(Apocalipsis) 1:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ ¡Cristuk yujagminum pachitkau minitnai! Nunitai ashí wainkagtin ainawai nuigtú niina mau aidaushkam wainkagtinai; nunikag ashí aents nugkanmaya aidauk buutiagtinai. Dekaske, aatus atí.

(Apocalipsis) 1:7 Iomraidhean Croise

(Salmos) 22:16

Aents pegkegchaun takau aidau yawajai betek tuwagtukaje; tuja mina dawegnak, mina uwejujai ichinjujaje.

(Daniel) 7:13

“Nuna wika kajanum ashí diyakun wajabiajai. “Nuniai pachiachbau, yujagminum pachitkau makichik aentsjai betek akagun wainkabiajai. Nunik akaiki nunú múun eketbaunum jeganmayi.

(Números) 24:17

Makichik aentsun atushat wainjai. Tuja makichik waji atushat aun wainjai: Duka Jacob wegantunmaya makichik yaya wantinui, nunuwai Israel aents aidaun apujig. Nunú apua duka Moab aents aidaun depetuk amuka, nuigtushkam Set wegantu aidaunash dutiksag amuktinai.

(Evangelio según San Mateo) 16:27

Wagki Aentsmaga akiinauwa duka, ni Apají imanjiya nujai nuigtú niina angelji aidaujai minitnai, nuniak makí makichik aents takasbaujiya dutiksag akiktinai.

(Evangelio según San Mateo) 16:28

Dekas tajime Atum jui ijunjum juiyatijum ujumak aidautijum eke jatsuk, Aentsmaga akiinauwa nu inamjatatus minau wainkatnutigmesh ajume, tiuwai.

(Evangelio según San Mateo) 24:30

Nuniamunum Aentsmaga akiinauwa nu minamu nayaimpinum wantinkatnai, nunitai ashí aents nugkanmaya aidauk buutiagtinai, Aentsmaga akiinauwa nunú nayaimpinmaya yujagminum pachitkau shiig tsawan wajas senchijijai minaun wainkag.

(Evangelio según San Mateo) 25:31

“Aentsmaga akiinauwa nu tsawan wajas ashí niina angeljijai minakug, ekeemtaiji dekas imana nui ekeemsamtai,

(Evangelio según San Mateo) 26:64

Nu tama Jesús ayaak: —Duka ame tiume, nuigtushkam tajime, yamai nagkamsajum Aentsmaga akiinauwa nu Apajuí ashí senchigtina nuna untsujin eketu tsawan uminkamtai, nayaimpinmaya yujagminum pachitkau minau waitkatnaitjume, tiuwai.

(Evangelio según San Marcos) 13:26

Nunú imaniai Aentsmaga akiinauwa nu, yujagminum pachitkau ashí senchijijai tsawan wajasá minaun wainkagtinai.

(Evangelio según San Marcos) 14:62

Tutai Jesús ayaak: —Witjai, nuigtush wainkatnaitjume Aentsmaga akiinauwa nu Apajuí ashí senchigtina nuna untsujin eketu nayaimpinmaya yujagminum pachitkau minamu, tau.

(Evangelio según San Lucas) 21:27

Nuniai Aentsmaga akiinau yujagminum pachitkau tsawan wajas niina senchijijai minau wainkatnaitjume.

(Evangelio según San Juan) 19:34

Dutikamu aig makichik suntag nagkí bijagnum iju ichigkui, dutikamuik numpa yumijai jiinkiuwai.

(Evangelio según San Juan) 19:37

Nuigtú tikich Agagbaunmash: “Ijumun wainkagtin ainawai”, tawai.

(Primera carta de San Pablo a los Tesalonicenses) 1:10

nunikjum Apajuí niina Uchijin Jesusan jakaunmayan inankiuwa nu nayaimpinmaya minitna nu dakasta tuidau asajum, Apajuí suimkaji ishamain atina nui agkanmitkagmatna nunú.

(Primera carta de San Pablo a los Tesalonicenses) 4:17

Nuniku ai, iwaaku juwaku aidautik ditajai ijumja juwam agtinaitji yujagminum Apu Jesusjai agkajunum igkuniktasa, nunikaja Apu Jesusjai tuke pujutnaitji.

(Carta a los Hebreos) 10:29

Tujash nuna nagkaesau, Apajuí Uchijiya nuna dakituinak, niina numpe ukaejamunum Apajuijai chichaman apak pegkeemtikiuwa nunash pegkegchau diinak, Wakan wait anenkagtina nunash pegkegchau chichajuidau asag shiig senchi suwimkanak jukiagtinai.

(Carta a los Hebreos) 6:6

Apajuí dekaskeapi tutan idaiyas, ataktú ni pegkegchau takaajakbaujinak waketjuki takaak, Cristo shiwagmaina duka, kakajus ataktú pujutinak yapajimaitsui. Wagki dita nuna nuninak, dita dekas Apajuí Uchijin achijagmatai, tikich aidau Cristun dushikis chichagmaina numamtuk wajaidau asagmatai.

(Primera carta de San Juan) 3:2

Aneetaig yatsug aidauh, yamaik Apajuí uchijí ainaji, tujash ii wajuku agtinaitji duka eke wantintsuji; nuninayatku dekainaji Jesucristo jui minak wantintugmaktina duik niiya imanuk agtinaitag duka, nunikaja ni wajukuita duka imatiksaik shiig wainkatnaitji.

(Carta de San Judas) 1:14

Ju aents nunikagtinun pachis Enoc tiuwai, Adagkai nagkamas akiinak weamunum siete aajakua nu: “Apu Apajuí, dekapamainchau ángel aidaujai midaun wainjai,

(Apocalipsis) 22:20

Jujú wají aidaun pachis etseja nunú tawai: “Dekaskenum wamak minittajai”, Aatus atí. “Apu Jesusah, wamak minitá”.

(Apocalipsis) 22:4

Nunidau asag paan igkua wainiagtinai, tuja ditá nijayinish Apajuí daaji agatkamu agtinai.

(Jueces) 5:31

“Tuke Pujuuwah, amina shiwaajum aina duka ame ashí ijinata. ¡Untsu amina anempaina duka etsa tajiag etsantama iman atinme!” aatus tusa Débora Baracjai kantama inagnakui. Nuna maaniau aina duwi nagkamas cuarenta mijan maanitsuk batsamsau ainawai.