(Apocalipsis) 1:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Witjai nagkamtinish tuke pujusunuk, atakea duish tuke pujutnunuk tawai Apu Apajuí ashí senchigtin, tuke pujuu, nuigtush tuke pujujakú, jui taatna nunú.

(Apocalipsis) 1:8 Iomraidhean Croise

(Génesis) 17:1

Abragkan noventa y nueve mijanji ajai, Tuke Pujuu wantintuk chichajak: “Antukta nijah, witjai Apajuí ashí senchigtinnuk. Nuadui amek mina emtijuig pegkegchau takamtsuk pujusta.

(Génesis) 28:3

Apajuí ashí senchigtina nunú pegkegnum yumigtamsati, dutijamak nigki ame uchijum wegantunash shiig kuashat uyujkati. Imatikam nugka múun aidaunum batsamsagtin atinme.

(Génesis) 35:11

chichajak: “Witjai dekas Apajuí ashí senchigtinnuk; amek kuashat uchigtin atatme, nuadui ame wegantu aidaush imanisag agtinai. Nuadui ame wegantu aidau nugka muuntan yaaktamawag batsamsagtinai. Tuja ame uchijum wegantunmaya apu waigkagtin ainawai.

(Génesis) 43:14

Apajuí ashí senchigtina nunú atumnak yaimpaktinme, dutijamamtai apu wait anenjamag yatsumin Simeógkan agkanmitka, yatsum Benjamígnash emettsuk awagkiti. Untsu namputchawame nuna awakeachkuish, wika uchigtuchukesh juwaktin atajai!” tiuwai.

(Génesis) 48:3

Nunik ekemas Josén chichajak: “Apajuí ashí senchigtina nunú Canaán nugkanum yaakat Luz tutai awa nuwi mina wantintujuk, pegkegnum yumigtak,

(Génesis) 49:25

¡See kuashat, Apajuí amina apa Apajuíjiya nunú yaimpakti; Apajuí dekas ashí senchigtina nunú aminak pegkegnum yumigtamsatin ati! ¡Nayaimpinmaya pegkeg jutai aina nuwiyanash! ¡Nayantsa initkenia pegkeg jutai aina nuwiyanash! Tuja ¡uchi akia shiig tsakapaktinnashkam, dutiksag yaimpakti!

(Éxodo) 3:14

Tutai Apajuí ayaak: “Mina daajuk: ‘Tuke Pujuuwai’ Juju mina aentsug aidau ujaakum: ‘Tuke Pujuu’ minak atuminig awetime, titatme”, tiuwai.

(Éxodo) 6:3

Wika Abrahaman, Isaakan, Jacopan wantintukuitag nuaduik: ‘Apajuí ashí senchigtinaitjai’ tuu iwainmamkauwaitjai. Tujash dekas mina daag ‘Tuke Pujuu’ tutaya nunak ujakchau ainajai.

(Isaías) 41:4

Witjai nuna dutikaunuk. Yama nagkamchakun nugkan nayaimpijai najanawaitag duwi nagkamsan, yaunchuk waji nagkaemajua nunak, tuja yamai nagkaema nunashkam, wi dutiknaitjai. Witjai Tuke Pujuu dekas Apajuínuk.

(Isaías) 43:10

Apajuí chichaak: “Atumek mina chichamjun etsegtugkatnume tusa etegkamu ainagme, wi atumnak etegkauwaitjime, minai kajintsa anentaimkugmek, dekas wi Tuke Pujuuwaitag nunú dekajuattagme. Initaikia duwish tikich apajuí mina nagkaetasuk atsujakui, tuja atakea duwish, duka makichkish atsutnai.

(Isaías) 44:6

Tuke Pujuu, Israel aents aidaun apuji, Israel aents aidaun uwemtikin, Tuke Pujuu ashí senchigtina nunú chichaak: “Witjai nagkamtinish tuke pujuunuk, tuja atakea duish tuke pujutnaitjai. Tikich Apajuí mina nagkaetasuk atsawai.

(Isaías) 9:6

Wagki iinak makichik uchi akiintugmae, Apajuí iinak makichik uchin amase. Nunú uchia nunuwai apu ati tusa etegkamua duka. Nuadui niina daaji aidauk: ‘Shiig chichagkagtin’, ‘Apajuí senchigtin’, ‘Apajuí tuke Pujuu’, ‘Agkan pujutan apuji’ tutai atinai.

