(Segunda carta de San Pablo a Timoteo) 3:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Ashí Agagbauwa duka Apajuí tibauwa nuuwai, nunin asa atsumtaiyai jintinkagtamunum, anentai yapagkagtuata tabaunum, esekagtuata tabaunmash, pegkeg takat aina nui jintinkagtuata tabaunum,

(Segunda carta de San Pablo a Timoteo) 3:16 Iomraidhean Croise

(2 Samuel) 23:2

“Tuke Pujuu Wakani minai pujau asa chichamtijawai. Nii tujutbauwa nuna kantamjai.

(Nehemías) 9:20

Nuigtushkam Wakani Pegkeji ditan jintintuatin susabiume, tuja dita yapajak yuwawagtin nayaimpinmaya yutai maná akaketkabiume, tuja kitamainakuishkam dita uwagtinuk sumayume.

(Salmos) 119:130

Amina chichamjum etsegbauwa duka tsaaptinjai betekai; nuniau asa aents kakagchauchinak shiig dekamtikawai.

(Evangelio según San Mateo) 13:52

Tiagtai ni chichajak: —Ashí maestro chicham umiktinun jintinkagtin aidau Apajuí inama nuiyan unuimauk, aents jeentin oroji ukukbaun, yamagman nuniachkush ajutan jiiyama nuninawai, tiuwai.

(Evangelio según San Mateo) 21:42

Tiagtai Jesús ditan ayaak: —¿Atumek Agagbau aina duka tuke ausachuk ainajum, nui: “Kayá ekenag jegamin aidau, kaya pegkegchauwai tusag dakitjajua nunú yamai dekas jegá ichichkatin kaya apujtutia iman wajasé; Nunak Apu Apajuí dutikau asamtai jutii diismak anentai ejetumaitsui” tawa duka?

(Evangelio según San Mateo) 22:43

Tiagtai: —Nuniaish, ¿wajuk asamtaiya Davitash Wakan ichachiamash Apú tiuwaita?

(Evangelio según San Mateo) 26:54

Tujash nu nunitaish, ¿wajuk uminmaina ainawa Agagbau aina nui aatus nuniktinai tibauwa dusha?

(Evangelio según San Mateo) 26:56

Tujash ashí ju juniajum juka, profeta aidau agagbau aina nunú uminu asamtai juniagme. Nuna taig, ashí niina jintintai aidauk pisainak ukukiajui.

(Evangelio según San Marcos) 12:24

Tiagtai Jesús ayaak: —Atumek Agagbau aina nu nuigtú Apajuí senchijiya dushakam dekachu asajum dewakugme.

(Evangelio según San Marcos) 12:36

David Wakaní Pegkejiya nu ichachiam: “Apu mina Apujun chichajak: Ekeemsata mina untsujui, nunikamin wi amina shiwajum aidaunak ashí idaitustajame”, tiuwai.

(Evangelio según San Juan) 10:35

Agagbaunum tawa duka dekainaji, nuninchauwai tumaitsui; Apajuik ni chichamen aents aidaun awetiuwa nuig apajuí ainagme tiuwai.

(Evangelio según San Juan) 3:20

Wagki ashí aents pegkegchaun takaina duka, tsaaptinnak dakituinawai, nunidau asag tsaaptinnak adijainatsui, pegkegchau aidau takaamujin iwaintugkai tuidau asag.

(Los Hechos de los Apóstoles) 1:16

Yatsug aidauh, David Wakaní Pegkeji dekamtikam, Judas Jesusan achiktinme tusa unupiagtinun pachis yaunchuk Agajua duka kuashat mijan nagkaemakne.

(Los Hechos de los Apóstoles) 18:25

Nigka, Apu Jesús pachisa jintintuamu asa, wakekegat shiig paan antumainun Jesusan pachisash jintinkagtau, imá Juan Yamijatin jintinkagtuamun dekayatak.

