(Segunda carta de San Pablo a Timoteo) 4:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Wagki tsawan jegatnai, chicham dekaskea nu jintiamu antutan dakitjagtina nu, nuninak egakagtinai kuashat maestro aidaun, dita pegkegchau wakegaina nuninun jintinkagtaun igkugkagtatus.

(Segunda carta de San Pablo a Timoteo) 4:3 Iomraidhean Croise

(1 Reyes) 18:22

Nuna tusa ataktu awagki chichaak: “Tuke Pujuu chichamen etsegtin iwakuk ima wikiuchitjai. Untsu Baala profetaji aina duka cuatrocientos cincuenta ainawai.

(1 Reyes) 22:18

Tusa timatai Acab Josafatan chichajak: “Wi juna aneasan, ¿juju aentsuk pegkegnakesh etsegchauwe, ima pegkegchaunak etsegnuwe tusan tichamkajam?”, tiuwai.

(1 Reyes) 22:8

Tusa tama Acab Josafatan ayaak: “Ehe, makichik pujawai, nunú iniasa dekamainai Tuke Pujuush wajintuaki. Nuna daajig Micaías, Imlá uchijiyai. Tujash wika niinak kajegnujai, wagki pegkejan ujattsuk, ima pegkegchaunak ujatu asamtai”, tiuwai. Tutai Josafat ayaak: “¡Duka aajamek tiipa!” tiuwai.

(Éxodo) 32:33

Tusa tutai Tuke Pujuu ayaak: “¡Wika ima mina chichamjun intimjutuina nuna daaji aidaunak esakatjattajai!

(Isaías) 28:12

Yaunchuk Apajuí chichagtamainak: “Juwig utugchatak atsawai, juwi ayamainaitjume, aents pimpikiuk ayamsati”, tusa tujabiuwai. Tujash atumek tusa tujamaig antugkachuitjume.

(Isaías) 30:10

Nunidau asag Apajuí chichamen etsejin profeta aidaun chichajuinak: ‘Yamai nagkamsagmek atum kajanum wainkamu aidauk etseju yujaigpa. Tuja chicham pegkeg dekaskea dushakam ujajatkaigpa; duka idaikujum dekas nugkaya waji pegkeg aidau ayá nunú ujajatkatajum.

(Jeremías) 18:18

Aents aidau chichainak: “Sacerdote aidau, aents yacha aidau, profeta aidau Apajuí chichamen iina jintinjamainuk tuke aitnai. Nuadui nii tawa duka makichkish antugkachmi, dutikaku Jeremíasak chicham umigka tsanumjuja maa ajapami”, tuidau.

(Miqueas) 2:11

Makichik aents nigki nagkami waitjak: “Vino senchi kajiau umamuk pegkejai, tuja tikich uwaja nampetai aina dushakam pegkejai”, tawa nunú atumek dekas profeta pegkejai tajume.

(Evangelio según San Lucas) 20:19

Nuna Jesús augmattai, sacerdote apuji aidau, maestro chicham umiktinun jintinkagtin aidaujai achikta tuidau. Nuninayatak aents aidaun ishamaidau.

(Evangelio según San Lucas) 6:26

“¡Wait anentajime atum ashí aents pegkegnum chichajam aidautigminak! wagki atumi muunjum aajakajua dusha wait profeta aidaun imatikas chichajujakú aina dui.

(Evangelio según San Juan) 8:45

Tujash wika dekaskea nuna chichaig, dekaskeapi tujuttsugme.

(Los Hechos de los Apóstoles) 17:21

Ashí Atenas batsamin aidauk, nuigtú tikich ikaya kaunkau nui batsamnushkam, tikichnak dutiktsuk ayatak chichaman antuktatus wakegaidau nuninak yamajam aina nunak pachis augmatuidau.

(Primera carta de San Pablo a los Corintios) 2:1

Yatsug aidauh, wi atumin Apajuinun pachisan ujaktasan tauwaitag nunak, aents yacha shiig jintiag chichaman chichaaku aina imanun iwainmamkatasanuk taachbaijai.

(Primera carta de San Pablo a los Corintios) 2:4

Mina chichamjuk, wi chicham etsegbaushkam, aents yachameagbaujijai tikichin wakeemitkaktatus chichau aina nunitsuk, Wakaní Pegkeji dekamtijamunum chichagkagtakun, senchijinash iwainakbaijai,

(Carta de San Pablo a los Gálatas) 4:16

¿Wi atumin dekaskea nuna ujakuitjim duiká atumi shiwajum wajasag?

(Primera carta de San Pablo a Timoteo) 1:10

tsanijimtan wekaetin, mai aishmagkuk dutikdayin, aentsun kasamak sujin aidaun, wait aidau, dekas umiktatjai tusa tsanumin aidau, dekaskea nu jintiamun dakitin aina nudauwai,

(Segunda carta de San Pablo a Timoteo) 1:13

Chicham dekaseg aidau minaiya antukuitam duke kuitamkata, dekaskeapi tabau nuigtú Cristo Jesusjai ijutkau asá anentak ajutjama nujai.

(Carta de San Judas) 1:18

juna tujabiaju ainawai: “Tsawan nagkanbau atina duik, aents aidauk pegkegchau chichagkagtin aidau agtina, nuninak dita pegkegchau wakegamu aina nuna takaa batsabiagtinai”, tusag.