(Números) 24:4

Wika Apajuí Wakani egkemjutjamtai tikishmaja pujusan, paan wainjai. Tuja Apajuí ashí senchigtina nunú mina nii wakegamujin iwaintujak, chicham etsegkatnun suja nuna ima shiig paan dekajai.

(Segunda carta de San Pablo a los Corintios) 6:18

Wi atumin Apa atajai, tuja atum mina uchig, mina nawantug atajum, tiuwai Apu ashí senchigtina nunú”.

(Apocalipsis) 1:11

nuniai chichaak: “Witjai nagkamtinish tuke pujusunuk wikitjai atakea duish tuke pujutnunuk. Agagta makichik papinum ame wainam nunú, dutikam siete iglesia aidau Asia nugkanum batsata nu awetita: Éfeso, Esmirna, Pérgamo, Tiatira, Sardis, Filadelfia, nuigtú Laodicea” tujutmayi.

(Apocalipsis) 1:17

Imanun wainkan, ni wajamunum ayaumsan tuke jakaujai betek iyagbaijai, nuniai ni uwejí untsujin achijak: Ishamkaipa Witjai nagkamtinish tuke pujusunuk, ajumaish tuke pujutnunuk;

(Apocalipsis) 1:4

Witjai Juagkaitjai, siete iglesia aidau Asia nugkanum awa nui batsatutigmin kumpamjime. Apajuí tuke pujuu, nuigtush tuke pujujakú, jui taatna nunú, nuigtú siete Wakan ni ekeemtaijin emtin awa nujai; wait anenjamag shiig agkan pujutan amastinme;

(Apocalipsis) 11:17

nuninak: See tajame, Apu Apajuí ashí senchigtinuh, ametme tuke pujuu nuigtú tuke pujujakumek, iman asam amina senchigmijai inamjatasam nagkamaume.

(Apocalipsis) 15:3

Nunú aidau, Moisés Apajuí inake aajakú kantamamua nuna kantabiagmayi nuigtú Uwijá kantamtaijiya nujai, nuninak: “Shiig muuntai, anentai jegagmaitsui, ashí ame takasbau aina duka. Apu Apajuí Ashí senchigtinuh; ame takasbau aina duka pegkejai, dekaskenum aikame, amek ashí nugkanmaya aina nuna reyjiyaitme.

(Apocalipsis) 16:14

duka wakan iwanchdau ainawai, nunin asag aentsush dutikmainchaun iwainag takainak, ashí nugkanmaya rey aina nuna yujajiagtinai ijumjatatus, Apajuí ashí senchigtina nu, suwimak sukagtamu tsawan jegakui maaniami tusag.

(Apocalipsis) 16:7

Nuigtush altar puja nuiya, chichaak: “Apu Apajuí ashí senchigtinuh, amina suimkajum aina juka pegkejai, dekas ainawai”, tabaun antukbaijai.

(Apocalipsis) 19:15

Niina weninia makichik espada tsakatskatu empek jiinmayi, nuadui ashí nugkanmaya aidaunak kajegká, niina senchijijai inamjatnuyi; Apajuí ashí senchigtina nu kajeká aents aidaun suwimak ishamainun susatta nunash, nigki uva yumiji vino jiiktasa neje najatia dutika dajagtinuyi.

(Apocalipsis) 19:6

Nuigtushkam antukbaijai kuashat ijunag chichainak wajukmaina imatak, yumi uutama imatak, shiig senchi ipamat kedegtak wajukea imatuinak: “¡Yajautsui! Wagki iina Apuji Apajuí ashí senchigtina nunú inabaun nagkamae,

(Apocalipsis) 2:8

Agatjata ángel iglesia Esmirna awa nuna diina nunú: Nagkamtinish tuke pujusu, ajumaish tuke pujutna nu, nuigtush maamu aajakú ataktú nantakí iwaaku puja nunú, juna tawai:

(Apocalipsis) 21:22

Nuanuig jega Apajuí ememattainak wainkachbaijai, wagki ditá jee Apajuí ememattaiya duka, Apu Apajuí ashí senchigtina nuna Uwigjai emematuidau asagmatai.

(Apocalipsis) 21:6

Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.

(Apocalipsis) 22:13

Witjai nagkamtinish tuke pujusunuk ajubaish tuke pujutnunuk, nagkamnamunmash nuigtú nagkatkamunmash wikitjai”, timayi.

(Apocalipsis) 4:8

Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.