(Los Hechos de los Apóstoles) 20:20

Tujash, wika atumnak pegkegnum yaimpamaina nunak ujatskek idaisachmaijime, nuniakun ashí antuinamunmash, nuigtú atumi jeeminish jintinbaijime.

(Los Hechos de los Apóstoles) 20:27

wagki atumnak Apajuí wakegamujiya nunak uugtsuk ashí imatiksanuk ujakuitjim nuadui.

(Los Hechos de los Apóstoles) 28:25

Nunidau asag, Pablo nuna timatai dekaskeapi tuinai tikich dekaskeapi tuinatsu nujai shiig juwamainchau dekapedau, nuninak aents aidauk jiinag shimutan nagkamawaju, nuniagtai Pablo chichaak: —Dekaskenum Wakaní Pegkeji profeta Isaías aajakua nui, atumi muunjum aajakajua nuna chichajak:

(Carta de San Pablo a los Romanos) 15:4

Wagki yaunchuk Apajuí chichame agagbauwa nuwi agakbauwa duka, jutiin jintinjamatin asamtai agakbauwai. Nunú chichama nujai ichichmamku, ebetmamsa pujamunum Apajuí dakamuk ajutkagtawai.

(Carta de San Pablo a los Romanos) 2:20

Nuigtushkam dekachu aidaush jintintin ainaji, nuniaku chicham umiktin ajutjamu asamtai Apajuí chichamen imaanis dekainachush unuidau ainaji wajuk shiijash pujumainaita dushakam, jutiik dekaskea dusha shiig dekainaji tajume.

(Carta de San Pablo a los Romanos) 3:2

tujash duka nuninchauwai, dekaskenmag judío aidautik tikich nagkaesau ainaji, Apajuí ni chichame agagbaun dekatkauk jutiná sujamsauwa dui.

(Carta de San Pablo a los Romanos) 4:23

Tujash Apajuí Abraham dekaskeapi tabau asa pegkeg diisua duka, imá ni nunikbauwa duke pachisa agagchamui.

(Primera carta de San Pablo a los Corintios) 12:7

Apajuik makí makichkitin Wakan takamtikagta nunak sukagtawai, tikich aidaujaish yainikti tabaunum.

(Carta de San Pablo a los Gálatas) 3:8

Nuna pachis yaunchuk agagbau aajakua nuna dekau asa, judiochu aidaush dekaskeapi tiagtai Apajuí pegkeg ainagme tama agtina nuna emtika Abrahaman yamajam chichaman ujaak: “Ashí nugkanmaya aents aidauk aminí pegkegnum yaigbau agtinai”, tiuwai.

(Deuteronomio) 4:36

Apajuí atumi pujutjumin esetamatag tau asa, nayaimpinum pujusa chichagtamkauwai. Tuja nugkaashkam jii kegaun iwaintugmakui. Nunú jii kegamunmaya niina chichame antukuitjume.

(Segunda carta de San Pablo a Timoteo) 2:25

kakagchau anentaiyai antakchau aina nunash esemainai, Apajuiyai atak wakitki dekaskea nunash dekachaintash,

(Segunda carta de San Pablo a Timoteo) 4:2

chicham etsegkata tusan; nuniakum ashí tsawantai titá anentai yapajiatnume, jiyaktá, pegkegnumash wakemitkakta dutikakum emamkesam jintintuata.

(Carta a los Hebreos) 11:1

Apajuiyai dekaskeapi tabauwa duka, dekaskenmap jukittaja tusa kajintsá dakamua nuuwai. Nuigtushkam wainchayatku dekas awapita tabauwa nuuwai.

(Carta a los Hebreos) 3:7

Nuadui Wakaní Pegkeji tibau agagbaunum tawa ju: “Yamai Apajuí tabau antakjumek,

(Carta a los Hebreos) 4:12

Apajuí chichamega duka senchigtinai pujutnash sukagtinai, nuigtush espada mai yantamejai etsakamua nuna nagkaesauwai. Iman asa wakannumash, anentaimat aina nunash anentainum shiig wayá pegkeg aunash, pegkegchau aunashkam dekamtijamji.