(2 Samuel) 5:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Nuna tusag Hebrógnum ashí Israel wegantu apuji múun aidau Davidjai chichasajui. Nunikagmatai David ditajai Tuke Pujuu daajin chichaman umikui. Dutikamtai dita Davitan aceiteyai buuknum nijakag Israel aents aidaun apuji emajui.

(2 Samuel) 5:3 Iomraidhean Croise

(2 Samuel) 2:4

Nuwi pujuttaman Judá wegantu aidau ujumak kautuawag, aceiten juki Davitan buuknum nijakag apu adaikajui. Davitak Judá wegantu aajakui. Apu adaikam pujai, Galaad nugkanum yaakat Jabes batsamin aidau Saúla iyashin juki ukusaje tabaun dekauwai.

(2 Samuel) 2:7

Nuadui ichichmamjajum wajiu wajastajum, wagki atumi apuji Saúl jakau ataish Judá wegantu aidau mina apu adaitukaju asamtai, wi yamaik atumi apujig atatjai’ tujamui”, tiuwai.

(1 Reyes) 1:34

Nuwi ejegajum aceiteyai buuknum nijakjum, Israel aents aidaun apuji ematajum. Dutikajum yamajam apu ekenji tusajum makichik aents uwija kachuji umpuagta titajum. Nuna umpuakui senchi untsumkajum: “ ‘¡Salomógkah, yamaik ametme iina apujig, kuashat mijan inamjatin ata!’ titatjume.

(Nehemías) 9:38

Imanika waituidau asaja dekas chicham umiktin agagbauwa nunú umikmi tusa tumamainaji. Nuadui nunú pachisa papiinum agaji. Nunú papii agaja umikbaun iina apuji aidau, Leví wegantu aidau, sacerdote aidau aatus dita daajin apujawag firmainawai.

(Éxodo) 3:16

Nuadui wetá nunika jegaam Israel aentsu apuji múun aidau ijumja chichagkum: ‘Apajuí, Tuke Pujuu tutaya nuna, atumi apachjum Abraham, Isaac, Jacob emematujaku aina nunú mina wantintujuk chichagtak: Wika ditanak kajimatchau asan, egiptunmaya aents aidau waitkam batsata nunak wainjai.

(1 Samuel) 11:15

Timatai aents aidauk ashí yaakat Guilgal shiyakajui. Nuwi jegawag Apajuí emtin Saúlan apu adaikajui, dutika chichainak: “¡Saúlai iina apujig!” tuidau. Nuna ashí umikag nuadui agkan maanitsuk pujustinun Tuke Pujuu amastí tusag kuntinu maa apeenak Tuke Pujuun emamatiajui. Nuadui Saúl Israel aents aidaujai ashí ijunag shiig aneasajui.

(1 Samuel) 16:13

Tusa tima aceiten juki Davitan niina yachi aidaush wainbaunum buuknum nijakui, Israel aents aidaun apuji atin asamtai. Nunú tsawantin nagkamas Apajuí Wakani Davitan egkemtujui. Tuja Samuelak nuna dutika ukuak, yaakat Ramá niina jeen wakitkiuwai.