(Apocalipsis) 10:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tujutkui, ángel piipich pempeagbau takakbaun jukin yuabiajai; nunikman dapá yumiji yumintska imanun wenujui dekapjamiajai, tujash yuwá ai wakejui yapau awajtusmayi.

(Apocalipsis) 10:10 Iomraidhean Croise

(Salmos) 104:34

Tuja Tuke Pujuu wi anentaibaujua nuna shiig aneas diigtusti, wagki minak niyai shiig aneamujuk ajutui.

(Salmos) 119:103

Ame umiktin anagkagtuawaitam nunak mina kayakmataijuig shiig yumintsak dekapeajai, tuja mina wenujui dapa yumijin nagkaesau yumintsak dekapeajai.

(Salmos) 19:10

¡Nunú chichamak oro tsuwatjinchau shiig pegkeg akika nuna nagkaesauwai, tuja dapa yumiji yumimitu pegkejama nuna nagkaesau shiig pegkejai!

(Ezequiel) 2:10

tuja mai yantamejai agagbaun nuna dakuek iwaintugkabi, nunú agagbauk: “Jakamunum buutbau, najaimamu, wake besemag pujamu”, aatsa agagbauyi.

(Ezequiel) 3:14

Tuja minak nuwi pujai, uwegnum achika jumaina numamtuk Apajuín Wakani jujukmayi. Dutijakui kajekan wake besemag dekapmaijai.

(Apocalipsis) 10:11

Nuniai ni chichagtak: “Ataktú awentsamek etsegkata, kuashat aents aina nui, nugka muun aina nuishkam, ditash chichaaku aina nuish, nuigtú rey aidau batsatbaunmash”, tujutmayi.

(Apocalipsis) 10:9

Tujutkui angelan jegaantan “Papí piipich pempeagbau sujustá”, tusan segabiajai: Tai ni chichagtak: “Jukita, nunikam yuata; wakeminig yapau awajtamsattawai, tujash weniminig dapá yumiji yumintska iman dekapjattame”, tujutmayi.