuna pegkegchau chichagtinai. Nuniak Apajuí aentsji aidaujai maanitnai. Tuja Apajuí chichame umiktin agagbauwa nunashkam, Apajuí emematku ijuntai tsawan etegjamu aidaunashkam yapajiatag titinai. Nuniak Apajuí aentsji aidaunak kampatum mijan nuigtu jimaituk nii wagagki waitka pujugtinai.

(Números) 14:34

“ ‘Atum nugka dekaatag tusajum cuarenta tsawan yujasuitjum antsag, ditashkam cuarenta mijan dita pegkegchau takasbaujin umiinak yujasagtatui. Makichik tsawanta nuna makichik mijan yujagtatui. Aatus mina pegkegchau chichagtukbaunum yujasag waituinak dekawagtatui.

(Evangelio según San Mateo) 27:53

nunikag ukusbaunmaya jiinjajui Jesús nantakiu ai, nunik yaakat pegkegma nui utsanawajui, nunikun kuashat aents wainkajui.

(Evangelio según San Mateo) 4:5

Timatai, Iwanch Jesusan yaakat pegkejam Jerusalegka nui emauwai, dutika jega Apajuí ememattai jegamkamunum yakí nagkatkamunum iwaká awajus,

(Evangelio según San Mateo) 5:13

“Atumek ju nugka juajuig tuke weega nunin ainagme. Tujash nunú wee jea jeatuji megkaekamtaish, ¿utugsaya ataktush jea jeatush emamainaita? Duka atsumnachu asamtai agaa ukajá ajapmainai dutikamun aents aidau najamain ainawai.

(Evangelio según San Lucas) 21:24

Espadayai maamush agtinai nuigtush achijag ashí tikich nugka aidaunum yajumam agtinai; judiochu aina nu Jerusalegnak tsaikagtinai, nunisag pujus tsawan dita mamiktugbauwa nuna ejeyagtinai.

(Carta a los Hebreos) 10:29

Tujash nuna nagkaesau, Apajuí Uchijiya nuna dakituinak, niina numpe ukaejamunum Apajuijai chichaman apak pegkeemtikiuwa nunash pegkegchau diinak, Wakan wait anenkagtina nunash pegkegchau chichajuidau asag shiig senchi suwimkanak jukiagtinai.

(Apocalipsis) 11:11

Tujash kampatum tsawan nuigtú jimaituk nagkaemai, Apajuí mayai awetim ditai egkemtujam nantakí wajantagmayi, nunikagmatai nuna wainkaju aidauk shiig senchi ishamkagmayi.

(Apocalipsis) 11:3

Nuniakui wi jimag aentsun, jaanch wake besemag pujaku nugkutain nugkug yujasag, mil doscientos sesenta tsawantai mina pachitus etsegkatnun awemattajai”.

(Apocalipsis) 12:6

Nuwak uwegshunum tupikakmayi, nui pujusmatai mil doscientos sesenta tsawantai yumainun susatnume tusa, Apajuí ni pujustinun umigkauwa nui.

(Apocalipsis) 21:10

Nuniai Wakaní Pegkeji makichik muja yakí jiitkaunum jujukmayi, dutika yaakat Jerusalén shiig pegkegma nuna iwaintugkabi, nayaimpinum Apajuí puja nuiya akaetatman.

(Apocalipsis) 21:2

Nuigtush wainkabiajai yaakat pegkejam yamajam Jerusalegka nu nayaimpinmaya Apajuí puja nuiya akaetatman, duka nuwa aishinatin shiig iwagmamjauwa imanuyi.

(Apocalipsis) 22:19

Nuigtushkam makichik aentskesh jujú papinum uminkatin agagbauwa juna emegkakunak, Apajuishkam numi pujutan sukagtina nuna nejenak susashtinai, nuigtushkam yaakat pegkejam jujú papinum pachisa agagbauwa nuishkam awayashtinai.