(Segunda carta de San Pablo a Timoteo) 4:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Dutiksag Apu Jesús agkanmitkajuattawai ashí takat pegkegchau aina duish, nunik niina inamtaiji nayaimpinum jujukí kuitamjuktatui. Nigki tuke ememattai atin atí. Aatus atí.

(Segunda carta de San Pablo a Timoteo) 4:18 Iomraidhean Croise

(Génesis) 48:16

tuja Apajuí ángel tumain nayaimpinmaya pegkegchau aidaunmash ashí agkanmitkajuauwa dushakam, ¡juju uchi aidaunak pegkegnum yumigsati! ¡Nuadui mina daajush, mina apachug aidau, Abraham, Isaakan daajish, ditá daajin atakea duwish tuke pachitai atinme! ¡Ditak kuashat uchigtin atinme, nuninak shiig kuashat yujaktinme!”

(Salmos) 121:7

Ishamain ataish, Tuke Pujuu ejapak kuitamjamui; tuja nii amina pujutjumnash kuitamjutpawai.

(Salmos) 37:28

Wagki Tuke Pujuuk shiig takamua nuna wakegawai; nuadui niina umijuidaunak kajimatkig idaitsui; untsu pegkegchau aidaunak dita uchiji aidaujai ashí ijinui.

(Salmos) 73:24

Umigtukti tujutu asam ame chichagtukmayume, nuadui wi jakamtaish, eme anenjusam jujuktinaitme.

(Evangelio según San Mateo) 13:43

Untsu pegkejan takasú aina duka, ditá Apají inamtaijiya nui wakag tuke etsajai betek etsantiagtinai. Ni antutaiji ajamuk antukti, tiuwai.

(Evangelio según San Mateo) 25:34

Dutika, untsujin ijunaina nuna Rey chichajak: ‘Minitajum, mina Apag pegkegnum yumigsamu aidautigmek, nunikjum jukitajum atum inamjatnun nugkash najannatsaig umigtamkamua nunú.

(Evangelio según San Mateo) 6:13

Pegkegchaun takastinme tusamek idaikagtutsuk, ayatak yaijatkam agkanmitkagtuata’, tiuwai.

(Evangelio según San Lucas) 11:4

Jutii tudaujish tsagkugkagtugta, wagki jutiish ashí pegkegchau awajtamaidaush tsagkujuinag dutiksamek, pegkegchaun takastinme tusamek idaikagtusaipa” ayatak yaijatkam agkanmitkagtuata, tiuwai.

(Evangelio según San Lucas) 12:32

“Ishamkaigpajum, ujumak mina jintintaig ainajum nuutigmek, wagki atumnak Apa Apajuiya nu mina inamtaijui pujustinme tusa wakejutpagme.

(Evangelio según San Lucas) 22:29

Nuadui wi atumnak apu emajime, mina Apag mina apu etiuwa dutiksanuk,

(Evangelio según San Juan) 17:15

Ju nugka jui batsamsainum yajuakta tusanuk segatsjame, Iwanch waitkainakuish ayamjukta tusan segajame.

(Carta de San Pablo a los Romanos) 11:36

Ashí najankamu aina duka Ni najankamu ainawai, nunú aina duka ni chichamenig ainawai, nunin asa ashí niinuk ainawai. Iman asamtai: ¡Imá nigki tuke ememattai atí! Aatus atí.

(Carta de San Pablo a los Romanos) 16:27

¡Apajuí imá nigki yacha, ashí wajiin dekauwa nu tuke emematiagmi Jesucristo daaji pachisa! Aatus atí.

(Primera carta de San Pablo a los Corintios) 1:21

Wagki Apajuí ni yachajin iwainakua nunak aentsuk ditá yachajiya nujaig dekamainchau wajasajui, tujash Apajuik wakeekauwai, chicham etsegbaun imanchau diinaigkesh dekaskeapi tuina nuna uwemtikatatus.

(Primera carta de San Pablo a los Corintios) 10:13

Atum pegkegchau anentaimtakjum waitiajum nunak tikich aents aidaush nunisag waituinawai, tujash Apajuik betek umina ibau asa atum katsunmainchaunmag waittsati tusag idaitamsachagtatui, ayatak ame pegkegchau anentaimkum waitiam dusha wajuk katsunjam nagkaemainaitme nuna yaimpaktatui.

(Primera carta de San Pablo a los Corintios) 15:50

Yatsug aidauh, juna tajime: Neje numpajaiya duka Apajuí inamtaijinig wayashtinai. Iina iyashí besena jushakam, tuke besechu atina nuig waimaitsui.

