(Apocalipsis) 10:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Tikich ángel senchigtin nayaimpinmaya yujagminum pachitkau akaegun wainkabiajai, buukenig arco iris ajamu, yapig etsajai betek etsanmayi, nawe aina duka jii kegak wajukeama imaniagmayi.

(Apocalipsis) 10:1 Iomraidhean Croise

(Salmos) 104:3

Dutikam yaki nayaimpinum ame pujustinjum umikuitme. Amina carrogmin yujagminum egkemkam wekaeme. ¡Amina nanapjumin dasenum nanaakam wekaeme!

(Éxodo) 16:10

Tusa tima Aarón Israel aents aidaun ijumag chichaak wajai, uwegshunmanini niimsatakama, yujagkim winchamtinnum Tuke Pujuu wantintatman wainkajui.

(Isaías) 54:9

Tuja junashkam Apajuí chichaak: “Yumi ashí nugkanum piyajua nunú tsawantin wi Noén chichagkun: ‘Ataktu awagkinuk nugkanmak yuminak pimumtijashtinaitjai’ tiuwaitag dutiksanuk yamaishkam tajai. Ataktuk aminak kajegkashtatjame, tuja awantanashkam awankashtatjame.

(Daniel) 7:13

“Nuna wika kajanum ashí diyakun wajabiajai. “Nuniai pachiachbau, yujagminum pachitkau makichik aentsjai betek akagun wainkabiajai. Nunik akaiki nunú múun eketbaunum jeganmayi.

(Levítico) 16:2

“Aaknum tesaamu pegkejam tutaiya nuwi nunú tsawantai wayati tusa mamikiachbau aigkik, makichkish wayawaipa tusam amina yatsum Aarón ujakta. Wagki wika chicham umiktin agagbau arcanum egkeamu puja nuna dukutaijin pujajai, nuniau asan nuwi wi yujagminum wantintai jakai.

(Evangelio según San Mateo) 17:2

Nuwi ditash wainainaig Jesusa niimé yapajinauwai; nunik yapig etsajai betek etsantu, niina jaanchjishkam shiig puju tsaaptin wajasui.

(Evangelio según San Lucas) 21:27

Nuniai Aentsmaga akiinau yujagminum pachitkau tsawan wajas niina senchijijai minau wainkatnaitjume.

(Los Hechos de los Apóstoles) 26:13

Tujash rey Agripah, etsa tajiaju ai jintá wekaman, makichik tsaaptinun nayaimpinmaya etsa etsanbaujin nagkaesaun wainkabiajai, nunú tsaaptina duke ashí wijai minidaujai ijumag egketkabi.

(Apocalipsis) 1:7

¡Cristuk yujagminum pachitkau minitnai! Nunitai ashí wainkagtin ainawai nuigtú niina mau aidaushkam wainkagtinai; nunikag ashí aents nugkanmaya aidauk buutiagtinai. Dekaske, aatus atí.

(Apocalipsis) 18:1

Juna wainkan, tikich ángel senchigtin, niina tsaaptinjinig nugkanak tsawan awajus nayaimpinmaya akaegun wainkabiajai.

(Apocalipsis) 18:21

Nuna timatai, makichik ángel senchigtin, kaya deketai muunta numamtinun jukibi, dutika nayants ajugmayi, nuniak: “Jujai betekak yaakat Babilonia muunta aushkam ajapeam atatui, nunikmataig ajumaish wainkashtin ainawai.

(Apocalipsis) 20:1

Wainkabiajai makichik ángel nayaimpinmaya waa muun ishamain akaga nuna llavejin nuigtú cadena muuntan takus akaegun.

(Apocalipsis) 4:3

Nunú ekeemtainum eketa nuna niimeg, kaya jaspe tutai nuigtú cornalina tutai aina nujai betekmamtinuyi; nunú eketa nuna tentea arco iris amayi, kaya esmeralda tutaiya nuna niimejai betekmamtin.

(Apocalipsis) 5:2

Nuigtú wainkabiajai makichik ángel senchigtin senchi untsumak: “¿Yaita dekas imanush, ju rollo achigbauwa juna kuwajug atimainush?” tusa iniimtatman.

(Apocalipsis) 8:13

Nu nuniku ai wainkabiajai, nuigtush antukbaijai makichik ukukui nayaimpi ejapen nanaak minis, senchi untsumak: “Ae, ae, ae, shiig ishamain atatui nugká batsata nudauk, kampatum ángel aidau trompeta umpuinatsu nunú umputaik” wajattaman.