(Segunda carta de San Pablo a los Corintios) 1:10

nuniau asajin Apajuí jutii iman ishamainnum pujajinish jiigmaki uwemtijamjabi, nuniau asa yamaishkam dutijamsag agkanmitkagmasagké awai. Dutijamu asamtai nigkiap atakea duwish agkanmitkagmatnaita tusa dakamu ajutjamji;

(Carta de San Pablo a los Gálatas) 1:5

nuadui, ¡Apajuiya duka tuke ememattai atin atí! Aatus atí.

(Primera carta de San Pablo a los Tesalonicenses) 5:23

Apajuiya duke, shiig agkan pujutan sukagtina nu atumnash pegkeemtijamiagti, ashí atumi wakanmin, anentaibaugmin nuigtú iyashminashkam, Apu Jesucristo taatta duish bakumamainchau atinme tusa.

(Segunda carta de San Pablo a los Tesalonicenses) 3:3

Tujash Apu Jesusak betek uminai, ibau asa nigki ichichtamag, pegkegchaunmash kuitamjamkatnume.

(Primera carta de San Pablo a Timoteo) 1:17

Nuadui Rey tuke puju, jachau, wainchatai, Apajuí makichkiuchia duke eme anentsá ajumaiya duish tuke ememattai atí. Aatus atí.

(Primera carta de San Pablo a Timoteo) 6:16

Nigkiyai jachauwa dushakam, tsaaptin adigmainchaunum pujuwa nu, makichkish wainchatai nuigtush wainmainchauwa nu, niina senchijish, ni inabaujish tuke atina nu ememattai atí. Aatus atí.

(Segunda carta de San Pablo a Timoteo) 1:12

Duwi wika ashí ju aidaunak waitiajai, tujash datsamatsjai; wagki, wi yana dekaskeapi tiuwaitja nuna dekau asan, nuigtush nigkiap senchigtina ibau asa, atak tsawan atina dui midau atinnash kuitamjutua tau asan.

(Segunda carta de San Pablo a Timoteo) 4:1

Apajuí nuigtú Cristo Jesús inamjatatus jui taa, iwaaku aidaun, jakau aidaunash dita takasbaujin diijus titina nuna eemtin puyatjusan tajame,

(Carta a los Hebreos) 11:16

Tujash ditak nugka dekas pegkeja nuna wakegajakajui, duka nayaimpinum awa nuna. Nuadui Apajuí dita pujusagtinnak yaakat nayaimpinum awa nuna umigkauwai, dutikau asa Apajuik: Juka midau ainawai tutanmak datsamatsui.

(Carta a los Hebreos) 12:22

Tujash atumek muja Sión Apajuí tuke pujuuwa nuna yaaktaji nayaimpinmaya Jerusalegka nu adijkaugme, nuig nayaimpinmaya aents aidau shiig kuashat Apajuin emematuinak ijunag ainawai,

(Carta a los Hebreos) 13:21

nunin asa atumnash pegkeg etamtinme ashí ni wakega duke takasminjum. Nigki ashí jutiinash ni wakega duke takamain etamti, Jesucristo dutikamua dui. ¡Imá Jesucristua duka tuke ememattai atí! Aatus atí.

(Carta de San Santiago) 2:5

Mina aneetaig yatsug aidauh, antuktajum: ¿Apajuí etegkachukai ju nugkanmaya ujunauch aina nuna, dekaskeapi tabaunum wiyakuch agtinme, nuninak niina inamtaijiya nuna niina aneen aidaun anagkuauwa nuna jukitnume tusa?

(Primera carta de San Pedro) 1:5

Atum Apajuiyai dekaskeapi tabau ajutjamaina dui niina senchijin kuitamjamui, uwemat umikbau awa nuna jukitnume tujamu asa, nunak tsawan nagkanbau atina dui iwainaktinai.

(Primera carta de San Pedro) 5:11

Nigki ajumaish tuke senchigtin atí. Aatus atí.

(Segunda carta de San Pedro) 1:11

Nuniau asajum shiig anentsá, iina Apuji Uwemtikagtin Jesucristua nuna inamtaiji tuke atina nui awayam atatjume.

(Segunda carta de San Pedro) 3:18

Nunitsuk, dekas tsakagtajum anentag jukimua nui nuigtú iina Apuji Jesucristo Uwemtikagtina nu dekatnum, nigki yamaish nuigtú tuke pujustin tsawan jegatna nuish ememattai atí. Aatus atí.

(Carta de San Judas) 1:1

Witjai Judas, Jesucristo inake Santiago yachiyaitjai, atum Apajuí iina Apajiya nuna anetaiji etegjamu aidautijum, Jesucristo kuitamsam batsatjum nuutigmin kumpamjime.

(1 Samuel) 17:37

Ikamyawa chayujai maawai tusa Tuke Pujuu ayamjutkauwa nunú minak yamaishkam filisteo maawai tusa ayamjutkattawai”, tau. Tutai Saúl chichajak: “Kame takumek wetá, Tuke Pujuu kuitamjamkati”, tiuwai.